მანუჩარ კვირკველია
მანუჩარ კვირკველია (დ. 12 ოქტომბერი, 1978, ოზურგეთი) — ქართველი ყოფილი სპორტსმენი, ბერძნულ-რომაული სტილის მოჭიდავე, ოლიმპიური ჩემპიონი და პოლიტიკოსი. საქართველოს ჭიდაობის ეროვნული ფედერაციის პრეზიდენტი 2014-2017 წლებში. საქართველოს პარლამენტის წევრი (2020).
 მანუჩარ კვირკველია პეკინის ოლიმპიადაზე | |||||||||||||||||||||||||||||||||
| პირადი ინფორმაცია | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| დაბ. სახელი | მანუჩარ კვირკველია | ||||||||||||||||||||||||||||||||
| ეროვნება | ქართველი | ||||||||||||||||||||||||||||||||
| დაბ. თარიღი | 12 ოქტომბერი, 1978 | ||||||||||||||||||||||||||||||||
| დაბ. ადგილი | ოზურგეთი, საქართველო | ||||||||||||||||||||||||||||||||
| სიმაღლე | 170 | ||||||||||||||||||||||||||||||||
| წონა | 74 | ||||||||||||||||||||||||||||||||
| სპორტი | |||||||||||||||||||||||||||||||||
| ქვეყანა | საქართველო | ||||||||||||||||||||||||||||||||
| სპორტი | ჭიდაობა | ||||||||||||||||||||||||||||||||
| სახეობა | ბერძნულ-რომაული | ||||||||||||||||||||||||||||||||
| კლუბი | დინამო თბილისი | ||||||||||||||||||||||||||||||||
| ჯილდოები | ბრწყინვალების საპრეზიდენტო ორდენი და ღირსების ორდენი | ||||||||||||||||||||||||||||||||
| |||||||||||||||||||||||||||||||||
ბიოგრაფია
რედაქტირებამანუჩარ კვირკველიამ ჭიდაობა დაიწყო მშობლიურ ქალაქში, ოზურგეთში. ნაციონალურ დონეზე პირველი წარმატებების შემდეგ გადავიდა თბილისის დინამოში, სადაც დაიწყო ბერძნულ-რომაული სტილის მოჭიდავედ ჩამოყალიბება. პარალელურად იყო სტუდენტი და გამოიმუშავებდა ჭიდაობით. ამის გამო ის თურქეთის ლიგაშიც ჭიდაობდა.
საერთაშორისო ტატამზე პირველად გავიდა 24 წლის ასაკში მსუბუქ წონით კატეგორიაში ფინეთის ევროპის ჩემპიონატზე. აქ მან ფინალამდე მიაღწია, სადაც დამარცხდა თურქ სერეფ ეროღლუსთან და დაიკავა მეორე ადგილი. იმავე წელს აიღო მესამე ადგილი მოსკოვში გამართულ მსოფლიო ჩემპიონატზე. 2003 წლის ბელგრადის ევროპის ჩემპიონატზე ის კვლავ სერეფ ეროღლუსთან დამარცხდა და დაიკავა მე-5 ადგილი. მაგრამ იმავე წელს შესანიშნავად იასპარეზა მსოფლიო ჩემპიონატზე და გახდა ტურნირის გამარჯვებული. ჩემპიონობისკენ გზაზე დაამარცხა ძველი მეტოქე, 1997 წლის მსოფლიო ჩემიპიონი, სერეფ ეროღლუ და 1996 წლის ოლიმპიური ჩემპიონი, პოლონელი რიჩარდ ვოლნი. 2004 წელს გამოტოვა ევროპის ჩემპიონატი, მაგრამ მონაწილეობა მიიღო იმავე წელს ათენის ოლიმპიურ თამაშებში. ეს ოლიმპიადა შავ ლაქად დარჩა მის კარიერაში. დამარცხდა გამანადგურებელი ანგარიშით 1-11 სერეფ ეროღლუსთან და მიიღო დისკვალიფიკაცია არასპორტული საქციელისათვის.
2005 წლიდან გადაინაცვლა ერთი საფეხურით უფრო მძიმე წონით კატეგორიაში. ახალ წონით კატეგორიაში ჭიდაობა თავიდან გაუჭირდა. ევროპის ჩემპიონატზე ვენაში აიღო მე-7 ადგილი, ხოლო მსოფლიო ჩემპიონატზე ბუდაპეშტში — მე-10 ადგილი. 2006 წელს ევროპისა (მოსკოვში) და მსოფლიოს (გუანჯოუში) ჩემპიონატებზე მოიპოვა ბრინჯაოს მედლები. 2007 წელს სოფიაში მოიგო თავისი მეორე საერთაშორისო ტიტული და გახდა ევროპის ჩემპიონი. იმავე წელს ცუდად გამოვიდა მსოფლიოს ჩემპიონატზე ბაქოში და მე-20 ადგილს დასჯერდა.
