კარლო ანჩელოტი

კარლო ანჩელოტი (იტალ. Carlo Ancelotti; დ. 10 ივნისი, 1959, რეჯოლო) — იტალიელი მწვრთნელი და ყოფილი ფეხბურთელი.

კარლო ანჩელოტი

პირადი მონაცემები
სრული სახელი	კარლო ანჩელოტი
დაბადების თარიღი	10 ივნისი, 1959 (1959-06-10)
დაბადების ადგილი	რეჯოლო, იტალია
სიმაღლე	179 სმ.
სათამაშო პოზიცია	ნახევარმცველი
ახალგაზრდული კარიერა
1973–1975	რეჯოლო
1975–1976	პარმა
პროფესიონალური კარიერა*
წლები	გუნდი	მატჩი	(გოლი)
1976–1979	პარმა	55	(13)
1979–1987	რომა	171	(12)
1987–1992	მილანი	112	(10)
სულ		338	(35)
ეროვნული ნაკრები
1981–1991	იტალია	26	(1)
სამწვრთნელო კარიერა
1995–1996	რეჯანა
1996–1998	პარმა
1999–2001	იუვენტუსი
2001–2009	მილანი
2009–2011	ჩელსი
2011–2013	პარი სენ-ჟერმენი
2013–2015	რეალ მადრიდი
2016–2017	ბაიერნი
2018–2019	ნაპოლი
2019–2021	ევერტონი
2021–	რეალ მადრიდი
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

სათამაშო კარიერა

კარლო ანჩელოტი თამაშობდა ნახევარმცველის პოზიციაზე. იტალიის ეროვნულ ნაკრებში ჩაატარა 26 შეხვედრა და მონაწილეობა მიიღო 1990 წლის მსოფლიო ჩემპიონატზე. კარლო ანჩელოტიმ სახელი გაითქვა „რომაში“ და „მილანში“ თამაშისას, ამ პერიოდში მან 3-ჯერ მოიგო იტალიის ჩემპიონატი, 4-ჯერ მოიგო იტალიის თასი და 2-ჯერ გახდა ჩემპიონთა ლიგის თასის მფლობელი.

სამწვრთნელო კარიერა

სამწვრთენლო კარიერის დასაწყისში ანჩელოტი წვრთნიდა „რეჯანას“, პარმას, და იუვენტუსს, ამ პერიოდში მან მოიპოვა ინტერტოტოს თასი 1999 წელს. 2001 წელს დაინიშნა მილანის მთავარ მწვრთნელად, სადაც ფათიჰ თერიმი შეცვალა. სადებიუტო სეზონში ანჩელოტიმ გუნდი მე-3 ადგილზე გაიყვანა ჩემპიონატში და ჩემპიონთა ლიგაზე ნახევარფინალამდე მიაღწია. 2002 წლის ზაფხულში კარლომ მილანში მიიწვია შემტევი ნახევარმცველი ანდრეა პირლო, რის შემდეგ გუნდმა მალე დაიწყო შემტევი ფეხბურთის თამაში. 2002–2003 წლის სეზონი მილანისთვის წარმატებული გამოდგა. კლუბმა მოიგო იტალიის თასი და ჩემპიონთა ლიგის ფინალში დაამარცხა “იუვენტუსი” (11 მეტრიანების სერიაში 3:2). 2003-2004 წლის სეზონში ანჩელოტიმ, მოიგო სკუდეტო. შემდეგ ზედიზედ 2 წელი მილანმა დაიკავა მე-2 ადგილი. 2005 წელს მილანი გავიდა ჩემპინთა ლიგის ფინალში, თუმცა წააგო ლივერპულთან 11 მეტრიანების სერიაში, ძირითადი დრო 3–3 დასრულდა. 2007 წელს ანჩელოტი კვლავ გავიდა ჩემპიონთა ლიგის ფინალში, სადაც კვლავ ლივერპულს დაუპირისპირდა და რევანშის აღება შეძლო. მილანმა ლივერპული 2–1 დაამარცხა.

2007-2008 წლის სეზონი გამოდგა ყველაზე წარუმატებელი კარლო ანჩელოტისათვის მილანში, კლუბმა ჩემპიონტში დაიკავა მე-5 ადგილი და პირველად დიდი ხნის განმავლობაში ვერ გავიდა ჩემპიონთა ლიგის ჯგუფურ ეტაპზე.

2009 წელს ანჩელოტი დაინიშნა ჩელსის მთავარ მწვრთნელად, სადაც გაიფორმა ოქროს დუბლი, მოიგო პრემიერ ლიგა და ინგლისის თასი. 2011 წლის 22 მაისს ანჩელოტი ანჩელოტი გაათავისუფლეს მთავარი მწვრთნელის პოსტიდან.

2011 წლის 30 დეკემბერს ანჩელოტი დაინიშნა პარი სენ-ჟერმენი-ს მთავარ მწვრთნელად. 2012-2013 წლის სეზონში ანჩელოტიმ კლუბს მოაგებინა ლიგა 1.

