რაფაელ ვარანი

რაფაელ ვარანი (ფრანგ. Raphaël Varane [vaʁan]; დ. 25 აპრილი, 1993; ლილი, საფრანგეთი) — ფრანგი ფეხბურთელი, მანჩესტერ იუნაიტედისა და საფრანგეთის ეროვნული ნაკრების ცენტრალური მცველი. 2018 წლის მსოფლიო ჩემპიონი საფრანგეთის ეროვნული ნაკრების შემადგენლობაში.

რაფაელ ვარანი

ვარანი 2018 წელს
პირადი მონაცემები
სრული სახელი	რაფაელ ვარანი
დაბადების თარიღი	25 აპრილი, 1993 (1993-04-25)
დაბადების ადგილი	ლილი, საფრანგეთი
სიმაღლე	191 სმ
სათამაშო პოზიცია	მცველი
საკლუბო ინფორმაცია
მიმდინარე კლუბი	მანჩესტერ იუნაიტედი
ნომერი	19
ახალგაზრდული კარიერა
2000–2002	ჰელემესი
2002–2010	ლანსი
პროფესიონალური კარიერა*
წლები	გუნდი	მატჩი	(გოლი)
2010–2011	ლანსი	23	(2)
2011–2021	რეალი	236	(8)
2021-	მანჩესტერი	32	(1)
ეროვნული ნაკრები‡
2010	საფრანგეთი 18	2	(1)
2012	საფრანგეთი 20	1	(0)
2011–2012	საფრანგეთი 21	15	(3)
2013–	საფრანგეთი	74	(5)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 5 ივნისი, 2021 ‡ ეროვნული ნაკრების მატჩი და გოლი ბოლოს განახლდა: 5 ივნისი, 2021

საკლუბო კარიერა

ლანსი

ვარანი პირველად ლანსის პირველ გუნდში გამოიძახა მწვრთნელმა ველევბაშოვმა, მონპელიესთან სათამაშოდ. ის მთელი კვირა ვარჯიშობდა კლუბთან ერთად და ძირითად შემადგენლობაში მოხვდა ცენტრალური მცველის ალაიდინე იახიას ნაცვლად. მან ამ შეხვედრაში 90 წუთის განმავლობაში ითამაშა და მისმა გუნდმა სახლში 2-0 მოიგო. შემდეგი ორი შეხვედრა ის არ იყო ძირითად შემადგენლობაში, რადგან ლანსს ზედიზედ ორი თამაში მარსელთან და ლილთან ჰქონდა.

რეალ მადრიდი

3 ნახევარმცველის შეძენის შემდეგ მადრიდელებმა დაცვის გაძლიერება გადაწყვიტეს და ახალგაზრდა ფრანგ რაფაელ ვარანთან, 27 ივნისს, 6 წლიანი კონტრაქტი გააფორმეს.

სეზონი 2011/2012

ვარანის დებიუტი ლა-ლიგაში შედგა „რასინგთან“ შეხვედრაში. რაფაელმა მოედანზე 90 წუთი გაატარა, შეხვედრა 0:0 დასრულდა. შემდეგი შეხვედრა ახალგაზრდა ფეხბურთელის იყო „რაიო ვალეკანოს“ წინააღმდეგ, ვარანი ისევ ძირითად შემადგენლობაში იყო და ეს შეხვედრაც შეუცვლელად ითამაშა. ამ შეხვედრაში გაიტანა მან პირველი გოლი „რეალის“ რიგებიში 67-ე წუთზე, მისმა გუნდმა შეხვედრა 6:2 მოიგო. სულ ესპანეთის ჩემპიონატში ვარანმა 9 შეხვედრა ჩაატარა, აქედან 7 სრულად, ამ შეხვედრებიდან მას არც ერთში არ მიუღია გაფრთხილება. ჩემპიონთა ლიგაზე კი მან 4 შეხვედრა ჩაატარა: 3 ჯგუფურ ეტაპზე და ერთიც მეოთხედფინალში. ესპანეთის თასზე ვარანმა ითამაშა 2 თამაში და გაიტანა 2 გოლი „ბარსელონას“ კარში.

