მთავარი მენიუს გახსნა

ბაილეთი (ყოფ. განახლება) — სოფელი ოზურგეთის მუნიციპალიტეტში, თემის ცენტრი (ახალსოფელი, ჭანიეთური). მდებარეობს ნასაკირალის სერის ჩრდილოეთ კლათაზე, მდინარე სუფსის მარცხნივ, ზღვიის დონიდან 60 მ. ოზურგეთიდან 9 კმ. სოფელში არის საჯარო სკოლა.[1]

სოფელი
ბაილეთი
Ozurgeti.png
ქვეყანა საქართველოს დროშა საქართველო
მხარე გურიის მხარე
მუნიციპალიტეტი ოზურგეთის მუნიციპალიტეტი
თემი ბაილეთი
კოორდინატები 41°58′27″ ჩ. გ. 41°57′42″ ა. გ. / 41.97417° ჩ. გ. 41.96167° ა. გ. / 41.97417; 41.96167
დაარსდა 1609
ადრეული სახელები განახლება (1938-1979)
ცენტრის სიმაღლე 60
მოსახლეობა 274 კაცი (2014)
ბაილეთი — საქართველო
ბაილეთი
ბაილეთი — გურიის მხარე
ბაილეთი

ისტორიარედაქტირება

ბაილეთი გურიის სამთავროს მნიშვნელოვან ცენტრს წარმოადგენდა. აქ მდებარეობდა გურიელთა სასახლე და გვიანშუასაუკუნეების ციხე-სიმაგრე, ასევე 1609 წელს აგებული ბაილეთის ეკლესია. ბაილეთი შედიოდა გურიანთის სასოფლო საზოგადოებაში და ეკუთვნოდა გურიელებს, ხოლო გამოღმა ბაილეთი გვიან ფეოდალურ ხანაში წარმოადგენდა ნაკაშიძეების სამფლობელოს.[2]

გურიანთას გამოეყო 1938 წელს და ჩამოყალიბდა ცალკე სასოფლო საბჭოდ, რომელსაც განახლება ეწოდა. 1950-იან წლებში სოფელში ამოქმედდა მცირე ელექტროსადგური და ჩაის ფაბრიკა[3] 1979 წელს დაუბრუნდა ძველი სახელი. 1958-60 წლებში სოფელში გაყვანილ იქნა წყალსადენი, მოხდა სოფლის ელექტროფიკაცია, აშენდა ბიბლიოთეკა.

ისტორიული ძეგლებირედაქტირება

  მთავარი სტატია : ბაილეთის ეკლესია.

სოფლის ტერიტორიაზე იდგა შუა საუკუნეების ციხის გალავანი და 1609 წლის ეკლესია. ბაილეთის ეკლესია მამათისა და ჩეხედანას ეკლესიებთან ერთად იერუსალიმის უფლის საფლავისთვის იყო შეწირული. ეკლესია ნაგებია აგურითა და ნახეთქი ქვით. 1827 წ. ეკლესიას დაადგეს თლილი ქვის გუმბათი და მოხატეს. ეკლესიის აღმოსავლეთ ნაწილი სამწახნაგოვანი ნახევარწრის ფორმისაა. მხატვრობა შეიცავდა გურიელების გვარის წარმომადგენელთა პორტრეტებს. ამჟამად ეს ტერიტორია მოქცეულია სოფელ სილაურის ფარგლებში.

მოსახლეობარედაქტირება

აღწერის წელი მოსახლეობა კაცი ქალი
1893[4] 1374
1908[5]   954
1911[6]   136
2002   626
2014   274 137 137

ცნობილი ადამიანებირედაქტირება

სოფელში დაიბადა ჟურნალისტი და მწერალი იასე რაჭველი.

ლიტერატურარედაქტირება

სქოლიორედაქტირება

  1. საჯარო სკოლების მონაცემთა ბაზა
  2. ო. სოსელია, „ნარკვევები ფეოდალური ხანის დასავლეთ საქართველოს სოციალურ-პოლიტიკური ისტორიიდან“, გვ. 165 — თბილისი, 1981 წ.
  3. შ. ზაქარიაძე, „ახალმშენებლობანი განახლებაში“, გაზეთი „ლენინის დროშა“, N111 გვ. 4 — 1951 წ.
  4. Кавказский календарь на 1894 год გვ. 340
  5. Кавказский календарь на 1910 год
  6. Кавказский календарь на 1912 год