არჩეული

არჩეული — სოფელი საქართველოში, გურიის მხარის ლანჩხუთის მუნიციპალიტეტში, ნიგვზიანის თემში (სოფლები: არჩეული, ნიგვზიანი, ჩანჩეთი, ხაჯალია). მდებარეობს მდინარე უჩაღალის ნაპირზე, ზღვის დონიდან 45 მ.

სოფელი
არჩეული
ეგნატე ნინოშვილის სახლ-მუზეუმი
ქვეყანა	საქართველო
მხარე	გურიის მხარეგურიის მხარე
მუნიციპალიტეტი	ლანჩხუთის მუნიციპალიტეტი
თემი	ნიგვზიანი
კოორდინატები	42°03′38″ ჩ. გ. 41°55′18″ ა. გ.
ადრეული სახელები	ჩიქვეთი, ებალაური
ცენტრის სიმაღლე	45 მ
მოსახლეობა	352 კაცი (2014)
ეროვნული შემადგენლობა	ქართველები 99,7 %
სასაათო სარტყელი	UTC+4
სატელეფონო კოდი	+995
არჩეული ვიკისაწყობში

ისტორია

დღევანდელი სოფელი არჩეული მოიცავს ისტორიული სოფლების, ჩიქვეთისა და ებალაურის ტერიტორიას. სოფლები შედიოდნენ ჯურუყვეთის სასოფლო საზოგადოებაში. ებალაური შეტანილია 1911 და 1917 წლების კავკასიის კალენდარში. 1920 წელს ებალაური ხაჯალიასთან ერთად შევიდა ახალშექმნილ ნიგვზიანის თემში.

მოსახლეობა

აღწერის წელი	მოსახლეობა	კაცი	ქალი
1911	673
2002	391
2014	352

მუზეუმი

სოფელში მდებარეობს ეგნატე ნინოშვილის მუზეუმი. მუზეუმი ოფიციალურად გაიხსნა 1950 წლის 18 იანვარს. მუზეუმში დაცულია 6 ათასამდე ექსპონატი, ეთნოგრაფიული, თეატრალური მასალები... ექსპონატები ინახება ასლების სახით, რადგანაც დედნები განადგურებულია, აქვე ინახება მწერლის საათი, დურბინდი, კალამი, მაგიდა, სკამი, ტახტი.

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 614.