მთავარი მენიუს გახსნა

საყდრიონი (წალკის მუნიციპალიტეტი)

საყდრიონი (2010 წლის 20 ნოემბრამდე„ედიქილისა“[2]) — სოფელი წალკის მუნიციპალიტეტში, ჯავახეთის ქედის აღმოსავლეთ კალთის ძირში, მდ. ქციის მარჯვენა ნაპირას, წალკა-ნინოწმინდის საავტომობილო გზაზე. ზღვის დონიდან 1540 მ, წალკიდან 15 კმ.

სოფელი
საყდრიონი
Sakdrioni village. Tsalka district (Photo A. Muhranoff).jpg
ქვეყანა საქართველოს დროშა საქართველო
მხარე ქვემო ქართლის მხარე
მუნიციპალიტეტი წალკის მუნიციპალიტეტი
კოორდინატები 41°35′30″ ჩ. გ. 43°55′47″ ა. გ. / 41.59167° ჩ. გ. 43.92972° ა. გ. / 41.59167; 43.92972
ადრეული სახელები ედიქილისა
ცენტრის სიმაღლე 1540
მოსახლეობა 567[1] კაცი (2014)
ეროვნული შემადგენლობა ქართველები 97 %, ბერძნები 2,5 %
სასაათო სარტყელი UTC+4
სატელეფონო კოდი +995
საყდრიონი (წალკის მუნიციპალიტეტი) — საქართველო
საყდრიონი (წალკის მუნიციპალიტეტი)
საყდრიონი (წალკის მუნიციპალიტეტი) — ქვემო ქართლი
საყდრიონი (წალკის მუნიციპალიტეტი)

ისტორიარედაქტირება

სოფლის ძველი სახელწოდება ედიქილისა თურქულია (სიტყვასიტყვით — შვიდი ეკლესია). დააარსეს XIX ს-ში ოსმალეთიდან გადმოსახლებულმა ბერძნებმა. შემორჩენილია 7 საყდარი და სასახლე (ზოგიერთი — ფრაგმენტულად) შუა საუკუნეებისათვის დამახასიათებელი დეტალებით. სოფლის განაპირას ნაციხარის ნანგრევია. ვარაუდობენ, რომ იგი ვახუშტი ბატონიშვილის (XVIII ს.) მიერ შედგენილ რუკაზე აღნიშნული სოფელ ანდრაპის ნაშთია.

საბჭოთა პერიოდში გავრცელებული იყო მერძევეობა და მეკარტოფილეობა ედიქილისას სასოფლო საბჭოში შედიოდა სოფლები აიაზმი, გუნიაკალა, თიქილისა, ნარდევანი. 2010 წელს წალკის მუნიციპალიტეტის რამდენიმე სოფელს სახელი შეეცვალა. ედიქილისას ეწოდა საყდრიონი[3].

დემოგრაფიარედაქტირება

2002 წ. აღწერის მიხედვით სოფელში ცხოვრობდა 351 მოსახლე, ძირითადად ბერძნები (96 %).[4] 2002 წლიდან სოფელში სახლდებოდნენ ეკომიგრანტები აჭარის ავტონომიური რესპუბლიკის ხულოსა და ქედის მუნიციპალიტეტის სოფლებიდან. პარალელურად გაძლიერდა ბერძნული მოსახლეობის იმიგრაციის პროცესი. 2006 წ. შეფასებით სოფლის მოსახლეობა 300 კაცამდეა, აქედან 90 % ქართველია.

აღწერის წელი მოსახლეობა
2002 351
2014 567[1]  

გალერეარედაქტირება

ლიტერატურარედაქტირება

სქოლიორედაქტირება