რორი კენედი
რორი ელიზაბეტ კეტრინ კენედი (ინგლ. Rory Elizabeth Katherine Kennedy; დ. 12 დეკემბერი, 1968) [1] — ამერიკელი კინორეჟისორი. ამერიკელი სენატორის რობერტ ფ. კენედისა და ეთელ სკაკელის მეთერთმეტე და ყველაზე უმცროსი შვილი. გადაღებული აქვს დოკუმენტური ფილმები ისე სოციალურ თემებზე, როგორიცაა დამოკიდებულება, ბირთვული გამოსხივება, სამხედრო ტყვეების მკურნალობა და სხვა. მისი ფილმები ბევრ სატელევიზიო ქსელში იყო ნაჩვენები.
| რორი კენედი | |
|---|---|
 კენედი 2011 წელს | |
| დაბადების სახელი | რორი ელიზაბეთ კეტრინ კენედი |
| დაბადების თარიღი |
12 დეკემბერი, 1968 ვაშინგტონი, აშშ |
| ეროვნება | ამერიკელი |
| ალმა-მატერი | ბრაუნის უნივერსიტეტი |
| საქმიანობა | რეჟისორი, პროდიუსერი |
| აქტიური | 1990-დღემდე |
| მეუღლე(ები) | მარკ ბეილი |
| შვილ(ებ)ი | 3 |
| მშობლები |
მამა: რობერტ ფ. კენედი დედა: ეთელ კენედი |
ადრეული ცხოვრება და განათლება
რედაქტირება_-_Rory_Kennedy_(1).jpg)
რორი კენედი დაიბადა ვაშინგტონში, მამის მკვლელობიდან ექვსი თვის შემდეგ. დედამ აირჩია სახელი „რორი“ ირლანდიის უკანასკნელი მეფის, რორი ო'კონორის პატივსაცემად, რომელიც ირლანდიას მართავდა მე-12 საუკუნეში.
1968 წლის 19 დეკემბერს (რორის დაბადებიდან ერთი კვირის შემდეგ), დედამ იგი მამის საფლავზე, არლინგტონის ეროვნულ სასაფლაოზე წაიყვანა. [2] კენედის უფროსი ძმა, მაიკლ ლემოინ კენედი რორის ნათლია იყო. კენედის ოჯახის მეგობრები ამბობდნენ, რომ რორი და მაიკლმა ახლო ურთიერთობა მთელი ცხოვრების განმავლობაში შეინარჩუნეს. [3]
როდესაც რორი მოზარდი იყო, ის სამხრეთ აფრიკის საელჩოსთან საპროტესტო აქციის დროს დააკავეს. 15 წლის ასაკში, მისი 28 წლის ძმა დეივიდი გარდაიცვალა ნარკოტიკების გადაჭარბებული დოზის გამო. რორიმ დაამთავრა მადეირას სკოლა და შემდეგ ბრაუნის უნივერსიტეტი პროვიდენსში, როდ-აილენდში. ბრაუნის უნივერსიტეტში მეორე კურსზე სწავლის პერიოდში რორიმ მოაწყო აქცია პროვიდენსის სუპერმარკეტთან. ფერმის მიგრანტი მუშაკების მიმართ სოლიდარობის ნიშნად მან მყიდველებს ყურძნის ბოიკოტისკენ მოუწოდა. [4]
კარიერა
რედაქტირება1990-იან წლებში რორიმ და ბრაუნის უნივერსიტეტის კურსელმა ვანესა ვადიმმა (როჯერ ვადიმისა და ჯეინ ფონდას ქალიშვილი) შექმნეს May Day Media, არაკომერციული ორგანიზაცია, რომელიც დაფუძნებულია ვაშინგტონში და სპეციალიზებულია ფილმების წარმოებაში. Women of Substance იყო კენედის პირველი დოკუმენტური ფილმი. ფილმი 1994 წელს გამოვიდა და იდეა გაჩნდა ნაშრომიდან, რომელიც მან დაწერა ბრაუნის უნივერსიტეტში სწავლის დროს. [5] 1998 წელს კენედიმ და კიდევ ერთმა ბრაუნის კურსდამთავრებულმა ლიზ გარბუსმა დააარსეს Moxie Firecracker Films, რომელიც სპეციალიზებულია სოციალურ თემებზე გადაღებულ დოკუმენტურ ფილმებში.
