ბესიანა ქადარე
ბესიანა ქადარე (ალბ. Besiana Kadare; დ. 1972, ტირანა ) — ალბანელი დიპლომატი. საგანგებო და სრულუფლებიანი ელჩი. ალბანეთის მუდმივი წარმომადგენელი იუნესკოში 2021 წლიდან. წარსულში — ალბანეთის მუდმივი წარმომადგენელი გაეროში და არარეზიდენტი ელჩი კუბაში (2016-2021), ალბანეთის მუდმივი წარმომადგენელი იუნესკოში (2011-2016).
| ბესიანა ქადარე | |
 ალბ. Besiana Kadare | |
| იუნესკოში ალბანეთის მუდმივი წარმომადგენელი | |
|---|---|
| ამჟამინდელი თანამდებობა | |
| დაიკავა | 2021-დან |
| წინამორბედი | ფერიტ ხოჯა |
| თანამდებობაზე ყოფნის დრო | |
| 2011 – 2016 | |
| თანამდებობაზე ყოფნის დრო | |
| 2016 – 2021 | |
| წინამორბედი | ფერიტ ხოჯა |
| მემკვიდრე | ფერიტ ხოჯა |
| დაბადებული | 1972 ტირანა, ალბანეთი |
| მოქალაქეობა |  ალბანეთი |
| მამა | ისმაილ კადარე |
| დედა | ელენა კადარე |
| განათლება | პარიზის IV უნივერსიტეტი, სორბონა |
ბიოგრაფია
რედაქტირებადაიბადა 1972 წელს. [1] მწერლების ისმაილ [2] (1936—2024) და ელენა კადარეს (დ. 1943) ოჯახში.
ბესიანა ქადარემ დაამთავრა პარიზის IV სორბონის უნივერსიტეტი [1] ბაკალავრის ხარისხით თანამედროვე სპეციალიზებულ ლიტერატურაში, ასევე მაგისტრის ხარისხის მფლობელია თანამედროვე და შედარებით ლიტერატურაში.
ბესიანა ქადარე მსახურობდა პირველ მდივნად ალბანეთის მუდმივ წარმომადგენლობაში გაეროში. 2005 წელს მუშაობდა შეერთებული შტატების საერთაშორისო განვითარების სააგენტოში (USAID). 2008 წელს მუშაობდა საფრანგეთში ალბანეთის საელჩოში. [1]
ბესიანა ქადარე 2011 წელს დაინიშნა ალბანეთის მუდმივ წარმომადგენლად გაეროს განათლების, მეცნიერებისა და კულტურის ორგანიზაციაში (UNESCO) პარიზში. [1] 2016 წელს მან შეცვალა ფერიტა ხოჯა, რომელიც იკავებდა ალბანეთის მუდმივი წარმომადგენლის თანამდებობას გაეროში ნიუ-იორკში და ალბანეთის არარეზიდენტი ელჩის თანამდებობას კუბაში. 30 ივნისს რწმუნებათა სიგელები გადასცა გაეროს გენერალურ მდივანს პან გი მუნს. [1]
2017 წლის ოქტომბერში, გაეროს უშიშროების საბჭოს სხდომაზე, ქადარემ განაცხადა, რომ კონფლიქტების პრევენციისა და სამშვიდობო პროცესებში ქალების ჩართულობა კვლავ უმნიშვნელოა. ქალები სამშვიდობო მოლაპარაკებების დროს "კარდს მიღმა" რჩებიან, მაშინაც კი, როდესაც ისინი ესწრებიან, რადგან შეხვედრებს ყოველთვის კაცები ხელმძღვანელობდნენ და შერიგების შესახებ გადაწყვეტილებებს თავად იღებენ მან წევრ ქვეყნებს მოუწოდა გააძლიერონ თავიანთი ვალდებულება მშვიდობისა და უსაფრთხოების დღის წესრიგში ქალთა სრულ ჩართულობაზე.
