შხელდის მყინვარი

შხელდის მყინვარი — ხეობის ტიპის მყინვარი საქართველოში, სამეგრელო-ზემო სვანეთის მხარეში, მესტიის მუნიციპალიტეტში. მდებარეობს სვანეთის კავკასიონის სამხრეთ კალთაზე, მდინარე ენგურის მარჯვენა შენაკადის — დოლრაჭალის აუზში. წარმოადგენს უშბის მყინვარის მარჯვენა შენაკადს. სიგრძე 3,2 კმ, ფართობი 4,1 კმ². მყინვარის ენის სიმაღლეა 2600 მ-მდე. საზრდოობს შხელდის მასივიდან ჩამონადენი მყინვარებითა და თოვლის ზვავებით.

შხელდის მყინვარი
კოორდინატები: 43°08′51″ ჩ. გ. 42°38′40″ ა. გ.
ქვეყანა	საქართველო
ტერიტორიული ერთეული	მესტიის მუნიციპალიტეტი
ქედი	სვანეთის კავკასიონი
ფართობი	4,1 კმ²
სიგრძე	3,2 კმ

იხილეთ აგრეთვე

• შხელდა
• უშბის მყინვარი

ლიტერატურა

• ხაზარაძე რ., ქართული საბჭოთა ენციკლოპედია, ტ. 11, თბ., 1987. — გვ. 65.