მარაკაიბოს ტბა
მარაკაიბოს ტბა (ესპ. Lago de Maracaibo) — მარილიანი ყურე[1][2][3][4] ვენესუელაში, ვენესუელის ყურის (კარიბის ზღვა) სამხრეთით, რომელთანაც შეერთებულია წყალმარჩხი სრუტით. მდებარეობს დასავლეთით — სიერა-დე-პერიხის და აღმოსავლეთით — კორდილიერა-მერიდის ქედების მთათაშუა ქვაბულში.
| მარაკაიბოს ტბა | |
|---|---|
 მარაკაიბოს ტბა | |
| კოორდინატები: 09°48′57″ ჩ. გ. 71°33′24″ დ. გ. / 9.81583° ჩ. გ. 71.55667° დ. გ. | |
| მდებარეობა |  ვენესუელა
|
| სიმაღლე ზღვის დონიდან | 0 მ |
| სიგრძე | 76 კმ |
| სიგანე | 67 კმ |
| ფართობი | 13,210 კმ² |
| მოცულობა | 280 კმ³ |
| სანაპირო ზოლის სიგრძე | 5,678 კმ |
| მაქსიმალური სიღრმე | 60.0 მ |
| ჩამდინარე მდინარეები | კატატუმბო, პალმარი |
  | |
ტბის სამხრეთ ნაწილში წყალი მტკნარია, ჩრდილოეთში — მომლაშო. მარაკაიბოს ნაპირები დაბალია და დაჭაობებული. საზრდოობს მრავალრიცხოვანი მდინარეებით, რომელთაგან უდიდესია კატატუმბო. მარაკაიბო ჩვეულებრივ განიხილება როგორც ტბა, და არა ყურე ან ლაგუნა. ფართობი 13,210 კმ². მოცულობა 280 კმ³. გეოლოგიური მონაცემების საფუძველზე ცნობილია, რომ მარაკაიბო წარსულში ტბას წარმოადგენდა, რომლის ქვაბულის ასაკი ერთ-ერთი უძველესია მსოფლიოში (მარაკაიბოს ასაკი განისაზღვრება 20-36 მლნ. წლით).[5][6] საპორტო ქალაქების მარაკაიბოსა და კაბიმასისთვის ტბა წარმოადგენს სავაჭრო გემების მთავარ მარშრუტს. მარაკაიბოს აუზში არის ნავთობის დიდი მარაგი, რითაც ტბას ეკონომიკური თვალსაზრისით ვენესუელის ერთ-ერთ უმნიშვნელოვანეს ცენტრად აქცევს.[6]
მარაკაიბოს ტბაში მდებარეობს გენერალ რაფაელ ურდანეტას სახელობის ხიდი, რომელიც მარაკაიბოს აკავშირებს ქვეყნის დანარჩენ დიდ ნაწილთან. მდინარე კატატუმბოს შესართავთან, მარაკაიბოს ტბაში წარმოიქმნება ატმოსფერული ფენომენი — კატატუმბოს ელვა. სანაპიროზე გაშენებულია ქალაქები: მარაკაიბო, კაბიმასი, სიუდად-ოხედა და სხვა.
ევროპელთაგან პირველმა მარაკაიბოს ტბა მოინახულა ალონსო დე ოხედამ 1499 წელს. 1529 წელს ტბის დასავლეთ სანაპიროსთან დაარსდა ქალაქი მარაკაიბო. 1821 წელს ტბასთან გაიმართა ბრძოლა, რომელმაც დიდი როლი ითამაშა ქვეყნის დამოუკიდებლობის მოპოვების საქმეში. ნავთობის წარმოება დაიწყო 1914 წელს პატარა ჭაბურღილებით, რომელიც გაითხარა კომპანია „Bataafsche Petroleum Maatschappij“-ის მიერ. 1964 წლის 6 აპრილს 236 000 ბარელის ტევადობის დატვირთულმა სუპერტანკერმა „Esso Maracaibo“ გენერალ რაფაელ ურდანეტას სახელობის ხიდთან ავარია განიცადა. ტანკერი ხიდს შეეჯახა, რომლის შედეგად ჩამოიქცა ხიდის 259 მეტრიანი სექცია. ტანკერს სერიოზული დაზიანება არ მიუღია. სამაგიეროდ დაზიანდა ხიდი. 2004 წლის მონაცემებით ტბის ზედაპირის 18% დაფარულია წყლის პერით.
გალერეა
რედაქტირება
იხილეთ აგრეთვე
რედაქტირებარესურსები ინტერნეტში
რედაქტირება- (ინგლისური)Guide of Maracaibo, Venezuela დაარქივებული 2018-10-14 საიტზე Wayback Machine.
- (ესპანური) Guida di Maracaibo, Stato Zulia, Venezuela დაარქივებული 2018-10-14 საიტზე Wayback Machine.
- (ესპანური) Lenteja verde Sp დაარქივებული 2007-10-12 საიტზე Wayback Machine.
- (ესპანური) Instituto para la Conservación del Lago de Maracaibo დაარქივებული 2018-08-15 საიტზე Wayback Machine.
- (ესპანური) Comisión del Lago დაარქივებული 2007-06-25 საიტზე Wayback Machine.
- (ესპანური) Imagen satelital
სქოლიო
რედაქტირება- ↑ DEME: Lake Maracaibo
- ↑ The Compass of Sigma Gamma Epsilon (1939:184)
- ↑ Ralph Alexander Liddle (1946:24) The Geology of Venezuela and Trinidad
- ↑ Kenneth Knight Landes (1951:535) Petroleum Geology
- ↑ Lake Profile: Maracaibo. LakeNet.
- ↑ 6.0 6.1 Maracaibo, Lake დაარქივებული 2006-12-21 საიტზე Wayback Machine. . The Columbia Encyclopedia, Sixth Edition.