მთავარი მენიუს გახსნა

ალექსანდრე ლომაია

(გადამისამართდა გვერდიდან კახა ლომაია)
Disambig-dark.svg სხვა მნიშვნელობებისთვის იხილეთ ლომაია.

ალექსანდრე (კახა) ლომაია (დ. 27 ივლისი, 1963, თბილისი, საქართველოს სსრ) — ქართველი პოლიტიკოსი, დიპლომატი და სახელმწიფო მოღვაწე. საქართველოს განათლებისა და მეცნიერების მინისტრი 2004–2007 წლებში.[1]

ალექსანდრე ლომაია
ალექსანდრე ლომაია
საქართველოს მუდმივი წარმომადგენელი გაერთიანებული ერების ორგანიზაციაში
თანამდებობაზე ყოფნის დრო
1 იანვარი, 2009 – 27 ოქტომბერი, 2012
პრეზიდენტი  მიხეილ სააკაშვილი

ეროვნული უშიშროების საბჭოს მდივანი
თანამდებობაზე ყოფნის დრო
19 ნოემბერი, 2007 – 5 დეკემბერი, 2009

განათლებისა და მეცნიერების მინისტრი
თანამდებობაზე ყოფნის დრო
2004 – 2007

საქართველოს ელჩი რუსეთში
თანამდებობაზე ყოფნის დრო
1991 – 1991

დაბადებული27 ივლისი, 1963 (1963-07-27) (56 წლის)
თბილისი
მოქალაქეობასაქართველოს დროშა საქართველო
ჯილდოები
წმინდა გიორგის სახელობის გამარჯვების ორდენი

ბიოგრაფიარედაქტირება

1985 წელს დაამთავრა საქართველოს პოლიტექნიკური ინსტიტუტი ინჟინერ-ჰიდრომშენებლის სპეციალობით, ხოლო 1992 წელს — მოსკოვის საინჟინრო-სამშენებლო ინსტიტუტის ასპირანტურა.[2] არის ტექნიკურ მეცნიერებათა კანდიდატი.[3] 1985–1987 წლებში მუშაობდა „თბილჰიდროპროექტის“ ინსტიტუტში ინჟინრად; 1989-1992 წლებში იყო მოსკოვის ქართული სათვისტომოს დარბაზის წევრი. 1991 წელს მოსკოვში დაინიშნა საქართველოს მთავრობის წარმომადგენლის მოადგილედ, შემდეგ წარმომადგენლის მოვალეობის შემსრულებლად. 1995–2000 წლებში მუშაობდა ევრაზიის ფონდის სამოქალაქო საზოგადოებისა და მედიის პროგრამის კოორდინატორად, ხოლო 2000-2002 წლებში ამავე ფონდის საქართველოს წარმომადგენლობის დირექტორად.

2002-2003 წლებში იყო საერთაშორისო ორგანიზაციის „დიმოკრასი ქოალიშნის“ რეგიონული დირექტორი ყოფილი საბჭოთა კავშირის ქვეყნებში;

2003-2004 წლებში — ფონდი „ღია საზოგადოება-საქართველოს“ აღმასრულებელი დირექტორი. 2004 წლის 17 თებერვალს დაინიშნა საქართველოს განათლებისა და მეცნიერების მინისტრად, ხოლო 2007 წლის 19 ნოემბერს — ეროვნული უშიშროების საბჭოს მდივნად. 2009 წლის 1 იანვრიდან 2012 წლის 27 ოქტომბრამდე იყო გაერთიანებული ერების ორგანიზაციაში საქართველოს მუდმივი და სრულუფლებიან წარმომადგენელი.[4][5]

როგორც საქართველოს მუდმივმა წარმომადგენელმა გაერთიანებული ერების ორგანიზაციაში, ალექსანდრე ლომაიამ 50-ზე მეტ სახელმწიფოსთან დაამყარა დიპლომატიური ურთიერთობები.

2011 წელს, საქართველოს მესამე პრეზიდენტმა მიხეილ სააკაშვილმა ალექსანდრე ლომაია წმინდა გიორგის სახელობის გამარჯვების ორდენით დააჯილდოვა.[6]

რესურსები ინტერნეტშირედაქტირება

სქოლიორედაქტირება

  1. როგორ შეებრძოლება ახალი მინისტრი პრობლემებს?. „ამერიკის ხმა“ (9 ივნისი, 2016). წაკითხვის თარიღი: 30 სექტემბერი, 2019.
  2. ინტერვიუ საქართველოს განათლებისა და მეცნიერების მინისტრთან ალექსანდრე (კახა) ლომაიასთან. Aaf.ge. წაკითხვის თარიღი: 30 სექტემბერი, 2019.
  3. Кабинет Министров, или «фан-клуб» Михаила Саакашвили…. Новый регион (2008-01-26). დაარქივებულია ორიგინალიდან - 2013-01-30. წაკითხვის თარიღი: 2012-12-11.
  4. New Georgian UN envoy presents credentials to secretary general. Ria Novosti (2009-03-18). წაკითხვის თარიღი: 10 ივნისი, 2011.
  5. Aleksandre Lomaia Resigns. Georgianjournal.ge (27 ოტომბერი, 2012). წაკითხვის თარიღი: 30 სექტემბერი, 2019.
  6. საქართველოს პრეზიდენტმა ალექსანდრე ლომაია წმინდა გიორგის სახელობის გამარჯვების ორდენით დააჯილდოვა. საქართველოს საგარეო საქმეთა სამინისტრო (7 ივლისი, 2011). წაკითხვის თარიღი: 29 სექტემბერი, 2019.