ვიკიპედია

ჩარლზ ბუკოვსკი

ჰენრი ჩარლზ ბუკოვსკი (ინგლ. Henry Charles Bukowski; დაბადებით ჰაინრიხ კარლ ბუკოვსკი ინგლ. Heinrich Karl Bukowski; დ. 16 აგვისტო, 1920, ანდერნახი, პრუსია, გერმანია — გ. 9 მარტი, 1994, ლოს-ანჯელესი, აშშ) — წარმოშობით გერმანელი, ამერიკელი პოეტი, ლიტერატორი, პროზაიკოსი და ჟურნალისტი. ე. წ. „ბინძური რეალიზმის“ (ინგლ. Dirty Realism) მიმდინარეობის წარმომადგენელი.

ჩარლზ ბუკოვსკი
ინგლ. Charles Bukowski
დაბადების თარიღი 16 აგვისტო, 1920(1920-08-16)[1] [2] [3] [4] [5] [6] [7] [8] [9] [10] [11] [12]
დაბადების ადგილი ანდერნახი[13]
გარდაცვალების თარიღი 9 მარტი, 1994(1994-03-09)[1] [2] [3] [4] [5] [6] [7] [9] [10] [11] [12] (73 წლის)
გარდაცვალების ადგილი სან-პედრო
დასაფლავებულია გრინ-ჰილზის მემორიალური პარკი[14] [15]
საქმიანობა მსახიობი, მწერალი[11] , სცენარისტი, პოეტი[16] [11] , რომანისტი, ჟურნალისტი, ავტორი[17] , მესვეტე[18] , ავტობიოგრაფი და დღიურის ავტორი
ენა ინგლისური ენა
მოქალაქეობა  გერმანია
 აშშ
ალმა-მატერი ლოს-ანჯელესის საქალაქო კოლეჯი, ლოს-ანჯელესის უმაღლესი სკოლა და Susan Miller Dorsey High School
Magnum opus Post Office, Factotum, Hollywood, Ham on Rye, მაკულატურა, Women, Notes of a Dirty Old Man, Erections, Ejaculations, Exhibitions, and General Tales of Ordinary Madness, South of No North, Hot Water Music, Tales of Ordinary Madness, The Most Beautiful Woman in Town, The Captain Is Out to Lunch and the Sailors Have Taken Over the Ship, Portions from a Wine-stained Notebook: Short Stories and Essays და More Notes of a Dirty Old Man
გავლენა მოახდინეს
ხელმოწერა

ბუკოვსკის წერის მანერაზე მნიშვნელოვანი გავლენა იქონია მისი ქალაქის, ლოს-ანჯელესის, სოციალურმა, კულტურულმა და ეკონომიკურმა პირობებმა. მის ნაწარმოებებში აღწერილია ხელმოკლე ამერიკელების ყოველდღიური ცხოვრება, ალკოჰოლი, ურთიერთობა ქალებთან, ყოველდღიური სამსახურეობრივი რუტინა. ბუკოვსკის დაწერილი აქვს ათასობით ლექსი, ასობით მოთხრობა და ექვსი რომანი, რომლებიც ერთობლივად ექვს წიგნად არის გამოცემული.

ცხოვრება

რედაქტირება

ოჯახი და ადრეული წლები

რედაქტირება

ჩარლზ ბუკოვსკი (დაბადებით ჰაინრიხ კარლ ბუკოვსკი) გერმანიის ქალაქ ანდერნახში ჰაინრიხისა და კატარინა ბუკოვსკების ოჯახში დაიბადა. მისი ბაბუა მამის მხრიდან, ლეონარდი, 1880-იან წლებში გერმანიიდან ამერიკაში გადასახლდა. კლივლენდში ლეონარდი ემილი კრაუზეს შეხვდა, რომელიც თავის მხრივ დანციგიდან (ახლანდელი გდანსკი) იყო ემიგრირებული. მათ იქორწინეს და პასადენაში, კალიფორნია, დასახლდნენ. თავდაპირველად ლეონარდი ხელოსნად მუშაობდა, შემდგომში კი საკუთარი სამშენებლო კომპანია დააარსა. წყვილს ოთხი შვილი, მათ შორის ჩარლზ ბუკოვსკის მომავალი მამა, შეეძინა.[19][20]