2008 წლის ოლიმპიურ თამაშებზე მონაწილეობის მისაღებად წარმატებით გაიარა კვალიფიკაცია რომში. 2008 წლის 13 აგვისტოს კი, ფინალურ ორთაბრძოლაში დაამარცხა ჩინელი ჩან იონხიანი, გაიმარჯვა რა პირველ რაუნდში ანგარიშით 6-0 , მეორეში კი — 3-0 და გახდა ოლიმპიური ჩემპიონი. კვირკველიამ პეკინის ოლიმპიადაზე საქართველოს პირველი ოქროს მედალი მოუტანა.
2014 წლის 26 დეკემბრიდან[1] 2017 წლამდე იყო საქართველოს ჭიდაობის ეროვნული ფედერაციის პრეზიდენტი.
2020 წლის საპარლამენტო არჩევნებზე „ერთიანმა ნაციონალურმა მოძრაობამ“ და გაერთიანებულმა ოპოზიციამ „ძალა ერთობაშია“ ოზურგეთი-ლანჩხუთი-ჩოხატაურის საარჩევნო ოლქის მაჟორიტარობის კანდიდატად წარადგინა.[2] მან ხმების 21,91% (13867) მიიღო და მეორე ადგილი დაიკავა.[3] 2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა — გაერთიანებული ოპოზიცია „ძალა ერთობაშია“.[4] პარლამენტში პარტიული სიით შესვლაზე უარი განაცხადა (მთლიანად ოპოზიციასთან ერთად, გაყალბებული არჩევნების მოტივით).
ბრწყინვალების საპრეზიდენტო ორდენის და ღირსების ორდენის კავალერი (2018, 2008), სპორტის რაინდი (2003).
ტიტულები
რედაქტირება2004 წლამდე ასპარეზობდა 66 კგ წონითი კატეგორიაში, 2004 წლიდან — 74 კგ. წონითი კატეგორიაში.
- 2002 — მე-2 ადგილი, ევროპის ჩემპიონატი. ფინეთი
- 2002 — მე-3 ადგილი , მსოფლიოს ჩემპიონატი, მოსკოვი
- 2003 — მე-5 ადგილი , ევროპის ჩემპიონატი, ბელგრადი
- 2003 — 1 ადგილი , მსოფლიოს ჩემპიონატი,
- 2004 — მე-3 ადგილი , მსოფლიოს თასი, ალმათი
- 2004 — დისკვალიფიკაცია, ოლიპიადა, ათენი,
- 2005 — მე-7 ადგილი , ევროპის ჩემპიონატი, ვარნა
- 2005 — მე-10 ადგილი , მსოფლიოს ჩემპიონატი, ბუდაპეშტი,
- 2006 — მე-3 ადგილი , ევროპის ჩემპიონატი, მოსკოვი
- 2006 — მე-3 ადგილი , მსოფლიოს ჩემპიონატი,
- 2007 — 1 ადგილი , ევროპის ჩემპიონატი, სოფია
- 2007 — მე-20 ადგილი , მსოფლიოს ჩემპიონატი, ბაქო
- 2008 — 1 ადგილი , ოლიპიური თამაშების კვალიფიკაცია, რომი
- 2008 — მე-2 ადგილი , ოქროს გრან-პრი, ბაქო
- 2008 — 1 ადგილი , პეკინის ოლიმპიური თამაშები
სქოლიო
რედაქტირება- ↑ მოჭიდავეებმა არჩევანი მანუჩარ კვირკველიაზე გააკეთეს. „მსოფლიო სპორტი“. 26.12.2014
- ↑ „ნაციონალურმა მოძრაობამ“ მაჟორიტარობის კანდიდატები წარადგინა. მთავარი არხი. mtavari.tv (2020-09-23). ციტირების თარიღი: 24 სექტემბერი, 2020.
- ↑ 2020 წლის 31 ოქტომბრის საქართველოს პარლამენტის არჩევნები. ცესკო. დაარქივებულია ორიგინალიდან — 2021-01-04. ციტირების თარიღი: 7 იანვარი, 2021.
- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 20 დეკემბერი, 2020.