გელათი (ტყიბულის მუნიციპალიტეტი)

გელათი — სოფელი საქართველოში, იმერეთის მხარის ტყიბულის მუნიციპალიტეტში (კურსების თემი). მდებარეობს ჩრდილოეთ იმერეთის მთისწინეთში, ოკრიბის ქვაბულში, მდინარე წყალწითელას მარცხენა მხარეს. ზღვის დონიდან 400 მეტრი, ტყიბულიდან 33 კილომეტრი. სოფელში არის საექიმო ამბულატორია და საჯარო სკოლა. სოფელში არის რკინიგზის სადგური რიონი-ტყიბულის ხაზზე.

სოფელი
გელათი
სოფელ გელათის ხედი დავითის კონცხიდან ჯაბა ლაბაძის ფოტო
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	ტყიბულის მუნიციპალიტეტი
თემი	კურსები
კოორდინატები	42°17′49″ ჩ. გ. 42°46′03″ ა. გ.
დაარსდა	1106
პირველი ხსენება	XII საუკუნე
ცენტრის სიმაღლე	400 მ
ოფიციალური ენა	ქართული ენა
მოსახლეობა	408 კაცი (2014)
ეროვნული შემადგენლობა	ქართველები 99,5 %
სასაათო სარტყელი	UTC+4
სატელეფონო კოდი	+995
გელათი ვიკისაწყობში

დემოგრაფია

2014 წლის აღწერის მონაცემებით სოფელში ცხოვრობს 408 ადამიანი.

აღწერის წელი	მოსახლეობა	კაცი	ქალი
2002	861	404	457
2014	408	218	190

ისტორიული ძეგლები

სოფელში ადამიანი ჯერ კიდევ ანტიკურ ხანაში იყო დასახლებული. 1106 წელს დავით აღმაშენებლის ბრძანებით სოფლის ტერიტორიაზე აშენდა გელათის მონასტერი, რომელიც 1994 წლიდან იუნესკოს მსოფლიო მემკვიდრეობის სიაში იყო ბაგრატის ტაძართან ერთად, ხოლო 2011 წლიდან საფრთხეში მყოფი ძეგლების სიაშია შესული. მონასტერთან მოქმედებდა გელათის აკადემია, რომელიც ასევე 1106 წელს დაარსდა. გელათის მონასტერი XVI-XIX საუკუნეებში გელათის საეპისკოპოსოს ცენტრი იყო.

იხილეთ აგრეთვე

• გელათის მონასტერი
• გელათის აკადემია
• გელათის მოზაიკა
• გელათის საეპისკოპოსო

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 36.

რესურსები ინტერნეტში

• გელათის რუკა