იგი რეჟისორი და თანაპროდიუსერი იყო American Hollow-სა (1999), ფილმი აპალაჩელების ოჯახზეა და კრიტიკოსებისგან მიიღო მოწონება და მრავალი ჯილდო. კენედიმ დოკუმენტური ფილმი წარადგინა ვიტენბერგის უნივერსიტეტში 2001 წლის 13 სექტემბერს. ფილმის პრეზენტაციის შემდეგ მან კითხვებს უპასუხა. 2001 წლის ოქტომბერში კენედი გაემგზავრა კლივლენდში, ოჰაიოში, რათა გამოსულიყო ებრაელ ქალთა ეროვნული საბჭოს გახსნის შეხვედრაზე. შეხვედრაზე მან ისაუბრა დოკუმენტური ფილმების მწარმოებელ კომპანიაზე, Change the World Through Film-ზე. [6]
კენედი რეჟისორი და თანაპროდიუსერი იყო ემის ჯილდოზე ნომინირებული სერიალისა, პანდემია: შიდსის წინაშე (2003), რომლის პრემიერა შედგა შიდსის საერთაშორისო კონფერენციაზე ბარსელონაში, ესპანეთში, 2002 წლის 8 ივლისს. იგი დააფინანსა ბილ და მელინდა გეითსების ფონდმა და მოგვითხრობს შიდსით დაავადებულთა რეალურ ისტორიებს. აღნიშული ფილმი 2003 წლის ივნისში ხუთ ნაწილად აჩვენეს HBO-ზე.
კენედი რეჟისორი და პროდიუსერია 2004 წლის ფილმისა, „ბიჭის ცხოვრება“ (2004), რომელიც მოგვითხრობს ახალგაზრდა ბიჭისა და მისი ოჯახის ისტორიას. ფილმის პრემიერა შედგა 2003 წლის ტრიბეკას კინოფესტივალზე და მიენიჭა საუკეთესო დოკუმენტური ფილმის პრიზი ვუდსტოკის კინოფესტივალზე; მოგვიანებით ის გაუშვეს HBO-ზე.
ის იყო Street Fight-ის (2005) თანა-აღმასრულებელი პროდიუსერი. ფილმმა მიიღო ოსკარის ნომინაცია საუკეთესო დოკუმენტური (მხატვრული) ფილმისთვის.
მან გადაიღო მადლობა, ბატონო პრეზიდენტო: ჰელენ თომასი თეთრ სახლში, რომლის პრემიერა შედგა HBO-ზე 2008 წლის 18 აგვისტოს. მიმოხილვების მიხედვით, 40-წუთიანმა დოკუმენტურმა ფილმმა საინტერესოდ აჩვენა საკულტო ჟურნალისტის ისტორია. [7]
2009 წლის 30 ივნისს კენედი მიიწვიეს კინოხელოვნებისა და მეცნიერების აკადემიაში. [8]
კენედიმ გადაიღო The Fence (La Barda), რომლის პრემიერა შედგა სანდენსის კინოფესტივალის გახსნაზე 2010 წელს. ფილმის დებიუტი შედგა HBO-ზე 2010 წლის 16 სექტემბერს. ფილმი დეტალურად აღწერს შეერთებულ შტატებსა და მექსიკას შორის სასაზღვრის ღობის სავალალო მდგომარეობას, რამაც იმიგრანტების სიკვდილი გაზარდა. [9] [10]
2011 წელს ის პროდიუსერი და რეჟისორი იყო ფილმისა, ეთელ, რომელიც გადაიღო საკუთარ დედაზე, ეთელ კენედზე. ფილმის პრემიერა შედგა 2012 წლის სანდენსის კინოფესტივალზე და გავიდა HBO-ზე 2012 წლის 18 ოქტომბერს. [11]
.jpg)
აქტივიზმი და პოლიტიკა
რედაქტირებაკენედი მხარს უჭერს რამდენიმე სოციალური აქტივიზმის ორგანიზაციას და გაწევრიანებულია მრავალი არაკომერციული ორგანიზაციის საბჭოში. [12] 2010 წლის მარტში კენედიმ წარმოადგინა პრეზენტაცია The Ritz-Carlton-ში, სადაც მან ისაუბრა ალკოჰოლისა და ნარკოტიკების მოხმარების ეფექტებზე და დაასკვნა, რომ დამოკიდებულება და ოჯახში ძალადობა „რთულადაა ერთმანეთთან დაკავშირებული“. მან ასევე გამოხატა თავისი მხარდაჭერა მკურნალობის ვარიანტების მიმართ და უწოდა მათ „უფრო მნიშვნელოვანი, ვიდრე სისხლის სამართლის მიდგომა“. ალკოჰოლიზმის ყოვლისმომცველი რეაბილიტაციის პროგრამების აღმასრულებელი დირექტორი რობერტ ბოზონი დაეთანხმა მის მოსაზრებას და დასძინა: „რორის თუ მოუსმენთ, მკურნალობა უფრო ეფექტურია, ვიდრე პატიმრობა“. [13]
