ბასილეთი

ბასილეთი
სოფელი
	ბასილეთი;
ქვეყანა	საქართველო
მხარე	გურიის მხარე
მუნიციპალიტეტი	ჩოხატაურის მუნიციპალიტეტი
თემი	ქვენობანი
კოორდინატები	41°57′35″ ჩ. გ. 42°10′45″ ა. გ. / 41.95972° ჩ. გ. 42.17917° ა. გ.
ცენტრის სიმაღლე	250 მ
მოსახლეობა	324 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
	ბასილეთი ვიკისაწყობში

ბასილეთი — სოფელი საქართველოში, გურიის მხარის ჩოხატაურის მუნიციპალიტეტში, ქვენობნის თემში (სოფლები: ბასილეთი, ბუკნარი, ქვენობანი). მდებარეობს მდინარე გუბაზეულის მარცხნივ, მესხეთის ქედის მთისწინეთში, ზღვის დონიდან 250 მ., ჩოხატაურიდან 12 კმ., ოზურგეთიდან 18 კმ. სოფელში არის საჯარო სკოლა.^[2]

ისტორია რედაქტირება

ბასილეთი ეკუთვნოდა ოცხანის, ანუ ხიდისთავის სასოფლო საზოგადოებას. 15-18 აგვისტოს სოფელში იმართებოდა ბაზრობა.^[3] 1873 წელს სოფელში გაიხსნა ორკლასიანი სკოლა, რომელიც 1891 წელს დაამთავრა ნოე ზომლეთელმა. საბჭოთა პერიოდში გავრცელებული იყო მეჩაიეობა.

ეკლესიები რედაქტირება

სოფელში იდგა ბასილი დიდის სახელობის ხის ეკლესია. ეკლესიაში ინახებოდა მოოქროული ვერცხლით მოჭედილი რამდენიმე ხატი, რომლებიც სამცხიდან გადმოაბრძანეს მღვდელმსახურმა ჯაშებმა გურიაში სამცხის გამაჰმადიანების შემდეგ.^[4] ბასილეთის ეკლესიის სამრევლოში 1828 წლისთვის 27 კომლი შედიოდა.^[5]

სოფელში შემორჩენილია 1609 წელს აშენებული ეკლესია.^[6]