ლუი გარელი

ლუი გარელი (ფრანგ. Louis Garrel; დ. 14 ივნისი, 1983) — ფრანგი მსახიობი და კინორეჟისორი. ის ცნობილია თავისი მთავარი როლით ფილმში: „მეოცნებენი “ (რეჟისორი: ბერნარდო ბერტოლუჩი). ის რეგულარულად თამაშობდა ფრანგი რეჟისორის, კრისტოფ ონორეს, ფილმებში, კერძოდ: Ma Mère, Dans Paris, Love Songs, The Beautiful Person და Making Plans for Lena . მან მონაწილეობა მიიღო თავისი რეჟისორი მამის, ფილიპ გარელის, ფილმებში, მათ შორის: Regular Lovers, Frontier of the Dawn, A Burning Hot Summer და Jealousy.

ლუი გარელი
ლუი გარელი
მშობლიური სახელი	Louis Garrel
დაბადების თარიღი	14 ივნისი, 1983 (1983-06-14) პარიზი, საფრანგეთი
მოქალაქეობა	საფრანგეთი
საქმიანობა	მსახიობი
აქტიური	2002-დან დღემდე
მეუღლე(ები)	ლეტიცია კასტა
შვილ(ებ)ი	2
მშობლები	მამა: ფილიპ გარელი დედა: ბრიჯიტ საი

გარელმა ასევე ითამაშა ორ მხატვრულ ფილმში, რომლებიც მის მიერ იყო დაწერილი: Les Deux Amis, მთავარ როლებში გოლშიფტე ფარაჰანი და ვინსენტ მაკეინი; და ერთგული კაცი, მთავარ როლებში: ლეტიცია კასტა და ლილი-როუზ დეპი.

ის თამაშობს იმ პერსონაჟთა როლებს, როგორებიცაა მამაკაცი სასიყვარულო სამკუთხედის შუაგულში, ან მნიშვნელოვანი ისტორიული ფიგურები, მაგალითად: ჟაკ დე ბაშერი Saint Laurent-ში , ჟან-ლიუკ გოდარი Le Redoutable- ში და ალფრედ დრეიფუსი ფილმში „ოფიცერი და ჯაშუში“ . მის მიერ შესრულებულმა როლებმა მრავალი ნომინაცია მიიღეს სეზარის დაჯილდოებაზე.

ის ასევე მუშაობს სხვადასხვა ქალ რეჟისორთან. მათ შორის არიან: ვალერია ბრუნი ტედესკი, ბრიჯიტ საი, მაივენი და ნიკოლ გარსია.

ადრეული ცხოვრება

გარელი დაიბადა პარიზში, საფრანგეთში. მამა რეჟისორია – ფილიპ გარელი, დედა მსახიობი – ბრიჯიტ საი, და ძმაც ასევე მსახიობი – ესთერ გარელი. მისი ბაბუა, მორის გარელი და მისი ნათლია, ჟან-პიერ ლეო, ასევე ცნობილი ფრანგი მსახიობები არიან. მისი დედის ბაბუა წარმოშობით სეფარდი ებრაელი იყო. მან დაამთავრა პარიზის კონსერვატორია.

კარიერა

გარელი ექვსი წლის იყო, როდესაც პირველად გამოჩნდა ტელეეკრანზე ფილმში: Les Baisers de secours, თორმეტი წლის შემდეგ კი Ceci est mon corps- ში.

2002 წელს გარელმა საერთაშორისო აღიარება მოიპოვა, მას შემდეგ, რაც შეასრულა ევა გრინის ტყუპისცალი ძმის როლი ფილმში: „მეოცნებენი“ . რეჟისორმა ბერნარდო ბერტოლუჩიმ ის პარიზში კასტინგის პირველ სესიაზე აღმოაჩინა. გარელმა მიიღო მონაწილეობა სხვადასხვა ფრანგულ ფილმში, მათ შორის: Les Amants réguliers (2005), რომლის რეჟისორია მისი მამა – ფილიპ გარელი. ფილმზე მუშაობისთვის მას მიენიჭა სეზარის პრემია ყველაზე პერსპექტიული მსახიობისთვის.

გარელმა ხუთჯერ ითანამშრომლა კინორეჟისორ კრისტოფ ონორესთან მხატვრულ ფილმებში: Ma Mère (2004) (ჟორჟ ბატაის ამავე სახელწოდების რომანის ეკრანიზაცია); Dans Paris (2006); Love Songs (2007); The Beautiful Person (2008); Making Plans for Lena (2009); და ორი მეგობარი (2015). ის ასევე გამოჩნდა ვალერია ბრუნი ტედესკის კომედიაში (2007), Rachid Hami's Choisir d'aimer-სა (2008) და ფილიპ გარელის ფილმში – Frontier of the Dawn(2008).

2008 წელს მან დაიწყო მუშაობა თავისი მოკლემეტრაჟიან ფილმზე – Mes copains . ორი წლის შემდეგ, მან გადაიღო მოკლემეტრაჟიანი ფილმი – Petit Tailleur.

ის ასევე მონაწილეობდა კომედიურ დრამაში, სახელწოდებით „წარმოსახვითი სიყვარული“ (რეჟისორი –ქსავიე დოლანი ), რომელიც გამოვიდა 2010 წელს. 2011 წელს გარელმა, ვინსენტ მაკეინსა და გოლშიფტე ფარაჰანთან ერთად გადაიღო მოკლემეტრაჟიანი ფილმი La Règle de trois, რომელიც შემდეგ ლოკარნოს ფესტივალზე წარადგინა.

