როდონიტი

როდონიტი (<ბერძ. ῥόδον — ვარდი) — სილიკატების კლასის მინერალი; ქიმიური შედგენილობა ${\ce {CaMn_4[Si_5O_15]}}$. მინარევებია ${\ce {Fe}}$, ${\ce {Zn}}$, ${\ce {Mg}}$, ${\ce {Al}}$. კრისტალდება ტრიკლინურ სინგონიაში. კრისტალები იშვიათია; ჩვეულებრივ გვხვდება როგორც მარცვლოვანი ან მკვრივი მასა. ვარდისფერია, ელვარება მინისებრი აქვს. სიმაგრე მინერალოგიური სკალით — 5,5–6; სიმკვრივე 3400–3750 კგ/მ³. წარმოიქმნება ჰიდროთერმული ან კონტაქტ-მეტამორფული გზით. იყენებენ სანახელავო და მოსაპირკეთებელ ქვად. როდონიტის ცნობილი საბადოებია რუსეთში (ურალი), შვედეთში, აშშ-ში, მექსიკაში.

როდონიტი
საერთო
ქიმიური ფორმულა	(Mn2+,Fe2+,Mg,Ca)SiO3
იდენტიფიკაცია
ფერი	ვარდისფერი
სიმაგრე მოოსის სკალით	5,5–6
სიმკვრივე	3400–3750 კგ/მ³

ლიტერატურა

• ქართული საბჭოთა ენციკლოპედია, ტ. 8, თბ., 1984. — გვ. 420.

რესურსები ინტერნეტში

• ვიკისაწყობში არის გვერდი თემაზე: როდონიტი
• როდონიტი საიტზე webmineral.com (ინგლისური)