ტაშისკარი

ტაშისკარი — ისტორიული სოფელი საქართველოში, შიდა ქართლის მხარის ხაშურის მუნიციპალიტეტში (ქვიშხეთის თემი), ლიხის ქედის აღმოსავლეთ კალთაზე, მდინარე მტკვრის მარცხენა მხარეს. ზღვის დონიდან 720 მეტრი, ხაშურიდან 10 კმ. სოფელში დგას ჩიკორის ეკლესია და ტაუსას ეკლესია.

სოფელი
ტაშისკარი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	ხაშურის მუნიციპალიტეტი
თემი	ქვიშხეთი
კოორდინატები	41°57′04″ ჩ. გ. 43°30′21″ ა. გ.
ცენტრის სიმაღლე	720 მ
ოფიციალური ენა	ქართული ენა
მოსახლეობა	360 კაცი (2014)
ეროვნული შემადგენლობა	ქართველები 98,1 % ოსები 1,1 %
სასაათო სარტყელი	UTC+4
სატელეფონო კოდი	+995

ისტორია

1609 წელს სოფლის მიდამოებში მოხდა ტაშისკარის ბრძოლა. ქართველთა ლაშქარმა გიორგი სააკაძის სარდლობით გაანადგურა ოსმალთა და ყირიმელ თათართა ლაშქარი. ტაშისკარი ფეოდალურ ხანაში შედიოდა ქართლის აბაშიძეების სათავადოში. აბაშიძეებს ტაშისკარში მოწყობილი ჰქონდათ საბაჟო, რომელშიც გაივლიდა ოსმალეთის იმპერიასთან სავაჭო გზით მიმავალი ან მომავალი საქონელი. საბაჟოსთან აგებული იყო კოშკი. ბაჟს განსაზღვრავდნენ ქართლის მეფე და აბაშიძეები. XVIII საუკუნბის შუა წლებში აბაშიძეებმა ტაშისკარის საბაჟოს გამგებლობა ბეჟან ნახუცრიშვილს ჩააბარეს.

დემოგრაფია

2014 წლის აღწერის მონაცემებით სოფელში ცხოვრობს 360 ადამიანი.

აღწერის წელი	მოსახლეობა	კაცი	ქალი
2002	501	254	247
2014	360	177	183

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 609.