2013 წლის 25 ივნისს რეალ მადრიდის ოფიციალურ საიტზე გამოჩნდა ინფორმაცია, რომ ანჩელოტი მომავალი წლიდან სამეფო კლუბს ჩაუდგებოდა სათავეში. იტალიელმა სპეციალისტმა კლუბთან სამწლიანი კონტრაქტი გააფორმა. ანჩელოტიმ გააძლიერა გუნდში ლუკა მოდრიჩის როლი, რომელსაც მოედნის ცენტრში მეტი სათამაშო თავისუფლება მიანიჭა, უკან, ნახევარდაცვაში დახია ანხელ დი მარია და გარეთ ბეილი შეუერთა კრიშტიანუ რონალდუსა და ქარიმ ბენზემას თავდასხმაში. ამ ცვლილებებმა „რეალი“ შეუჩერებელ ძალად აქცია. მან სადებიუტო სეზონშივე „რეალ მადრიდს“ მე-18 სამეფო თასი მოაგებინა, რომლის ფინალში გუნდმა კატალონიის „ბარსელონა“ დაამარცხა. ამავე სეზონში რეალი 12-წლიანი პაუზის შემდეგ ჩემპიონთა ლიგის ფინალში გავიდა. 2011-დან 2013 წლამდე გუნდი ვერ ახერხებდა ნახევარფინალური ეტაპის დაძლევას. ფინალში „რეალმა“ თანაქალაქელი „ატლეტიკო მადრიდი“ დამარცხა დამატებით დროში, ანგარიშით 4–1. ამ ტიტულს მადრიდის რეალის ქომაგებმა „ლა დესიმა“ უწოდეს, რაც თარგმანში "მეათეს" ნიშნავს. გუნდისათვის წარუმატებელი აღმოჩნდა ესპანეთის ჩემპიონატი, სადაც ასპარეზობა მე-3 ადგილზე დაასრულა. 2014 წლის აგვისტოში „რეალმა“ მოიგო უეფა-ს სუპერთასი, სადაც „სევილია“ დაამარცხა ანგარიშით 2–0. 2014 წლის 16 სექტემბრიდან 20 დეკემბრის ჩათვლით ანჩელოტის გუნდმა ყველა შეჯიბრებაში ზედიზედ 22 თამაში მოიგო. ანჩელოტიმ გუნდს ასევე ფიფას საკლუბო ჩემპიონატი მოაგებინა. 2014-15 წლბის სეზონში „რეალ მადრიდმა“ კვლავ ვერ მოიგო ესპანეთის პრიმერა-დივიზიონი და მეორე ადგილს დასჯერდა. ჩემპიონობა კლუბმა „ბარსელონას“ დაუთმო, ასევე ვერ მოუგო თანაქალაქელ „ატლეტიკოს“, რომელმაც 2014 წლის სექტემბერში 1–0 მოუგო „რეალს“ 14-წლიანი პაუზის შემდეგ. ჩემპიონთა ლიგაზე რეალი ნახევარფინალიდან „იუვენტუსმა“ გამოაგდო. წარუმატებელი სეზონის შემდეგ ანჩელოტი თანამდებობიდან კლუბის მმართველმა საბჭომ გადააყენა.

მიღწევები

ფეხბურთელობისას

რომა: (5)

• სერია A (1): 1982–1983
• იტალიის თასი (4): 1979–80, 1980–81, 1983–84, 1985–86

მილანი: (9)

• უეფა-ს ჩემპიონთა თასი (2): 1988–89, 1989–90
• უეფა-ს სუპერთასი (2): 1989, 1990
• სერია A (2): 1987–88, 1991–92
• იტალიის სუპერთასი (1): 1988
• საკონტინენტთაშორისო თასი (2): 1989, 1990

მწვრთნელობისას

იუვენტუსი: (1)

• უეფა-ს ინტერტოტოს თასი (1): 1999

მილანი: (8)

• უეფა-ს ჩემპიონთა ლიგა (2): 2002–03, 2006–07
• უეფა-ს სუპერთასი (2): 2003, 2007
• სერია A (1): 2003–04
• იტალიის თასი (1): 2002–03
• იტალიის სუპერთასი (1): 2004
• ფიფა-ს მსოფლიო საკლუბო ჩემპიონატი (1): 2007

ჩელსი: (3)

• პრემიერ ლიგა (1): 2009–10
• ინგლისის ასოციაციის თასი (1): 2009–10
• ინგლისის სუპერთასი (1): 2009

პარი სენ-ჟერმენი: (1)

• საფრანგეთის ლიგა 1 (1): 2012–13

რეალ მადრიდი: (5)

• უეფა-ს ჩემპიონთა ლიგა (1): 2013–14
• ესპანეთის თასი (1): 2013–14
• ესპანეთის სუპერთასი (1): 2022
• უეფა-ს სუპერთასი (1): 2014
• ფიფა-ს მსოფლიო საკლუბო ჩემპიონატი (1): 2014

ბაიერნი მიუნხენი: (3)

• გერმანიის ბუნდესლიგა (1): 2016–17
• გერმანიის სუპერთასი (2): 2016, 2017

ბიბლიოგრაფია

• Савин, А.В., История футбола - игроки, тренеры, судьи, М.: Терра-спорт, 2001. — გვ. 31. 367 გვ., ISBN 5-93127-139-2.

რესურსები ინტერნეტში

ვიკისაწყობში არის გვერდი თემაზე:

კარლო ანჩელოტი

• იტალიის ფეხბურთის ფედერაციის ჩანაწერი
• კარლო ანჩელოტი — ფიფა-ს ჩანაწერი
• კარლო ანჩელოტი — totalfootball.ru