კორტოხის უღელტეხილი
კორტოხის უღელტეხილი — უღელტეხილი საქართველოში, იმერეთისა და შიდა ქართლის მხარეებში, საჩხერისა და ხაშურის მუნიციპალიტეტების საზღვარზე. მდებარეობს ლიხის ქედზე, მდინარე სურამულის მარცხენა შენაკადის — ჭერათხევის ზემო დინებისა და ყვირილის მარცხენა შენაკადის — ძირულის წყალგამყოფზე. სიმაღლე 1130 მ. აგებულია პალეოზოური გრანიტოიდებით. კორტოხის მიდამოები შემოსილია მუხნარ-რცხილნარ-წიფლნარით. კორტოხზე გადადის საცალფეხო გზა ხაშურის მუნიციპალიტეტიდან საჩხერის მუნიციპალიტეტში.
კორტოხის უღელტეხილი | |
---|---|
ქვეყანა | საქართველო |
ტერიტორიული ერთეული | საჩხერის მუნიციპალიტეტი ხაშურის მუნიციპალიტეტი |
სიმაღლე | 1130 მ |
ქედი | ლიხის ქედი |
აკავშირებს | ქარელის მუნიციპალიტეტს საჩხერის მუნიციპალიტეტთან |
ამგებელი ქანები | გრანიტოიდები |
ფლორა | მუხნარ-რცხილნარ-წიფლნარი |
ლიტერატურა რედაქტირება
- დევდარიანი გ., ქართული საბჭოთა ენციკლოპედია, ტ. 5, თბ., 1980. — გვ. 682.