მიასნიკოვკა
მიასნიკოვკა (ძვ. დალი) — სოფელი აფხაზეთის ავტონომიურ რესპუბლიკაში, გულრიფშის მუნიციპალიტეტში (ლათის თემი), მდინარე კოდორის მარჯვენა ნაპირზე. ზღვის დონიდან 280 მ, გულრიფშიდან 51 კმ. ეს არის ისტორიული სოფელი დალი. სახელწოდება დალი ქართულია, მომდინარეობს სვანური ნადირობის ღვთაებისგან და „დალის საუფლოს“ ნიშნავს. შუა საუკუნეებში დალი ისტორიული ქალის სახელწოდება იყო, რომელიც მდინარე კოდორის ზემო წელს მოიცავდა. დალს იხსენიებენ იოჰან გიულდენშტედტი, XIX საუკუნის 30-იან წლებში – ა. აბრიუცკი, ალექსანდრე ნორდმანი. 1867 ადგილობრივი მოსახლეობა მთლიანად გადაასახლეს ოსმალეთის იმპერიაში. მოგვიანებით აქ ოსმალეთიდან გადმოსახლებული სომხები დამკვიდრდნენ. საბჭოთა ხელისუფლების პირველ წლებში მას ბებუტოვკა ეწოდებოდა.[1] 1949 წელს შედიოდა ლათის სასოფლო საბჭოში მიასნიკოვკის სახელწოდებით.[2][1] იგი ეწოდა სომეხი რევოლუციონერის, რკპ (ბ) ამიერკავკასიის სამხედრო კომიტეტის პირველი მდივნის ალექსანდრე მიასნიკოვის პატივსაცემად, რომელიც 1925 წელს ავტოკატასტროფაში დაიღუპა.
| სოფელი | |
|---|---|
|
მიასნიკოვკა | |
| ქვეყანა |
 საქართველო |
| ავტონომიური რესპუბლიკა | აფხაზეთის არ |
| მუნიციპალიტეტი | გულრიფშის მუნიციპალიტეტი |
| თემი | ლათა |
| კოორდინატები | 43°02′53″ ჩ. გ. 41°26′36″ ა. გ. / 43.04806° ჩ. გ. 41.44333° ა. გ. |
| ადრეული სახელები | ბებუტოვკა |
| მოსახლეობა | 0 კაცი (2002) |
| სასაათო სარტყელი | UTC+4 |
| სატელეფონო კოდი | +995 |
.svg)   | |
2008 წლის 23 ოქტომბრის ოკუპირებული ტერიტორიების შესახებ საქართველოს კანონის საფუძველზე, ტერიტორია ოკუპირებულია რუსეთის ფედერაციის სამხედრო აგრესიის შედეგად და დადგენილია ამ ტერიტორიების განსაკუთრებული სამართლებრივი რეჟიმი.
ლიტერატურა
რედაქტირება- ქართული საბჭოთა ენციკლოპედია, ტ. 6, თბ., 1983. — გვ. 676.
სქოლიო
რედაქტირება- ↑ 1.0 1.1 ხორავა ბ., ჭანტურია ნ., აფხაზეთის ადმინისტრაციულ-ტერიტორიული დაყოფა 1921-1991 წლებში, თბილისი: უნივერსალი, 2019. — გვ. 96, 129, ISBN 978-9941-26-675-1.
- ↑ ხორავა ბ., ცხადაია პ., აფხაზეთის გეოგრაფიული სახელწოდებანი, თბილისი, 2016. — გვ. 91.
|
ეს სტატია საქართველოსა და ქართველების შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |