ზაქარია (საკუთარი სახელი)
ზაქარია — მამაკაცის სახელი. ძველ ებრაულად: „ღვთის მიერ დაუვიწყარი“ (სიტყვასიტყვით:„ღმერთს ახსოვს“). ბიბლიური წინასწარმეტყველის სახელია, რომელიც გვხვდება სახარების უძველეს ქართულ თარგმანში: „რაითა ხიძიოს სისხლი ყოველთა წინასწარმეტყუელთაი,დათხეული დასაბამითგან სოფლისაით ნათესავისა ამისგან სისხლითგან აბელისით ვიდრე სისხლადმდე ზაქარიაისა,ძისა ბარაქისა,რომელი წარწყმდა შოვრის საკურთხეველისა მის და ტაძრისა“ (ლუკა 11,50-51)[1].
.jpg)
ეს სახელი ერქვა არაერთ ისტორიულ პირს, რომელთა შორის განსაკუთრებით ცნობილია თამარ მეფის ამირსპასალარი ზაქარია მხარგრძელი. ახლო წარსულიდან უპირველეს ყოვლისა მოგვაგონდება დიდი ქართველი კომპოზიტორი ზაქარია ფალიაშვილი[2][3].
ზაქარია-ს მოფერებითი ფორმებია: ზაქრო, ზაქრუა, შაქრო, შაქარა...
მათგან ნაწარმოები გვარებია: ზაქარიაძე, ზაქარიაშვილი, ზაქარაძე, ზაქარაშვილი, ზაქარიძე, ზაქარეიშვილი, ზაქარაია, ზაქარია, ზაქროშვილი, ზაქუტაშვილი, ზარქუა (ზაქრუა), ზაქრაძე...
ამ სახელის მატარებლები
რედაქტირება- ზაქარია (ჯორჯაძე) — საქართველოს კათოლიკოს-პატრიარქი
- ზაქარია (ქვარიანი) — დასავლეთ საქართველოს კათოლიკოს-პატრიარქი
- ზაქარია (XVII-XVIII სს.) — გარეჯის დოდოს მონასტრის წინამძღვარი
- ზაქარია (ისრაელი) — ისრაელის მეფე.
- ზაქარია I მხარგრძელი — საქართველოს დიდებული დემეტრე I-ის (1125-1156) მეფობის ხანაში
- ზაქარია II მხარგრძელი — ქართველი დიდებული, სახელმწიფო მოღვაწე XII-XIII საუკუნეების მიჯნაზე.
- ზაქარია III მხარგრძელი
- ზაქარია ფალიაშვილი— ქართველი კომპოზიტორი, დირიჟორი, პედაგოგი, საზოგადო მოღვაწე.
- ზაქარია (პაპი) — რომის პაპი 741-752 წ.წ.
- ზაქარია ჩხიკვაძე — ცნობილი ქართველი საზოგადო მოღვაწე, ლოტბარი, პედაგოგი
- ზაქარია ჭიჭინაძე — ქართველი საზოგადო მოღვაწე, გამომცემელი, ლიტერატურისა და ისტორიის მკვლევარ-პოპულარიზატორი
- ზაქარია ბერიშვილი — ქართველი რეჟისორი და მსახიობი. საქართველოს დამსახურებული მოღვაწე
- ზაქარია გაგელი — XII საუკუნის II ნახევრისა და XIII საუკუნის დასაწყისის საქართველოს დიდი ფეოდალი, გაგელთა საგვარეულოს ფუძემდებელი, ბლუ ზაქარიად წოდებული, ძე ვარამ მხარგრძელისა.
- ზაქარია გაბაშვილი — ქართლის მეფის თეიმურაზ II-ის კარის მოძღვარი
- ზაქარია ჭავჭავაძე — , თავადი, რუსეთის არმიის კავალერიის გენერალი
- ზაქარია ფანასკერტელი — XII-XIII საუკუნეების სამხრეთ საქართველოს წარჩინებული ფეოდალი
- ზაქარია ანდრონიკაშვილი — ქართლ-კახეთის სამეფოს პოლიტიკური და სამხედრო მოღვაწე.
- ზაქარია ხერხეულიძე — ქართველი თავადი, რუსეთის არმიის გენერალ-მაიორი
- ზაქარია ქანაქერცი — სომეხი ისტორიკოსი, წარმოშობით ქართველი
- ზაქარია პრუსელი — მართლმადიდებელი ეკლესიის წმინდანი
- ზაქარია აგულეცი — სომეხი ვაჭარი
- ზაქარია რიტორი — ბიზანტიელი ისტორიკოსი და მოაზროვნე
- ზაქარია ბილანიშვილი — ქართველი საზოგადო მოღვაწე, პუბლიცისტი, ფოლკლორისტი.
- ზაქარია ედილაშვილი — ქართველი საზოგადო მოღვაწე, პუბლიცისტი
- ზაქარია ქუცნაშვილი — ქართველი პოლიტიკოსი, საქართველოს ორი მოწვევის (1999, 2012) პარლამენტის წევრი.
სქოლიო
რედაქტირება- ↑ ზაქარია - რა გქვია შენ?. დაარქივებულია ორიგინალიდან — 2012-06-08. ციტირების თარიღი: 2021-01-21.
- ↑ დაარქივებული ასლი. დაარქივებულია ორიგინალიდან — 2016-03-05. ციტირების თარიღი: 2013-03-19.
- ↑ ვაჟის სახელები (ზ), ქართული გენეალოგია. დაარქივებულია ორიგინალიდან — 2011-10-11. ციტირების თარიღი: 2013-03-19.