ვასო გოძიაშვილი

ვასილ (ვასო) დავითის ძე გოძიაშვილი (დ. 27 ნოემბერი [ძვ. სტ. 14 ნოემბერი], 1905. თბილისი — გ. 27 იანვარი, 1976, იქვე) — ქართველი თეატრისა და კინოს მსახიობი.

ვასო გოძიაშვილი
დაბ. თარიღი	27 ნოემბერი, 1905
გარდ. თარიღი	27 იანვარი, 1976 (70 წლის)
საქმიანობა	თეატრისა და კინოს მსახიობი.
მეუღლე(ები)	სესილია თაყაიშვილი

ბიოგრაფია

1922–1924 წლებში სწავლობდა დრამუტურგიულ სტუდიაში აკაკი ფაღავას ხელმძღვანელობით. 1924 წლიდან იყო თბილისის შ. რუსთაველის სახელობის აკადემიური თეატრის მსახიობი, ხოლო 1930 წლიდან თბილისის კოტე მარჯანიშვილის სახელობის აკადემიური თეატრის მსახიობი. გამოდიოდა ესტრადაზე იყო პირველი საკავშირო ესტრადის კონკურსის ლაურეატი. საბჭოთა კავშირის სახალხო არტისტი (1958). საბჭოთა კავშირის სახელმწიფო პრემიის ლაურეატი (1952). საქართველოს სახელმწიფო პრემიის ლაურეატი (1971). დაჯილდოებული იყო ლენინის ორდენით, ორი სხვა ორდენით და მედლებით.

დაკრძალულია მწერალთა და საზოგადო მოღვაწეთა დიდუბის პანთეონში. მასთან დიდუბის პანთეონში დასაფლავებულია მისი მეუღლე — ევგენია სამსონის ასული აგაბეკოვა (დ. 1919, თბილისი — გ. 25 მარტი, 1973, იქვე) — პიანისტი, საქართველოს დამსახურებული არტისტი.

ფილმოგრაფია

• 1932: „მზიანი ბილიკი“ რეჟ. ალექსანდრე თაყაიშვილი (ფილმი არ შემონახულა)
• 1948: „ქეთო და კოტე“ (სიკო) რეჟისორები ვახტანგ ტაბლიაშვილი, შალვა გედევანიშვილი
• 1956: „ეთერის სიმღერა“ (პაპა) რეჟ. სიკო დოლიძე
• 1958: „მაიაკოვსკი იწყებოდა ასე...“ (მამა) რეჟ. კონსტანტინე პიპინაშვილი
• 1965:„რაც გინახავს, ვეღარ ნახავ“ (ავეტიკა) რეჟ. მიხეილ ჭიაურელი
• 1970: „დიდოსტატის მარჯვენა“ (კათალიკოსი მელქისედეკი) რეჟისორები ვახტანგ ტაბლიაშვილი, დევი აბაშიძე

ნათამაშები როლები

რუსთაველის თეატრი

მარჯანიშვილის თეატრი

ლიტერატურა

• ზ. ბაბუნაშვილი, თ. ნოზაძე, „მამულიშვილთა სავანე“, გვ. 113, თბ., 1994

რესურსები ინტერნეტში

• ვასო გოძიაშვილი — კინოფილმების ინტერნეტ-მონაცემთა ბაზა (ინგლისური)
• ვასო გოძიაშვილი — ეროვნული ფილმოგრაფია