2019 წლის 11 იანვარს, რორი კენედიმ დაწერა Rolling Stone-ის სტატია Red Hot Chili Peppers-ის მომღერალ ენტონი კიედისთან და მალიბუს ფონდის წევრ ტრევორ ნილსონთან ერთად მიმდინარე კლიმატური კრიზისის შესახებ. [14]
პირადი ცხოვრება
რედაქტირებაკოლეჯის დამთავრების შემდეგ, კენედი გადავიდა ნიუ-იორკში, შემდეგ კი ლოს-ანჯელესში. კენედის ძმა მაიკლ ლემოინ კენედი 1997 წლის დეკემბერში თხილამურებით სრიალის დროს ფატალურად გარდაიცვალა. შემთხვევის დროს ის მასთან ერთად იმყოფებოდა და მისი სიცოცხლის გადარჩენას ცდილობდა, თუმცა მაიკლი სასიკვდილოდ იყო დაზიანებული.
1999 წლის 2 აგვისტოს კენედი დაქორწინდა მარკ ბეილიზე საბერძნეთში ვარდის ვარდინოიანისის სასახლეში. კენედი ბეილის ვაშინგტონში, ბრაუნის უნივერსიტეტის დამთავრების შემდეგ, საერთო მეგობრების შუამდგომლობით შეხვდა. ქორწილი თავდაპირველად 17 ივლისს იყო დაგეგმილი ჰიანის პორტში, მასაჩუსეტსში, მაგრამ გადაიდო მას შემდეგ, რაც თვითმფრინავი, რომელსაც მისი ბიძაშვილი ჯონ კენედი უმცროსი და მგზავრები კეროლაინ ბესეტ-კენედი (მისი ცოლი) და მისი და, ლორენ ბესეტი პილოტირებდნენ, ავიაავარიის შედეგად ძირს ჩამოვარდა.[15]
1999 წლის ოქტომბერში კენედი და მისი ქმარი თავიანთ ძაღლთან ერთად გადავიდნენ ახალ სახლში ვესტ-ვილიჯის უბანში. [16]
რორის და მარკს ჰყავთ ორი ქალიშვილი, ჯორჯია ელიზაბეტ კენედი-ბეილი (დ. 2002) და ბრიჯიტ კეტრინ კენედი-ბეილი (დ. 2004) და ერთი ვაჟი, ზაქარი კორკლენდ კენედი-ბეილი (დ. 2007). [17]
2004 წელს, მეორე ქალიშვილის დაბადებისას, კენედიმ და მისმა ქმარმა სახლი იყიდეს. [18] კენედი დეკრეტულ შვებულებაში გაემგზავრა 2007 წელს შვილის გაჩენის შემდგომ. [19] მან გაყიდა თავისი სახლი Shelter Island-ზე 2009 წლის დეკემბერში. [20] [21]
რორის ძმისშვილი კონორი ხვდებოდა ტეილორ სვიფტს 2012 წელს. ეთელ კენედის თქმით, სვიფტმა ოჯახთან ურთიერთობა მას შემდეგ დაიწყო, რაც რორი დაესწრო მის კონცერტს ჯორჯიასთან და ბრიჯიტ კენედისთან ერთად. რორი ამბობდა, რომ უყვარდა მომღერალი და მისი მუსიკა. [22]
Trulia.com-ის თანახმად, კენედიმ 2013 წლის იანვარში იყიდა სახლი მალიბუში, კალიფორნიაში და ამჟამად იქ ცხოვრობს. [23]
რესურსები ინტერნეტში
რედაქტირებასქოლიო
რედაქტირება- ↑ Ethel Skakel Kennedy | JFK Library. ციტირების თარიღი: August 26, 2020
- ↑ Oppenheimer, Jerry (May 15, 1995). The Other Mrs. Kennedy: An Intimate and Revealing Look at the Hidden Life of Ethel Skakel Kennedy. St. Martin's Paperbacks, გვ. 495–496. ISBN 978-0312956004.
