შავი ღვია

შავი ღვია, მყრალი ღვია (ლათ. Juniperus foetidissima) — წიწვოვანი მცენარე კვიპაროზისებრთა ოჯახისა. წარმოადგენენ მარადმწვანე ბუჩქებს ან ხეებს. გავრცელებულია შიდა ქართლსა და კახეთში. გავრცელების საერთო არეალი მოიცავს კავკასიას, სამხრეთ-აღმოსავლეთ ევროპას, მცირე აზიას. იზრდება მთის ქვედა და შუა სარტყელებში, კლდოვანსა და ქვიშა-თიხნარ მშრალ ფერდობებზე; ხშირად ქმნის მეჩხერ ტყეებს საკმლის ხესთან, ქართულ მუხასთან, ბერყენასა და ღვიის სხვა სახეობებთან ერთად. შეტანილია საქართველოს წითელ ნუსხაში, როგორც მოწყვლადი სახეობა.

შავი ღვია
მეცნიერული კლასიფიკაცია
სამეფო:  მცენარეები განყოფილება:  წიწვოვანნი კლასი:  წიწვოვანნი რიგი:  ფიჭვისნაირნი ოჯახი:  კვიპაროზისებრნი გვარი:  ღვია სახეობა:  შავი ღვია
ლათინური სახელი
Juniperus foetidissima Willd., 1806
დაცვის სტატუსი
ყველაზე ნაკლები საფრთხის ქვეშ IUCN 3.1 Least Concern : 42234
სისტემატიკა ვიკისახეობებში სურათები ვიკისაწყობში ITIS   822544 NCBI   1719643 EOL   1034928 IPNI   262220-1 TPL   kew-2332560

ღერო 6-10 მ-მდე სიმაღლისაა და 30-60 სმ-მდე დიამეტრის, ვარჯი ჩვეულებრივ პირამიდულია ან კონუსისებური, ქერქი რუხია, ახალგაზრდა ტოტებზე მოწითალო-მურა ფერისაა. წიწვები მუქი მწვანეა, 2-5 მმ-მდე სიგრძის. მამრობითი გირჩები კვერცხისებურ-სფეროსებურია. მომწიფებული მდედრობითი გირჩები სფეროსებურია, მოწითალო-შავი ფერის.

ლიტერატურა

• სუხიტაშვილი კ., საქართველოს მცენარეები, თბ., 2022, გვ. 14