ალექსანდრე ლომაია
ალექსანდრე (კახა) ლომაია (დ. 27 ივლისი, 1963, თბილისი, საქართველოს სსრ) — ქართველი პოლიტიკოსი, დიპლომატი და სახელმწიფო მოღვაწე. საქართველოს განათლებისა და მეცნიერების მინისტრი 2004–2007 წლებში.[1]
| ალექსანდრე ლომაია | |
 | |
  | |
|---|---|
| თანამდებობაზე ყოფნის დრო | |
| 1 იანვარი, 2009 – 27 ოქტომბერი, 2012 | |
| პრეზიდენტი | მიხეილ სააკაშვილი |
| პრემიერ-მინისტრი | გრიგოლ მგალობლიშვილი ნიკოლოზ გილაური ვანო მერაბიშვილი |
| წინამორბედი | ირაკლი ალასანია |
| მემკვიდრე | კახა იმნაძე |
| თანამდებობაზე ყოფნის დრო | |
| 19 ნოემბერი, 2007 – 5 დეკემბერი, 2008 | |
| პრეზიდენტი | მიხეილ სააკაშვილი |
| პრემიერ-მინისტრი | ლადო გურგენიძე გრიგოლ მგალობლიშვილი |
| წინამორბედი | კონსტანტინე კემულარია |
| მემკვიდრე | ეკა ტყეშელაშვილი |
| თანამდებობაზე ყოფნის დრო | |
| 17 თებერვალი, 2004 – 19 ნოემბერი, 2007 | |
| პრეზიდენტი | მიხეილ სააკაშვილი |
| პრემიერ-მინისტრი | ზურაბ ჟვანია ზურაბ ნოღაიდელი |
| წინამორბედი | ალექსანდრე კარტოზია |
| მემკვიდრე | მაია მიმინოშვილი |
| დაბადებული | 27 ივლისი, 1963 თბილისი |
| მოქალაქეობა | საქართველო |
| ჯილდოები |  |
ბიოგრაფია
რედაქტირება1985 წელს დაამთავრა საქართველოს პოლიტექნიკური ინსტიტუტი ინჟინერ-ჰიდრომშენებლის სპეციალობით, ხოლო 1992 წელს — მოსკოვის საინჟინრო-სამშენებლო ინსტიტუტის ასპირანტურა.[2] არის ტექნიკურ მეცნიერებათა კანდიდატი.[3] 1985–1987 წლებში მუშაობდა „თბილჰიდროპროექტის“ ინსტიტუტში ინჟინრად; 1989-1992 წლებში იყო მოსკოვის ქართული სათვისტომოს დარბაზის წევრი. 1991 წელს მოსკოვში დაინიშნა საქართველოს მთავრობის წარმომადგენლის მოადგილედ, შემდეგ წარმომადგენლის მოვალეობის შემსრულებლად. 1995–2000 წლებში მუშაობდა ევრაზიის ფონდის სამოქალაქო საზოგადოებისა და მედიის პროგრამის კოორდინატორად, ხოლო 2000-2002 წლებში ამავე ფონდის საქართველოს წარმომადგენლობის დირექტორად.
2002-2003 წლებში იყო საერთაშორისო ორგანიზაციის „დიმოკრასი ქოალიშნის“ რეგიონული დირექტორი ყოფილი საბჭოთა კავშირის ქვეყნებში;
2003-2004 წლებში — ფონდი „ღია საზოგადოება-საქართველოს“ აღმასრულებელი დირექტორი. 2004 წლის 17 თებერვალს დაინიშნა საქართველოს განათლებისა და მეცნიერების მინისტრად, ხოლო 2007 წლის 19 ნოემბერს — ეროვნული უშიშროების საბჭოს მდივნად. 2009 წლის 1 იანვრიდან 2012 წლის 27 ოქტომბრამდე იყო გაერთიანებული ერების ორგანიზაციაში საქართველოს მუდმივი და სრულუფლებიან წარმომადგენელი.[4][5]
როგორც საქართველოს მუდმივმა წარმომადგენელმა გაერთიანებული ერების ორგანიზაციაში, ალექსანდრე ლომაიამ 50-ზე მეტ სახელმწიფოსთან დაამყარა დიპლომატიური ურთიერთობები.
2011 წელს, საქართველოს მესამე პრეზიდენტმა მიხეილ სააკაშვილმა ალექსანდრე ლომაია წმინდა გიორგის სახელობის გამარჯვების ორდენით დააჯილდოვა.[6]
რესურსები ინტერნეტში
რედაქტირება
სქოლიო
რედაქტირება- ↑ როგორ შეებრძოლება ახალი მინისტრი პრობლემებს?. „ამერიკის ხმა“ (9 ივნისი, 2016). ციტირების თარიღი: 30 სექტემბერი, 2019.
- ↑ ინტერვიუ საქართველოს განათლებისა და მეცნიერების მინისტრთან ალექსანდრე (კახა) ლომაიასთან. Aaf.ge. ციტირების თარიღი: 30 სექტემბერი, 2019.
- ↑ Кабинет Министров, или «фан-клуб» Михаила Саакашвили…. Новый регион (2008-01-26). დაარქივებულია ორიგინალიდან — 2013-01-30. ციტირების თარიღი: 2012-12-11.
- ↑ New Georgian UN envoy presents credentials to secretary general. Ria Novosti (2009-03-18). დაარქივებულია ორიგინალიდან — 2012-10-21. ციტირების თარიღი: 10 ივნისი, 2011.
- ↑ Aleksandre Lomaia Resigns. Georgianjournal.ge (27 ოტომბერი, 2012). დაარქივებულია ორიგინალიდან — 2019-09-29. ციტირების თარიღი: 30 სექტემბერი, 2019.
- ↑ „საქართველოს პრეზიდენტმა ალექსანდრე ლომაია წმინდა გიორგის სახელობის გამარჯვების ორდენით დააჯილდოვა“. www.saakashviliarchive.info. ციტირების თარიღი: 18 თებერვალი, 2021. შეამოწმეთ თარიღის პარამეტრი
|access-date=-ში (დახმარება)