ბუკოვსკის მშობლები ერთმანეთს ანდერნახში, გერმანია, შეხვდნენ პირველი მსოფლიო ომის პერიოდში. პოეტის მამა აშშ-ის არმიის სერჟანტი იყო და გერმანიაში მსახურობდა ამ ქვეყნის 1918 წელს დამარცხების შემდეგ. მან და კატერინამ ჩარლზის დაბადებამდე ერთი თვით ადრე იქორწინეს, თუმცა თავად ჩარლზი ამტკიცებდა, რომ ის ქორწინებამდე დაიბადა. ჯარის შემდეგ, ჰენრიმ სამშენებლო კონტრაქტორად დაიწყო მუშაობა და ორი წლის შემდეგ პფაფენდორფში გადავიდა. თუმცა მძიმე ეკონომიკური მდგომარეობისა და მაღალი ინფლაციის გამო, მალევე გადაწყვიტა ამერიკაში გადასახლება. 1923 წლის 23 აპრილს ისინი ბრემენჰავენიდან გემით ბალტიმორში, მერილენდი, გაემგზავრნენ, სადაც დასახლდნენ კიდეც.

ოჯახი 1930 წელს სამხრეთ ლოს-ანჯელესში დასახლდა. 1930-იან წლებში პოეტის მამა მეტწილად უმუშევარი იყო. თავის ავტობიოგრაფიულ ნაწარმოებში „ლორი შვრიაზე“ (Ham on Rye) ჩარლზ ბუკოვსკი წერს, რომ დედამისის მხარდაჭერით, მამა მასზე ხშირად ფიზიკურ და მორალურ ძალადობას ეწეოდა; უმცირესი დანაშაულისთვისაც კი სცემდა. ბავშვობაში ბუკოვსკი მორცხვი და სოციალურად გარიყული იყო, რასაც ხელს უწყობდა მოზარდობისას მწვავე აკნეს პრობლემაც. მეზობელი ბავშვები მას ხშირად დასცინოდნენ გერმანული აქცენტისა და ტანსაცმლის გამო.

ადრეული ყმაწვილობის პერიოდში, ბუკოვსკი მის უახლოეს მეგობარ უილიამ „ბოლდი“ მულინექსთან ერთად ალკოჰოლს მიეძალა. ალკოჰოლი მას ცხოვრების პირობებთან შეგუების საშუალებას აძლევდა. ამ პერიოდს ბუკოვსკი ავტობიოგრაფიულ ნაწარმოებში იხსენიებს, როგორც მისი ქრონიკული ალკოჰოლიზმის ჩანასახს. ლოს-ანჯელესის საშუალო სკოლის დამთავრების შემდეგ, ბუკოვსკი ლოს-ანჯელესის საქალაქო კოლეჯში სწავლობდა ორი წელი, სადაც ხელოვნების, ჟურნალისტიკისა და ლიტერატურის კურსებს ეუფლებოდა. მეორე მსოფლიო ომის დაწყებისას მან კოლეჯს თავი დაანება და ნიუ-იორკში გადავიდა, სადაც დროებით შავ მუშად მუშაობით ირჩენდა თავს.[21]

1944 წლის 22 ივლისს, ფილადელფიაში, გამოძიების ფედერალურმა ბიურომ ბუკოვსკი ჯარში გაწვევის თავის არიდების მიზეზით დააკავა. ციხეში მას 17 დღე მოუწია ყოფნა, რის შემდეგაც ის სამხედრო სამსახურში გაწვევის სავალდებულო ფიზიკური გამოცდისას ფსიქოლოგიური ტესტის ვერ ჩაბარების გამო გაშვებულ იქნა.