2014 წელს მან ითამაშა ჟაკ დე ბაშერის როლი, რომელიც იყო კარლ ლაგერფელდისა და ივ სენ ლორანის საყვარელი, ბერტრანდ ბონელოს ფილმში Saint Laurent .

მისი სარეჟისორო, სადებიუტო ფილმი:„ორი მეგობარი“, გოლშიფტე ფარაჰანის, ვინსენტ მაკეინისა და მისივე მონაწილეობით, გამოვიდა 2015 წელს.

2019 წელს გარელმა ითამაშა ფილმში – „ოფიცერი და ჯაშუში“, რომლის რეჟისორი რომან პოლანსკი იყო. ეს ფილმი დრეიფუსის საქმის გარშემო ტრიალებდა. ფილმის მსოფლიო პრემიერა შედგა ვენეციის კინოფესტივალზე 2019 წლის აგვისტოში და გამოვიდა 2019 წლის ნოემბერში. იმავე წელს მან ითამაშა ფილმში „პატარა ქალები“, რომელიც დაფუძნებულია ამავე სახელწოდების რომანზე.

პირადი ცხოვრება

მშობლიური ფრანგულის გარდა, გარელი ფლობს ინგლისურსა და იტალიურს. 

გარელი 2007 წლიდან 2012 წლამდე ურთიერთობაში იყო ვალერია ბრუნი ტედესკისთან. ის არის კარლა ბრუნის უფროსი და. 2009 წელს ბრუნი ტედესკიმ და გარელმა იშვილეს ბავშვი სენეგალიდან, რომელსაც დაარქვეს სელინი.

2017 წლის ივნისში გარელი დაქორწინდა მოდელსა და მსახიობ ლეტიცია კასტაზე და მისი სამი შვილის მამინაცვალი გახდა. წყვილი ერთად 2015 წლიდან იყო, 2021 წლის 17 მარტს კასტას შეეძინა მეოთხე შვილი, წყვილის პირველი შვილი, ვაჟი, სახელად აზელი.

2009 და 2010 წლებში გარელმა ხელი მოაწერა ორ პეტიციას კინორეჟისორ რომან პოლანსკის მხარდასაჭერად, რომელიც მოითხოვდა მის გათავისუფლებას მას შემდეგ, რაც პოლანსკი დააპატიმრეს შვეიცარიაში, 1977 წელს, ნარკოტიკების მოხმარებისა და 13 წლის გოგონას გაუპატიურების ბრალდებით.

ფილმოგრაფია

როგორც მსახიობი

Year	Title	Role
1989	სამაშველო კოცნა	ლუ
2001	ეს ჩემი სხეულია	ანტონი
2003	მეოცნებენი	თეო
2004	დედაჩემი	პიერე
2006	პარიზში	ჯონათანი
2006	ფარდის გადამწევი	ბრუნო
2007	სიყვარულის სიმღერები	ისმაელ ბენოლიელი
2007	მსახიობები	ერიკი
2008	აირჩიე სიყვარული	პასკალი
2008	ცისკრის საზღვარი	ფრანცუზი
2008	მშვენიერი ადამიანი	ჟაკ ნემური
2009	გეგმების შექმნა ლენასთვის	საიმონი
2010	სამეულის ქორწინება	თეო
2010	წარმოსახვითი სიყვარული	ბოლო სერიის სტუმარი
2011	საყვარელი	კლიმენტი
2011	მწველი მზე	ფრედერიკი
2012	ჭურვები	ლუი გარელი
2013	ციხესიმაგრე იტალიაში	ნათანი
2013	ეჭვიანობა	ლუი
2014	წმინდა ლავრენტი	ჟაკ დე ბაშერი
2015	ასტრაგალუსი	ჯეკი
2015	ქალის ჩრდილში	მთხრობელი
2015	ჩემი მეფე	სოლალი
2015	ორი მეგობარი	აბელი
2016	პლანეტარიუმი	ენდრიუ კორბენი
2016	მთვარის მიწიდან	ენდრიუ სოვაჟი
2017	ცრუ აღიარებები	დორანტე
2017	საეჭვო	ჟან-ლიუკ გოდარი
2017	ისმაელის მოჩვენებები	ივან დოლალუსი
2018	ხალხი და მათი მეფე	რობერსპიერი
2018	მარადისობის კარიბჭესთან	აურიერი (ხმა)
2018	ერთგული კაცი	აბელი
2019	ოფიცერი და ჯაშუში	ალფერედ დრეიფუსი
2019	პატარა ქალები	ფრედიკ ბიერი
2020	დეენემი	ფრანცუზი
2020	რაფკინის ფესტივალი	ფილიპი
2021	ჯვაროსნული ლაშქრობა	აბელი
2021	ჩვენი კაცი	მაქსიმი
2022	კომა	ექიმი ბალარდი
2022	სკარლეტი	ჯინი

როგორც კინორეჟისორი

წელიწადი	სათაური
		2008 წ	მეს კოპაინს
2010 წელი	პატარა მკერავი
2011 წელი	სამეულის ქორწინება
2015 წელი	ორი მეგობარი
2018 წელი	ერთგული კაცი
2021 წელი	ჯვაროსნული ლაშქრობა
2022 წელი	უდანაშაულო

სხვა ჯილდოები

• 2009: პრიზი პატრიკ დივაერი

რესურსები ინტერნეტში

• Ოფიციალური ვებ - გვერდი