შირე (მდინარე)
შირე (ინგლ. Shire River, პორტ. Rio Chire) — მდინარე მალავიში და მოზამბიკში, გამოდის ნიასას (მალავის) ტბიდან და უერთდება მდინარე ზამბეზის, სიგრძე — 402 კმ.[2] მალავის მთავარი მდინარე.
| შირე ინგლ. Shire River | |
|---|---|
 მდინარე შირე ქალაქ ნსანესთან სიახლოვეს | |
| ქვეყანა |
 მალავი  მოზამბიკი |
| სათავე |
ნიასას ტბა 14°25′00″ ს. გ. 35°14′00″ ა. გ. / 14.41667° ს. გ. 35.23333° ა. გ. |
| სათავის სიმაღლე | 470 მ |
| შესართავი |
ზამბეზი 17°41′40″ ს. გ. 35°19′10″ ა. გ. / 17.69444° ს. გ. 35.31944° ა. გ. |
| შესართავის სიმაღლე | 28 მ |
| სიგრძე | 402 კმ |
| აუზის ფართობი | 149 500[1] კმ² |
    — სათავე,  — შესართავი | |
 შირე ვიკისაწყობში | |
მდინარე სათავეს იღებს ნიასას ტბის სამხრეთ დაბოლოებიდან, რომლისთვისას მდინარე ერთადერთი ჩამონადენია. ქალაქ მანგოჩიდან 8 კმ-ით ქვემოთ ჩაედინება მალომბეს ტბაში; მისგან გამოსვლის შემდეგ აღმოსავლეთით მიედინება ჭაობიან ადგილებში მანგოჩეს ბორცვებსა და ზომბის პლატოს კლდეებს შორის და დასავლეთით ჩირიპის პლატოს შორის. შემდეგ მდინარის ხეობა ვიწროვდება და ქალაქებს — მატოპესა და ჩიკუაუას შორის მდინარის კალაპოტი ეცემა 384 მეტრამდე. ამ 80 კმ-იანი სიგრძის მონაკვეთზე მდებარეობენ ხეობები, ჭორომები და ჩანჩქერები: ჰოლომბიძო, ნკულა, ტეძანი, ჰამილტონი და კაპიჩირა (ყოფილი ლივინგსტონი).
ჩიკუაუას შემდეგ მდინარე ხვდება ჭაობიან ზღვისპირა დაბლობში, სადაც უერთდება თავის მთავარ შენაკადს, მდინარე რუოს, რომელზეც გადის სახელმწიფო საზღვარი მალავისა და მოზამბიკს შორის. რუოსთან შეერთების შემდეგ უკვე თვითონ მდინარე შირე ხდება საზღვარი ამ ორ ქვეყანას შორის ქალაქ ნსანჯემდე, სადაც გადადის მოზამბიკის ტერიტორიაზე. მდინარის კალაპოტი იკლაკნება ნჯინჯის ჭაობში მდინარე ზამბეზისთან შეერთებამდე, მოზამბიკის ქალაქ სენიდან 48 კმ-ით ქვემოთ, მდინარე ზამბეზის ინდოეთის ოკეანესთან შეერთების ადგილამდე 100 კმ-ში.
მდინარე შირეს სიგრძეა 402 კმ, მაგრამ თუ მივათვლით ნიასას (მალავის) ტბას და მდინარე რუჰუჰუს, მაშინ საერთო სიგრძე შეადგენს დაახლოებით 1200 კმ-ს.
მდინარის ხეობა აღმოსავლეთ აფრიკის რღვევის ხაზის სისტემის ნაწილია[3].
სქოლიო
რედაქტირება- ↑ The World Bank, Water Resources Management, Africa Region: The Zambezi River Basin: A Multi-Sector Investment Opportunities Analysis, Washington 2010
- ↑ Shire River (river, Africa) - Britannica Online Encyclopedia
- ↑ Live Search Maps. დაარქივებულია ორიგინალიდან — 2007-12-03. ციტირების თარიღი: 2016-01-20.