გომი (კასპის მუნიციპალიტეტი)

გომი — სოფელი აღმოსავლეთ საქართველოში, შიდა ქართლის მხარის კასპის მუნიციპალიტეტში. ადმინისტრაციული ერთეულის ცენტრი (სოფლებიი: გომი, ბორტა, ნიაბი).

სოფელი
გომი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	კასპის მუნიციპალიტეტი
თემი	გომი
კოორდინატები	41°55′13″ ჩ. გ. 44°22′57″ ა. გ.
ცენტრის სიმაღლე	550 მ
მოსახლეობა	884 კაცი (2014)
ეროვნული შემადგენლობა	ქართველები 99,5 %
სასაათო სარტყელი	UTC+4
სატელეფონო კოდი	+995

მდებარეობს მდინარე მტკვრის მარჯვენა ნაპირას. ზღვის დონიდან 550 მეტრზე. კასპიდან დაშორებულია 13 კილომეტრით.

ისტორია

პირველად იხსენიება XIV საუკუნეში. 1398 წელს მეფე ალექსანდრემ შეწირულობა განუახლა სვეტიცხოველს. 1559 წელს მეფე სიმონმა გომის შეწირულობისა და თარხნობის წიგნი განუახლა სვეტიცხოველს. 1561 წელს მან გომი სამოურავოდ გადასცა პაპუნა მაღალაძეს. 1619 წელს კათოლიკოსმა ქრისტეფორემ გომი გიორგი მიწობლიძეს უბოძა სამოურავოდ, ხოლო 1624 წელს — მაღალაძეებს. 1691 წელს ნიკოლოზ კათოლიკოსმა გომში დადგა მარანი და საწნახელი. 1692 წელს ერეკლე I-მა გომი სამოურავოდ რევაზ მაღალაძეს გადასცა. XVII საუკუნეში გომს ეწერა 31 სახასო მოლაშქრე. ვახუშტი ბატონიშვილი (XVIII ს.) გომს მოიხსენიებს თეძმის ხეობის სოფელთა სიაში.

გომში არის გვიანდელი ფეოდალური ხანის ციხე, მარიდაანთ კოშკი და ნათლისმცემლის ეკლესია.

დემოგრაფია

2014 წლის აღწერის მონაცემებით სოფელში ცხოვრობს 884 ადამიანი.

აღწერის წელი	მოსახლეობა	კაცი	ქალი
2002	1012	483	529
2014	884	445	439

იხილეთ აგრეთვე

• გომის მარიდაშვილების მარანი
• სოფიო მარიდაშვილის სახლი

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 214.

• გვასალია ჯ., ენციკლოპედია „საქართველო“, ტ. 2, თბ., 2012. — გვ. 92-93.
• საქართველოს ისტორიისა და კულტურის ძეგლთა აღწერილობა, ტ. 5, თბ., 1990.