მწერლობის ადრეული პერიოდი

რედაქტირება

24 წლის ასაკში ბუკოვსკის მოთხრობა "Aftermath of a Lengthy Rejection Slip" ჟურნალმა Story გამოაქვეყნა. ორი წლის შემდეგ, მისი მეორე მოთხრობა, "20 Tanks from Kasseldown", გამომცემლობამ Black Sun Press გამოაქვეყნა. ამის შემდეგ, ლიტერატურულ სამყაროში მოხვედრის რამდენიმე წარუმატებელი მცდელობის გამო, ბუკოვსკი იმედგაცრუებული რჩება და წერას თითქმის ათი წლის განმავლობაში თავს ანებებს. ამ პერიოდს ის იხსენებს, როგორც „ათწლიან სიმთვრალეს“. ეს „დაკარგული წლები“ მისი გვიანდელი ნახევრად ავტობიოგრაფიული ქრონიკების საფუძველი ხდება. ამ ქრონიკებში ის საკუთარ გამოცდილებას მისი ალტერ ეგოს, ჰენრი ჩინასკის, სახელით გადმოსცემს. ამ პერიოდის განმავლობაში ის ჯერ ლოს-ანჯელესში ცხოვრობს, სადაც მცირე ხნით ერთ-ერთ ქარხანაში მუშად მუშაობს, შემდეგ კი ქალაქიდან ქალაქში გადადის დღიური სამუშაოს ძიებაში.

1955 წელს ის ტეხასის ერთ-ერთ პატარა ქალაქში ადგილობრივ პოეტზე, ბარბარა ფრაიზე, ქორწინდება. 1958 წელს ისინი განქორწინდნენ.  ამის შემდეგ, ბუკოვსკი ისევ იწყებს სმას და ლექსების წერას.[19]

ამ პერიოდში მცირე ტირაჟის ავანგარდულმა გამოცემამ Nomad, რომელსაც ენტონი ლინიკი და დონალდ ფაქტორი (მაქს ფაქტორის ვაჟი) გამოსცემდა, ბუკოვსკის ადრეული ნამუშევრები გამოაქვეყნა. ჟურნალის პირველ ნომერში ბუკოვსკის ორი ლექსი დაიბეჭდა. ერთი წლის შემდეგ ამავე ჟურნალში დაიბეჭდა ბუკოვსკის ერთ-ერთი საუკეთესო ესსე - Manifesto: A Call for Own Critics.[22]

ბიბლიოგრაფია

რედაქტირება

რომანები

რედაქტირება
  • ფოსტა (1971)
  • ქალები (1978)
  • მაკულატურა (1994)

რესურსები ინტერნეტში

რედაქტირება
 
ვიკიციტატაში არის გვერდი თემაზე:

სქოლიო

რედაქტირება
  1. ↑ 1.0 1.1 Bibliothèque nationale de France BnF authorities: პლატფორმა ღია მონაცემები — 2011.
  2. ↑ 2.0 2.1 Encyclopædia Britannica
  3. ↑ 3.0 3.1 SNAC — 2010.
  4. ↑ 4.0 4.1 Internet Speculative Fiction Database — 1995.
  5. ↑ 5.0 5.1 filmportal.de — 2005.
  6. ↑ 6.0 6.1 BD Gest'
  7. ↑ 7.0 7.1 ბროკჰაუზის ენციკლოპედია
  8. ↑ Vegetti Catalog of Fantastic Literature
  9. ↑ 9.0 9.1 Gran Enciclopèdia Catalana — Grup Enciclopèdia, 1968.
  10. ↑ 10.0 10.1 Babelio — 2007.
  11. ↑ 11.0 11.1 11.2 11.3 The Fine Art Archive
  12. ↑ 12.0 12.1 Munzinger Personen
  13. ↑ Deutsche Nationalbibliothek Record #11851735X // ინტეგრირებული ნორმატიული ფაილი — 2012—2016.
  14. ↑ Henry Charles Bukowski
  15. ↑ Find a Grave — 1996.
  16. ↑ NNDB — 2002.
  17. ↑ MORE NOTES OF A DIRTY OLD MAN by Charles Bukowski
  18. ↑ 19.0 19.1 ჩარლზ ბუკოვსკი (2009) ბარი მაილზი.
  19. ↑ ნეელი ჩერკოვსკი: ჩარლზ ბუკოვსკის ცხოვრება (გერმ.).
  20. ↑ იანგი, მოლი.
  21. ↑ დებრიტო (2013), გვ.90.
მოძიებულია „https://ka.wikipedia.org/w/index.php?title=ჩარლზ_ბუკოვსკი&oldid=4692666“-დან