მთავარი მენიუს გახსნა

სერიკ იაკობის ასული შეკოიანი (სომხ. Սերիկ Շեկոյան; დ. 27 ოქტომბერი, 1924, თბილისი, საქართველოს სსრ, — გ. 13 ივნისი, 2015, თბილისი, საქართველო) — სომეხი მსახიობი. სომხეთის სსრ დამსახურებული არტისტი (1962), საქართველოს სსრ სახალხო არტისტი (1982). ცნობილი მსახიობის არტემ ლუსინიანის მეუღლე.

სერიკ შეკოიანი
Серика Шекоян.jpg
სერიკ შეკოიანი
დაბ. თარიღი 27 ოქტომბერი, 1924
თბილისი, საქართველოს სსრ
გარდ. თარიღი 13 ივნისი 2015
თბილისი, საქართველო
საქმიანობა მსახიობი
მეუღლე(ები) არტემ ლუსინიანი

სწავლობდა თბილისის კინოსტუდიის კინომსახიობთა სტუდიაში. 1946 წლიდან თბილისის შაუმიანის სახელობის სომხური თეატრის მსახიობია. ამ თეატრის სცენაზე შეასრულა 100-ზე მეტი როლი, მათ შორის დეზდემონა (შექსპირის „ოტლო“), რუსუდანი (მისაშვილის „ჩაძირული ქვები“), კატარინა (შექსპირის „ჭირვეულის მორჯულება“), აქსიუმა (ოსტროვსკის „ტყე“), თამრო „გლახის ნაამბობი“ (ი. ჭავჭავაძის მიხედვით), ნინო (მ. ბარათაშვილის „ჩემი ყვავილეთი“), ანა (ავჩიანის „საიათნოვა“), თამარი (ბაბაიანის „გული გვიხმობს“), პარასკა (გალანის „სიყვარული გარიჟრაჟზე“), ელენე (ჩიჯავაძის „ვაჟიშვილები“) და სხვა როლი.[1] დაჯილდოებულია ღირსების ორდენით (1998).

სერიკ შეკოიანმა მნიშვნელოვანი კვალი დატოვა როგორც საქართველოს, აგრეთვე სომხეთის სამსახიობო ისტორიაში. შესრულებული აქვს 250-ზე მეტი როლი, მეგობრობდა ისეთ ქართველ მსახიობებთან, როგორებიც იყვნენ აკაკი ხორავა, ვერიკო ანჯაფარიძე, ვასო გოძიაშვილი, სოფიკო ჭიაურელი, მედეა ჩახავა და სხვა.[2]

სქოლიორედაქტირება

  1. გვენცაძე ა., ქართული საბჭოთა ენციკლოპედია, ტ. 10, გვ. 706, თბ., 1986 წელი.
  2. საქართველოს კულტურისა და ძეგლთა დაცვის სამინისტრო