ხორენია

ხორენია — სოფელი საქართველოში, ახალქალაქის მუნიციპალიტეტში, ხოსპიოს თემში.

სოფელი
ხორენია
ქვეყანა	საქართველო
მხარე	სამცხე-ჯავახეთის მხარესამცხე-ჯავახეთის მხარე
მუნიციპალიტეტი	ახალქალაქის მუნიციპალიტეტი
თემი	ხოსპიო
კოორდინატები	41°20′32″ ჩ. გ. 43°31′25″ ა. გ.
ადრეული სახელები	ხორანია
ცენტრის სიმაღლე	1750 მ
ოფიციალური ენა	ქართული ენა
მოსახლეობა	504 კაცი (2014)
ეროვნული შემადგენლობა	სომხები 97,6 % ქართველები 2 %
სასაათო სარტყელი	UTC+4

მდებარეობს ახალქალაქის პლატოზე, მდინარე ფარავნის მარჯვენა ნაპირას. ზღვის დონიდან 1750 მ, ახალქალაქიდან 10 კმ. ამ სახელით ორი სოფელია ცნობილი: დიდი და პატარა ხორენია. მათ ერთმანეთისგან მდინარე ფარავანი ჰყოფს. ადმინისტრაციულად პატარა ხორენია ნინოწმინდის მუნიციპალიტეტის შემადგენლობაშია.

დემოგრაფია

2014 წლის აღწერის მონაცემებით სოფელში ცხოვრობს 504 ადამიანი.

აღწერის წელი	მოსახლეობა	კაცი	ქალი
2002	666	325	341
2014	504	247	257

ისტორია

სახელწოდების თავდაპირველი ფორმა არის ხორანია და არა ხორენია, თუმცა ეს უკანასკნელი ფორმა გაჩნდა XIX საუკუნეში და დამკვიდრდა. სოფელში არის ორი ეკლესია, რომელიც შემდეგ სომხურად გადაუკეთებიათ. ეკლესიას შემორჩენილი აქვს წარწერები. ეკლესიას ოთხი წარწერა ჰქონია 1896 წელს, როდესაც ივანე როსტომაშვილს უმოგზაურია იქ. ყველაზე მთავარი წარწერა მოთავსებული ყოფილა სახურავზე. ეტყობა მოგვიანებით აიტანეს იგი იქ. შემდეგ, როდესაც ექვთიმე თაყაიშვილმა მოიარა ჯავახეთი, წარწერა ვეღარ ნახა, რადგან სახურავი გადაეგდოთ უკვე. მეორე ქართული ეკლესია მცირე ზომისაა. წარწერები ძალითაა წაშლილი.

ლიტერატურა

• მ. ბერიძე, ჯავახეთის ძეგლთა მდგომარეობა (სამეცნიერო ექსპედიციის ანგარიში, 1979 წ.). ჯავახეთი. ისტორია და თანამედროვეობა. გვ. 335-404, ახალციხე, 2002

• ქართული საბჭოთა ენციკლოპედია, ტ. 11, თბ., 1987. — გვ. 499.

რესურსები ინტერნეტში

• ხორენია – ერთი სოფელი, ერთი და იმავე პრობლემებით და ორი სახელით გაზეთი „სამხრეთის კარიბჭე“