- ↑ Mehren, Elizabeth (January 4, 1998). „Kennedy Family, Friends Say Farewell to Michael“. Los Angeles Times.
- ↑ Frey, Jennifer (July 21, 1999). „Rory: The Quiet Kennedy“. The Washington Post.
- ↑ Appleford, Steve (September 20, 2014). „Rory Kennedy recounts the 1975 fall of Saigon in new film“. Los Angeles Times. დაარქივებულია ორიგინალიდან — ოქტომბერი 25, 2015. ციტირების თარიღი: თებერვალი 11, 2022.
- ↑ Fine, Arlene (October 19, 2001). „Filmmaker Rory Kennedy focuses on social issues“. Cleveland Jewish News. დაარქივებულია ორიგინალიდან — March 28, 2015.
- ↑ McNamara, Mary (August 18, 2008). „Review: 'Thank You, Mr. President: Helen Thomas at the White House' on HBO“. The New York Times. ციტირების თარიღი: July 1, 2013.
- ↑ Stewart, Andrew (June 30, 2009). „AMPAS Invites 134 to join ranks“. Variety.
- ↑ Grove, Lloyd (September 14, 2010). „A Kennedy on the Fence“. The Daily Beast. ციტირების თარიღი: July 1, 2013.
- ↑ Hale, Mike (September 15, 2010). „Fences Make Good Neighbors? This One Has Its Doubters“. The New York Times. ციტირების თარიღი: July 1, 2013.
- ↑ Stanley, Alessandra (October 17, 2012). „Cheerfulness Amid Calamity“. The New York Times. ციტირების თარიღი: July 1, 2013.
- ↑ The Connecticut Forum - the Connecticut Forum.
- ↑ Paine, Chris (March 24, 2010). „Rory Kennedy delivers message of social justice to CARP fundraiser“. Palm Beach Daily News. დაარქივებულია ორიგინალიდან — ნოემბერი 30, 2016. ციტირების თარიღი: თებერვალი 11, 2022.
- ↑ „Anthony Kiedis: 'California Is on the Front Lines of the Climate Crisis'“. RollingStone. February 28, 2018. დაარქივებულია ორიგინალიდან — იანვარი 17, 2019. ციტირების თარიღი: თებერვალი 11, 2022.
- ↑ „Rory Kennedy full of mixed emotions“. USA Today. July 21, 1999.
- ↑ Gates, Anita (November 28, 1999). „TELEVISION/RADIO; A Filmmaker Now Known for Two Families“. The New York Times.Gates, Anita (November 28, 1999). "TELEVISION/RADIO; A Filmmaker Now Known for Two Families". The New York Times.
- ↑ Beggy, Carol and Mark Shanahan, Mark (July 17, 2009). "Busy Moore Takes Time to Sing Local Costar's Praises". The Boston Globe. Accessed August 25, 2009.
- ↑ „A Kennedy Sells Park Slope Townhouse“. Brownstoner. January 17, 2013.
- ↑ Dancis, Bruce (June 15, 2007). „Rory Kennedy Reveals the Ghosts of Abu Ghraib“. PopMatters.
- ↑ Donato, Nicki (December 17, 2009). „Rory Kennedy Sells Shelter Island Waterfront for Nearly $3 Million“. Curbed Hamptons.
- ↑ Mann, Laura (December 16, 2009). „Rory Kennedy sells Shelter Island home for $2.967 million“. Newsday.
- ↑ Malec, Brett (September 15, 2012). „Taylor Swift and Conor Kennedy Make Very Sweet Couple: I Love Her, Says Rory Kennedy“. E! News.
- ↑ Sheftell, Jason (February 19, 2013). „Filmmaker Rory Kennedy, daughter of Robert F. Kennedy, buys $2.9 million home on Malibu's Point Dume“. New York Daily News.