ხემყრალის აბრეშუმხვევია
ხემყრალის აბრეშუმხვევია[1] (ლათ. Samia cynthia) — ღამის პეპელა ფარშავანგთვალასებრთა ოჯახისა. ფრთების შლილი 11–14 სმ-ია; ფერად ზეთისხილისფერ-ყავისფერია, გასდევს განივი მოვარდისფრო ლაქები, აყრია ოთხი ნამგლისებრი ღია ლაქა. წინა ფრთების ბოლოები მოღუნულია. გავრცელებულია სამხრეთ და სამხრეთ-აღმოსავლეთ აზიაში, შეყვანილია ჩრდილოეთ და ცენტრალურ ამერიკაში, ცენტრალურ და სამხრეთ ევროპაში; ნაპოვნია ქალაქ სოხუმის მიდამოებშიც.[2] მუხლუხების სიგრძეა 7–8 სმ.[1] იგი მრავლისმჭამელია, უპირატესობას ანიჭებს ხემყრალს,[2] ასევე ჭამს აბუსალათინის, იასამანისა და სხვათა ფოთლებს. ზამთრობს ჭუპრის ფაზაში. წელიწადში იძლევა ოთხ თაობას.[1] პეპლის პარკებისაგან იღებენ აბრეშუმს.[2] პარკი მოგრძოა, რუხი-ყვითელი, ამოხვეული ძაფი სიგრძით 600 მეტრს აღწევს.[1] მოშენებულია ჩინეთში, ინდოეთში, იაპონიაში, თუმცა ფართო სამრეწველო მნიშვნელობა არ გააჩნია. გამოიყენება როგორც ლაბორატორიული ობიექტი.[2]
| ხემყრალის აბრეშუმხვევია | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| მეცნიერული კლასიფიკაცია | |||||||||||||||
| |||||||||||||||
| ლათინური სახელი | |||||||||||||||
| Samia cynthia (Drury, 1773) | |||||||||||||||
| სინონიმები | |||||||||||||||
|
სია
| |||||||||||||||
| |||||||||||||||
ხემყრალის აბრეშუმხვევიას ქვესახეობაა აბუსალათინის აბრეშუმხვევია (Samia cynthia ricini), რომელიც იკვებება აბუსალათინის ფოთლით. პარკიდან იღებენ ბზინვარე და მოყავისფრო-მოწითალო აბრეშუმს. ნახევრად მოშინაურებულია ინდოეთში.[1]
გალერეა
რედაქტირება-
მამალი -
დედალი -
მუხლუხი
,_Mariposario_de_Icod_de_los_Vinos,_Tenerife,_Espa%C3%B1a,_2012-12-13,_DD_01.jpg)
სქოლიო
რედაქტირება- ↑ 1.0 1.1 1.2 1.3 1.4 თუხარელი ი., ველური აბრეშუმხვევიები // ქართული საბჭოთა ენციკლოპედია, ტ. 4, თბ., 1979. — გვ. 352.
- ↑ 2.0 2.1 2.2 2.3 Девяткин А. Л. Айлантовый шелкопряд // Большая российская энциклопедия. т. 1. — М., 2005. — стр. 312.