ტობანიერი

ტობანიერი — სოფელი საქართველოში, იმერეთის მხარის ვანის მუნიციპალიტეტში, თემის ცენტრი (სოფლები: ზედა ეწერ-ტობანიერი, კუშუბაური, მიქელეფონი). მდებარეობს მდინარე ყუმურის (რიონის მარცხენა შენაკადი) ხეობაში. ზღვის დონიდან 80 მეტრი. ვანიდან 8 კილომეტრი.

სოფელი
ტობანიერი
ტობანიერის სულთმოფენობის ტაძარი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	ვანის მუნიციპალიტეტი
თემი	ტობანიერი
კოორდინატები	42°04′27″ ჩ. გ. 42°26′48″ ა. გ.
ცენტრის სიმაღლე	80 მ
მოსახლეობა	584 კაცი (2014)
ეროვნული შემადგენლობა	ქართველები 99,1 %
სასაათო სარტყელი	UTC+4
სატელეფონო კოდი	+995
ტობანიერი ვიკისაწყობში

ისტორია

XIX საუკუნეში სოფელი შედიოდა საჯავახოს გამოჩინებულის საბლაღოჩინო ოლქში. სოფელში იდგა წმინდა სამების ეკლესია.

განძი

1927 წელს სოფელში აღმოჩენილია ვერცხლის მონეტების განძი. (შემორჩენილია 215 ცალი), უმეტესობა ტრაპეზუნტის ასპერებია, რომლებიც მოჭრილია იმპერატორების იოანე I-ის (1235-1238 წწ.), მანუელ I-ის (1238-1263 წწ.), იოანე II-ისა (1280-1297 წწ.) და ალექსი II-ის (1297 წ.) მიერ. განძის 27 მონეტა განეკუთვნება ე.წ. კირმანეულის კატეგორიას, რომლის ემისია დასავლეთ საქართველოში წარმოებდა. განძი ჩაფლული უნდა იყოს XIII-XIV სს. მიჯნაზე.

დემოგრაფია

2014 წლის აღწერის მონაცემებით სოფელში ცხოვრობს 584 ადამიანი.

აღწერის წელი	მოსახლეობა	კაცი	ქალი
2002	879	408	471
2014	584	282	302

ცნობილი ადამიანები

• კორნელი კეკელიძე, ფილოლოგი, აკადემიკოსი, სოფელში მოქმედებს მისი სახლ-მუზეუმი
• კალისტრატე (ცინცაძე), საქართველოს კათალიკოს-პატრიარქი
• დონი (დავით ნაცვლიშვილი), მხატვარი-სატირიკოსი
• შიო ნაფეტვარიძე, ინჟინერი და მეცნიერი სამშენებლო მექანიკისა და ნაგებობათა სეისმომედეგობის დარგში
• გერმანე ნაფეტვარიძე, რევოლუციონერი

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 7.