ყვარყვარე
ყვარყვარე — კინოსტუდია „ქართული ფილმი“-ს 1978 წელს გადაღებული მხატვრული ფილმი. დამდგმელი რეჟისორი: დევი აბაშიძე. სცენარის ავტორი: რეზო ჭეიშვილი, დევი აბაშიძე. ოპერატორი: იგორ ამასიისკი. მხატვრები: დიმიტრი ერისთავი, ბორის ცხაკაია. კომპოზიტორი: ჯანსუღ კახიძე.
| „ყვარყვარე“ | |
|---|---|
 | |
| ჟანრი | კომედია |
| დამდგმელი რეჟისორი | დევი აბაშიძე |
| სცენარის ავტორი | რეზო ჭეიშვილი, დევი აბაშიძე |
| ნაწარმოები | ყვარყვარე თუთაბერი |
| ეფუძნება | პოლიკარპე კაკაბაძის მოთხრობას |
| კომპოზიტორი | ჯანსუღ კახიძე |
| ხმის ოპერატორი | იმერი მანჯგალაძე |
| ოპერატორი | იგორ ამასიისკი |
| მხატვარი | დიმიტრი ერისთავი, ბორის ცხაკაია |
| სტუდია | ქართული ფილმი |
| გამოსვლის თარიღი | 1978 |
| ხანგრძლივობა | 87 წთ. |
| ქვეყანა | საქართველოს სსრ, სსრკ |
| ენა | ქართული |
სიუჟეტი
რედაქტირებაპოლიტიკური სატირა ეფუძნება პოლიკარპე კაკაბაძის მოთხრობას — „ყვარყვარე თუთაბერი“-ს[1], რომელიც მოგვითხრობს 1917 წლების პოლიტიკური მოვლენების დროს ერთი ავანტიურისტი კაცის თავგადასავალს, რომელიც შემთხვევითი გარემოებების შედეგად აღიარებულ იქნა სახალხო გმირად. დევნილი სოციალისტის ნაცვლად მეფის ჯარისკაცები წისქვილში უსაქმურ ნაცარქექიას, ყვარყვარეს შეიპყრობენ. ყვარყვარეს თავის მართლება ვერ უშველის, პროკლამაციების გავრცელებას და მეფის წინააღმდეგ აჯანყების ხელმძღვანელობას დასწამებენ. ცნობა მეფის გადადგომის შესახებ ყველაფერს თავდაყირა დააყენებს, ყვარყვარე რევოლუციის გმირად იქცევა. ნაცარქექია მდგომარეობას შეიფერებს. ქალაქის მესვეურებს ახალი დემოკრატიული სახელმწიფოს აშენებას დაპირდება, მოწინაღმდეგეებს და გაურკვევლობით დაბნეულ ადამიანებს კი ციხეში შეყრის. თვითმარქვია მედროვის თვალთმაქცობა მალე გაირკვევა, ქალის კაბაში გადაცმული ყვარყვარე თავს გაქცევით უშველის.
როლებში
რედაქტირება- დავით(დოდო) აბაშიძე — ყვარყვარე
- გულჩინა დადიანი — აგრაფინა
- ნანა ესაკია — გულთამზე
- ქეთევან შარიქაძე — ლარისა
- მიხეილ ვაშაძე — მეწისქვილე
- ეროსი მანჯგალაძე — კაკუტა
- შოთა გაბელაია — ქუჩარა
- ვიქტორ ნინიძე — ვაშლოვანელი
- კახი კავსაძე — ტიტე ნატუტარი
- გივი თოხაძე — პოლკოვნიკი
- გივი (გურამ) ფირცხალავა — პრაპორშჩიკი
- ბაადურ წულაძე — ვაშალომიძე
- გიგლა ფირცხალავა — გენერალი
- ნიკოლოზ (ბიჭიკო) ანდრონიკაშვილი — კიკიტო
- ანზორ ურდია — ჯიბო
- გია გამყრელიძე-ძნელაძე — სტუდენტი
- აბესალომ ლორია — გამომძიებელი
- დავით კვირცხალია — სევასტი
- იოსებ (სოსო) ლაღიძე — პავლე
- ვაჟა (სულთან) კვიტაიშვილი — ადიუტანტი
- სესილია თაყაიშვილი
- დუდუხანა წეროძე — ასპიროზი
- გრიგოლ ტყაბლაძე
- ვასილ ჩხაიძე
რესურსები ინტერნეტში
რედაქტირებასქოლიო
რედაქტირება- ↑ საქართველსო ბიბლიოგრაფიული ლექსიკონი, პოლიკარპე კაკაბაძე