ეზატი

ეზატი — სოფელი აღმოსავლეთ საქართველოში, შიდა ქართლის მხარის კასპის მუნიციპალიტეტში (კავთისხევის ადმინისტრაციული ერთეული).

სოფელი
ეზატი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	კასპის მუნიციპალიტეტი
თემი	კავთისხევი
კოორდინატები	41°51′39″ ჩ. გ. 44°25′18″ ა. გ.
ცენტრის სიმაღლე	720 მ
მოსახლეობა	224 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995

მდებარეობს მდინარე კავთურის (მტკვრის მარჯვენა შენაკადი) ხეობაში. ზღვის დონიდან 720 მეტრზე, კასპიდან დაშორებულია 10 კილომეტრით, კავთისხევიდან (უახლოესი რკინიგზის სადგური) — 6 კმ-ით.

ისტორია

სოფელი ისტორიულ წყაროებში პირველად მოხსენიებულია XIV საუკუნეში. 1398 წელს ალექსანდრე მეფემ ეზატის შეწირულობა განუახლა სვეტიცხოველს. XVII საუკუნეში გიორგი სააკაძემ ეზატის მამულები უბოძა იმერეთიდან გადმოსულ ჩივაძეებს. ვახუშტი ბატონიშვილის აღწერით (XVIII ს.) ეზატი კავთისხევს ეკუთვნის.

სოფელში, ჩივაანთ უბანში, შემორჩენილია გვიანი ფეოდალური ხანით დათარიღებული იოანე ნათლისმცემლის მცირე დარბაზული ეკლესია და ციხე-კოშკის ნანგრევები.

დემოგრაფია

2014 წლის აღწერის მონაცემებით სოფელში ცხოვრობს 224 ადამიანი.

აღწერის წელი	მოსახლეობა	კაცი	ქალი
2002	307	148	159
2014	224	109	115

ლიტერატურა

• ენციკლოპედია „საქართველო“, ტ. 2, თბ., 2012.
• მაკალათია ს., კავთურას ხეობა, თბ., 1960