თოლენჯი

თოლენჯი — სოფელი აღმოსავლეთ საქართველოში, მცხეთა-მთიანეთის მხარის თიანეთის მუნიციპალიტეტში სიმონიანთხევის თემში. მდებარეობს ერწოს ქვაბულის ჩრდილოეთ ნაწილში, ზღვის დონიდან 1120 მეტრზე. თიანეთიდან დაშორებულია 29 კილომეტრით.

სოფელი
თოლენჯი
ქვეყანა	საქართველო
მხარე	მცხეთა-მთიანეთის მხარემცხეთა-მთიანეთის მხარე
მუნიციპალიტეტი	თიანეთის მუნიციპალიტეტი
თემი	სიმონიანთხევი
კოორდინატები	42°00′21″ ჩ. გ. 44°55′27″ ა. გ.
ცენტრის სიმაღლე	1120 მ
მოსახლეობა	208 კაცი (2014)
ეროვნული შემადგენლობა	ქართველები 98,1 %
სასაათო სარტყელი	UTC+4
სატელეფონო კოდი	+995

მოხსენიებულია XV საუკუნის გარეჯის ისტორიულ დოკუმენტში.

ისტორია

წყაროებში მოიხსენიება თორენჯის სახელწოდებით. თოლენჯისგან არის ნაწარმოები საკუთარი სახელი დოლენჯი და გვარები: დოლენჯიშვილი, თოლენჯიშვილი. თოლენჯი მნიშვნელოვან პუნქტთაგანი იყო იმ სავაჭრო გზის ერთ-ერთ განშტოებაზე, რომელიც ქართლს კავკასიის ალბანეთსა და სომხეთთან აკავშირებდა. XV საუკუნეში თოლენჯი საკათალიკოსო სოფელი იყო და სვეტიცხოვლის სასარგებლოდ გარკვეული გამოსაღები ეკისრებოდა. ალექსანდრე II-მ 1579 წელს სვეტიცხოველს განუახლა თოლენჯზე მფლობელობა. მეფე კონსტანტინე II-მ (1722-1732 წლები) ალიყულიბეგ გარაყანიძეს სოფელ თოლენჯში 8 გლეხი (ბესალაშვილები და პეტრიაშვილები) უბოძა.

დემოგრაფია

2014 წლის აღწერის მონაცემებით სოფელში ცხოვრობს 208 ადამიანი.

აღწერის წელი	მოსახლეობა	კაცი	ქალი
2002	342	166	176
2014	208	99	109

ლიტერატურა

• ჯამბურია ზ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 385-386.

• ქართული საბჭოთა ენციკლოპედია, ტ. 4, თბ., 1979. — გვ. 690.