სეზონი 2012/2013

ვარანმა ახალი სეზონის წინ ჩაატარა 6 წინასასეზონო შეხვედრა. მან ახალი სეზონიდან 2 ნომრით ასპარეზობა გადაწყვიტა, რომელიც რიკარდო კარვალიუს ეკუთვნოდა. პირველი შეხვედრა ახალ სეზონში ვარანმა „მანჩესტერ სიტის“ წინააღმდეგ ითამაშა ჩემპიონთა ლიგაზე.ვარანმა მოედანზე 90 წუთი გაატარა. პირველი თამაში ესპანეთის ჩემპიონატზე კი გამართა „დეპორტივოს“ წინააღმდეგ ის მოედნის ცენტრში პეპეს შეუწყვილდა, რამოსმა კი მთელი შეხვედრა მარჯვენა ფლანგზე გაატარა.

ოქტომბრის სანაკრებო თამაშების შემდეგ ვარანი სამეფო კლუბს ტრავმირებული დაუბრუნდა, თუმცა მან ტრამვირებულმა ჩაატარა შეხვედრა „სელტას“ წინააღმდეგ. ვარანის დატვირთვა კიდევ უფრო გაძლიერდა, ტრავმები მიიღეს ალვარო არბელოამ, მარსელომ და ფაბიუ კოენტრაუმ. ასეთ შემთხვევაში დაცვის მარცხენა ფლანგი მაიკლ ესიენმა დაიკავა, ცენტრში პეპე-ვარანი დადგა, ხოლო მარჯვენა ფლანგი სერხიო რამოსმა ჩაიბარა. ასეთი შემადგეენლობით გავიდა გუნდი დორტმუნდის „ბორუსიასთან“ და „მალიორკასთან“.

კარიერა ნაკრებში

ვარანი პირველად საფრანგეთის 17 წლამდელთა ნაკრებში გამოიძახეს. თუმცა მას ოფიციალური მატში არ უთამაშია. ნაკრების მაისურით ის პირველად მოედანზე 2010 წელს გავიდა, როდესაც 18 წლამდელთა საფრანგეთის ნაკრების ფეხბურთელები დანიელ თანატოლებს ხვდებოდნენ. რაფაელმა თავისი დებიუტი ნაკრებში გოლით აღნიშნა. 2011 წლის 3 თებერვალს ის გამოიძახეს საფრანგეთის ახალგაზრდულ ნაკრებში, სლოვაკეთის ნაკრების წინააღმდეგ. ეს მისთვის დიდი სიურპრიზი იყო, მან მოედანზე 90 წუთი დაჰყო, ფრანგებმა კი ეს მატჩი 3-1 მოიგეს.

ტიტულები

საკლუბო

რეალ მადრიდი: (18)

• ესპანეთის ლა ლიგა (3): 2011–12, 2016–17, 2019–20
• ესპანეთის თასი (1): 2013–14
• ესპანეთის სუპერთასი (3): 2012, 2017, 2020
• უეფა-ს ჩემპიონთა ლიგა (4): 2013–14, 2015–16, 2016–17, 2017–18
• უეფა-ს სუპერთასი (3): 2014, 2016, 2017
• ფიფა-ს მსოფლიო საკლუბო ჩემპიონატი (4): 2014, 2016, 2017, 2018

სანაკრებო

საფრანგეთი:

• მსოფლიო ჩემპიონატი (1): 2018

რესურსები ინტერნეტში

ვიკისაწყობში არის გვერდი თემაზე:

რაფაელ ვარანი

• პროფილი რეალ მადრიდის ოფიციალურ საიტზე (ინგლისური)
• პროფილი Transfermarkt-ზე (ინგლისური)
• პროფილი Soccerway-ზე (ინგლისური)
• რაფაელ ვარანი – უეფას ჩანაწერი (ინგლისური)
• რაფაელ ვარანი — სტატისტიკა საიტზე Soccerbase.com (ინგლისური)
• რაფაელ ვარანი Twitter-ზე