ოჟიო

ოჟიო — სოფელი საქართველოში, ახმეტის მუნიციპალიტეტში, თემის ცენტრი (სოფლები: ალავერდი, კოღოთო). მდებარეობს ალაზნის ვაკეზე. ზღვის დონიდან 520 მეტრი, ახმეტიდან 17 კილომეტრი.

სოფელი
ოჟიო
სოფელ ოჟიოს ხედი ჯაბა ლაბაძის ფოტო
ქვეყანა	საქართველო
მხარე	კახეთის მხარეკახეთის მხარე
მუნიციპალიტეტი	ახმეტის მუნიციპალიტეტი
თემი	ოჟიო
კოორდინატები	41°58′40″ ჩ. გ. 45°22′44″ ა. გ.
ცენტრის სიმაღლე	520 მ
ოფიციალური ენა	ქართული ენა
მოსახლეობა	680 კაცი (2014)
ეროვნული შემადგენლობა	ქართველები 98,8 % ჩეჩნები 0,9 %
სასაათო სარტყელი	UTC+4
სატელეფონო კოდი	+995
ოჟიო ვიკისაწყობში

ისტორია

ოჟიო ისტორიულ წყაროებში XV საუკუნიდან იხსენიება. ალექსანდრე I-ს (1412-1442 წწ.) სოფელი სვეტიცხოვლისთვის შეუწირავს. XVI საუკუნის შუა წლებიდან ანდრონიკაშვილებს ეკუთვნოდა. XVII საუკუნიდან სოფლის ყმა-მამულზე წილი დაუდევს ალავერდის წმინდა გიორგის მონასტერსაც. სოფელი ოჟიო, როგორც მნიშვნელოვანი პუნქტი, XVIII საუკუნის გერმანელ მეცნიერსა და მოგზაურს ი. ა. გიულდენშტედტსაც აქვს მოხსენიებული. XVI-XVIII საუკუნეებში, იმდროინდელი ტერიტორიული დაყოფით, ოჟიო შედიოდა თიანეთის სამოურავოში, რომელსაც ჩოლოყაშვილები განაგებდნენ. ქართლ-კახეთის სამეფოს გაუქმებისა და რუსული მმართველობის დამყარების შემდეგ სოფელი თიანეთის მაზრაში შევიდა.

დემოგრაფია

2014 წლის აღწერის მონაცემებით სოფელში ცხოვრობს 680 ადამიანი.

აღწერის წელი	მოსახლეობა	კაცი	ქალი
2002	810	396	414
2014	680	347	333

ცნობილი ადამიანები

• ლუარსაბ ანდრონიკაშვილი — ქართველი მეცნიერი, იურისტი და საზოგადო მოღვაწე.

იხილეთ აგრეთვე

• ბაიხოს სამების ეკლესია
• ოჟიოს კვირაცხოვლის ეკლესია
• ოჟიოს კოშკები
• ოჟიოს წმინდა თომას ეკლესია
• ოჟიოს წმინდა ნინოს ეკლესია

ლიტერატურა

• ქართული საბჭოთა ენციკლოპედია, ტ. 7, თბ., 1984. — გვ. 551.

• კახაძე კ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 131.