მასტერსი (სნუკერი)
მასტერსი (ინგლ. The Masters) — სნუკერის პროფესიონალური არარეიტინგული ტურნირი. ითვლება ყველაზე პრესტიჟულ არარეიტინგულ ტურნირად და ზოგადად სნუკერის ერთ-ერთ ყველაზე პრესტიჟულ ტურნირად. 1974/75 წლების სეზონიდან მოყოლებული შეტანილია პროფესიონალური შეჯიბრებების სიაში. ტარდება ყოველწლიურად ლონდონში, ალექსანდრა-პალასში (1979-დან 2011 წლამდე — სპორტკომპლექს უემბლიში).
| ტურნირის ინფორმაცია | |
|---|---|
| ჩატარების ადგილი | Alexandra Palace |
| მდებარეობა | ლონდონი |
| ქვეყანა | ინგლისი |
| თარიღი | 1975—დღემდე |
| ორგანიზაცია | პროფესიონალური ბილიარდისა და სნუკერის მსოფლიო ასოციაცია |
| ფორმატი | არარეიტინგული |
| საპრიზო ფონდი | £ 600,000[1] |
| მიმდინარე ჩემპიონი |
 რონი ო’სალივანი |
ისტორია რედაქტირება
პირველად ტურნირი მასტერსი გაიმართა 1975 წელს West Centre Hotel-ში, ლონდონში. მისი ორგანიზატორი იყო Benson & Hedges, რომელიც ტურნირის სპონსორად დარჩა 2004 წლამდე. 10 მონაწილიდან ფინალისტების პირველი წყვილი შეადგინეს ინგლისელმა ჯონ სპენსერმა და უელსელმა რეი რიარდონმა. დაძაბულ ორთაბრძოლაში, რომელიც დასრულდა გადამწყვეტი ფრეიმის შავ ბურთზე გადათამაშებით, სპენსერმა გაიმარჯვა. 1981 წელს ტერი გრიფიტსი 2323 მაყურებლის თვალწინ გახდა პირველი სნუკერისტი, რომელმაც მასტერსის მოგება პირველივე ცდიდან მოახერხა. ხოლო 1986 წელს კანადელმა კლიფ თორბერნმა მოხაერხა ზედიზედ მოპოვებული ტიტულების რეკორდის დამყარება — ის გახდა მასტერსის ზედიზედ ორგზის და საერთო ჯამში სამგზის ჩემპიონი.
1988 წლის მასტერსის ფინალისტს, მაიკ ჰალეტს, ძალიან არ გაუმართლა: იგი ფინალში სტივ დეივისს შეხვდა, რომელმაც მოწინააღმდეგე 9:0 გაანადგურა. თვითონ დეივისს იმ სეზონზე უკვე 6 ტიტული ჰქონდა მოგებული, ეს გამარჯვება კი ამავდროულად 23-ე „მშრალი“ მოგება გახდა.
საპრიზო ფონდი რედაქტირება
მასტერსი არის ყველაზე პრესტიჟული არარეიტინგული ტურნირი და მსოფლიო ჩემპიონატის შემდეგ ყველაზე „მდიდარი“ ტურნირი, თუმცა პირველად ჩატარებისას საპრიზო ფონდმა მხოლოდ 2000 ფუნტი სტერლინგი შეადგინა. 2012 წელს ტურნირის გამარჯვებულს გადაეცა 150 000 £, ხოლო ყველაზე მსხვილი ფულადი პრიზის მფლობელი გახდა მარკ უილიამსი: 2003 წელს მან მოიგო 210 000 ფუნტი სტერლინგი.
ფორმატი რედაქტირება
- პირველი რაუნდიდან (1/8) ფინალამდე — მატჩები 6 გამარჯვებამდე
- ფინალი — მატჩი 10 გამარჯვებამდე
გამარჯვებულები რედაქტირება
.svg){kind=small}
• მოთამაშეების მიხედვით
| მოთამაშე | სულ | წელი |
|---|---|---|
 სტივენ ჰენდრი
|
6 | 1989, 1990, 1991, 1992, 1993, 1996 |
| რონი ო’სალივანი
|
5 | 1995, 2005, 2007, 2009, 2014 |
| მარკ სელბი
|
3 | 2008, 2010, 2013 |
| პოლ ჰანტერი
|
2001, 2002, 2004 | |
| სტივ დეივისი
|
1982, 1988, 1997 | |
 კლიფ თორბერნი
|
1983, 1985, 1986 | |
| ჯონ ჰიგინსი
|
2 | 1999, 2006 |
 მარკ უილიამსი
|
1998, 2003 | |
.svg){kind=small} ალექს ჰიგინსი
|
1978, 1981 | |
| შონ მერფი
|
1 | 2015 |
იხილეთ აგრეთვე რედაქტირება
რესურსები ინტერნეტში რედაქტირება
- მასტერსი Top-snooker-ზე დაარქივებული 2011-10-21 საიტზე Wayback Machine. (რუსული)
- ინფორმაცია ტურნირის შესახებ კრის ტერნერის არქივში დაარქივებული 2012-01-07 საიტზე Wayback Machine. (ინგლისური)
სქოლიო რედაქტირება
- ↑ Prize Money Breakdowns 2013/14. worldsnooker.com. World Professional Billiards and Snooker Association (1 May 2013). დაარქივებულია ორიგინალიდან — 12 ოქტომბერი 2013. ციტირების თარიღი: 30 May 2013.