ბანი (მდინარე, მალი)

ბანი (ფრანგ. Le Bani) — მდინარე მალიში, ნიგერის მარჯვენა შენაკადი.

ბანი ფრანგ. Le Bani
მზის ჩასვლა მდინარის ხედზე
ქვეყანა	მალი
სათავე	მდინარეების ბაგოესას და ბაულეს შეერთების ადგილი 12°36′20″ ჩ. გ. 6°33′41″ დ. გ.
სათავის სიმაღლე	285 მ
შესართავი	ნიგერი 14°31′10″ ჩ. გ. 4°11′57″ დ. გ.
შესართავის სიმაღლე	264 მ
სიგრძე	430 კმ
აუზის ფართობი	101 000 კმ²
დახრილობა	0,05
— სათავე, — შესართავი
ბანი ვიკისაწყობში

სიგრძე — 430 კმ, მდინარის აუზის ფართობი— 101 000 კმ². ბანი წარმოიქმნება მდინარეების ბაგოესას და ბაულეს შეერთების ადგილას ბამაკოდან 160 კმ-ით აღმოსავლეთში. მდინარის სიგრძე მდინარე ბაულეს სათავიდან მდინარე ბანის შესართავამდე შეადგენს 775 კმ-ს. ბანი მთელ მის სიგრძეზე მიედინება მალის ტერიტორიაზე და ჩაედინება მდინარე ნიგერში ქალაქ მოპტისთან. მდინარის აუზის დაახლოებით 15 % მდებარეობს კოტ-დ’ივუარის ჩრდილოეთ ტერიტორიაზე.

ადგილმდებარეობიდან გამომდინარე ატმოსფერული ნალექების რაოდენობა მდინარის აუზში მერყეობს 500-დან 1500 მმ-მდე წელიწადში. მაგრამ რაოდენობა მკვეთრად სეზონურია — ზოგიერთ წელს ნოემბრიდან აპრილის ჩათვლით შეიძლება მოვიდეს სულ რამდენიმე მილიმეტრი წვიმა.

მდინარე მთავარ როლს თამაშობს ადგილობრივი ფაუნისათვის და მოსახლეობისათვის (სასმელი წყალი, მორწყვა, ნაოსნობა, თევზჭერა). მაგრამ, ხანგრძლივი გვალვები და ზაფხულის ძლიერი კოკისპირული წვიმები გავლენას ახდენენ მდინარის წყლის დონეზე და წყლის ხარჯზე. წყალდიდობისგან ზარალდება დაახლოებით 500 ათასი მაცხოვრებელი, ამიტომ მდინარეზე დაგეგმილია ჯებირების მშენებლობა.

რესურსები ინტერნეტში

• Bani River // Encyclopædia Britannica (ინგლისური)
• Photographs of the Bani River at Douna.
• Photographs of the Talo Dam, CGIAR Challenge Program on Water and Food: BFP Niger, http://www.bfpniger.eu/index.asp?menu=album_info&id=TALO01. წაკითხვის თარიღი: 2017-08-28 დაარქივებული 2013-02-13 საიტზე Archive.isCategory:Webarchive template archiveis links.