2018 წელს ბესიანა ქადარე აირჩიეს გაეროს სამი სააგენტოს ერთობლივი აღმასრულებელი საბჭოს ვიცე-თავმჯდომარედ: გაეროს განვითარების პროგრამის (UNDP), გაეროს მოსახლეობის ფონდის (UNFPA) და გაეროს საპროექტო სერვისების ოფისის (UNOPS). [3]
2019 წლის იანვარში, ქადარემ, ალბანეთის სახელით, მსოფლიო ებრაულ კონგრესთან და გაეროს გლობალური კომუნიკაციების დეპარტამენტთან ერთად მოაწყო ღონისძიება თემაზე „კაცობრიობის ისტორია: ებრაელების გადარჩენა ალბანეთში“. მან გაეროში ისაუბრა ბრიფინგზე სახელწოდებით "ჰოლოკოსტის ხსოვნა: მოითხოვე და დაიცავი საკუთარი უფლებები", რომელიც დაემთხვა ჰოლოკოსტის ხსოვნის საერთაშორისო დღეს და ასახავდა მეორე მსოფლიო ომის დროს ექვსი მილიონი ევროპელი ებრაელის გენოციდს, ისევე როგორც ნაკლებად ცნობილ ფაქტებს ალბანელების შესახებ: ჰოლოკოსტის დროს ალბანეთმა ათასობით ებრაელი შეიფარა, რომლებიც სხვაგვარად აღმოჩნდებოდნენ ნაცისტების სიკვდილის ბანაკებში.
გაეროს გენერალური ასამბლეის 75-ე სესიაზე აირჩიეს ვიცე- თავმჯდომარედ (2020-2021). [4] ცვლილებების შედეგად, 2021 წლის 1 ოქტომბერს, პრეზიდენტის ილირ მეტას ბრძანებულებით, ფერიტ ხოჯა [2] დაინიშნა ალბანეთის მუდმივ წარმომადგენლად გაეროში, მის ნაცვლად კი ბესიანა ქადარე დაინიშნა იუნესკოში ალბანეთის მუდმივ წარმომადგენლად პარიზში. [5] 10 ნოემბერს მან თავისი რწმუნებათა სიგელები გადასცა იუნესკოს გენერალურ მდივან ოდრი აზულაის ალბანეთის ევროპისა და საგარეო საქმეთა მინისტრის ოლტა იაჩკას თანდასწრებით [6] .
სქოლიო
რედაქტირება- ↑ 1.0 1.1 1.2 1.3 1.4 New Permanent Representative of Albania Presents Credentials. UN Press (2016-06-30). ციტირების თარიღი: 2023-03-28
- ↑ 2.0 2.1 Rokadat e ambasadorëve/ Vajza e shkrimtarit Ismail Kadare lirohet nga detyra në OKB me propozim të Ramës, ja posti i ri ku u emërua. Gazeta «Panorama» (2021-10-01). ციტირების თარიღი: 2023-03-28
- ↑ Albania is elected Vice-President of the Joint Executive Board of UNDP / UNFPA / UNOPS for 2018. Ministria për Evropën dhe Punët e Jashtme (2018-01-18). ციტირების თარიღი: 2023-03-28
- ↑ Albania takes Vice-Presidency of 75th session of UN General Assembly. Mission of Albania to the UN (2020-09-01). ციტირების თარიღი: 2023-03-28
- ↑ The Government of the Republic of Albania has designated Mrs. Besiana KADARE, Ambassador Extraordinary and Plenipotentiary, as Permanent Representative of the Republic of Albania to the United Nations Educational, Scientific and Cultural Organization. Permanent Mission of the Republic of Albania to UNESCO. ციტირების თარიღი: 2023-03-28
- ↑ Ambasadorja e Jashtëzakonshme dhe Fuqiplotë e Republikës së Shqipërisë pranë UNESCO-s, znj. Besiana Kadare, paraqiti letrat kredenciale. Misioni i Përhershëm i Republikës së Shqipërisë pranë UNESCO-s. ციტირების თარიღი: 2023-03-28