გიორგი მიქაუტაძე
გიორგი მიქაუტაძე (დ. 31 ოქტომბერი, 2000, ლიონი, საფრანგეთი) — ქართველი ფეხბურთელი. საფეხბურთო კლუბ „მეცის“ და საქართველოს ეროვნული ნაკრების თავდამსხმელი.
 | |||
| პირადი მონაცემები | |||
|---|---|---|---|
| დაბადების თარიღი | 31 ოქტომბერი, 2000 | ||
| დაბადების ადგილი | ლიონი, საფრანგეთი | ||
| სიმაღლე | 175 სმ | ||
| სათამაშო პოზიცია | თავდამსხმელი | ||
| საკლუბო ინფორმაცია | |||
| მიმდინარე კლუბი | მეცი | ||
| ნომერი | 10 | ||
| ახალგაზრდული კარიერა | |||
| 2007–2008 | ჟერლანი | ||
| 2008–2015 | ლიონი | ||
| 2015–2016 | სენ-პრი | ||
| 2016–2018 | მეცი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 2018–2020 | მეცი II | 24 | (9) |
| 2019–2023 | მეცი | 42 | (25) |
| 2020–2022 | → სერენი | 49 | (28) |
| 2023– | აიაქსი | 6 | (0) |
| 2024– | → მეცი | 12 | (7) |
| ეროვნული ნაკრები‡ | |||
| 2021– | საქართველო | 24 | (9) |
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 12 აპრილი, 2024 ‡ ეროვნული ნაკრების მატჩი და გოლი ბოლოს განახლდა: 26 მარტი, 2023 | |||
კარიერა რედაქტირება
მეცი რედაქტირება
მიქაუტაძის დებიუტი „მეცში“ შედგა 2019 წლის 7 დეკემბერს ლიგა 1-ის მატჩში, „ნიცას“ წინააღმდეგ. „მეცმა“ შეხვედრა ანგარიშით 1-4 წააგო.[1] 2019 წლის 10 დეკემბერს „მეცმა“ მას ოთხწლიანი კონტრაქტი გაუფორმა. მიქაუტაძისთვის ეს პირველი პროფესიონალური კონტრაქტი იყო.[2]
სერენი რედაქტირება
2020 წელს იჯარით ის ბელგიის პირველი B ლიგის (მეორე ლიგა) გუნდ „სერენში“ გადავიდა, სადაც 8 მატჩში 14 გოლი გაიტანა და მალევე გუნდის ლიდერად იქცა. ჩატარებული რვა შეხვედრიდან მიქაუტაძემ 6 მატჩში მოახერხა გატანა. მიქაუტაძემ „ლომელს“ 4 გოლი გაუტანა, 3-3 გაუტანა „ლიერსსა“ და „ბრიუგე II-ს“, 2 გაუტანა „მოლენბეკს“, ხოლო თითო გოლი „დეინცესა“ და „უნიონს“. მან გოლის გატანა ვერ მოახერხა „ვესტერლოსთან“ და „ლომელთან“ მატჩებში.[3]
საერთაშორისო კარიერა რედაქტირება
საფრანგეთში დაბადებული მიქაუტაძე ქართული წარმოშობისაა.[4] 2021 წლის 25 მარტს შედგა მისი დებიუტი საქართველოს ეროვნულ საფეხბურთო ნაკრებში, 2022 წლის მსოფლიო ჩემპიონატის შესარჩევი ეტაპის შეხვედრაში, შვედეთის ეროვნული საფეხბურთო ნაკრების წინააღმდეგ. მიქაუტაძე თამაშში შეცვლაზე შემოვიდა. საქართველოს ნაკრები ანგარიშით 0–1 დამარცხდა.[5] პირველი გოლი ნაკრების მაისურით გაიტანა 2021 წლის 2 ივნისს, რუმინეთთან ანგარიშით 2–1 მოგებულ შეხვედრაში.
მიღწევები რედაქტირება
ინდივიდუალური რედაქტირება
- ბელგიის მეორე დივიზიონის საუკეთესო ბომბარდირი: 2020–21 (19 გოლი)
- საფრანგეთის ლიგა 2-ის წლის საუკეთესო მოთამაშე: 2022–23[6]
- საფრანგეთის ლიგა 2-ის წლის გუნდის გუნდის წევრი: 2022–23
- საქართველოს 2022–23 წლების სეზონის მეორე საუკეთესო ფეხბურთელი: „სარბიელის“ ვერსიით[7]
რესურსები ინტერნეტში რედაქტირება
- გიორგი მიქაუტაძე — Soccerway
სქოლიო რედაქტირება
- ↑ Nice vs. Metz // soccerway.com
- ↑ Metz : Georges Mikautadze passe professionnel // L'Équipe
- ↑ გიორგი მიქაუტაძის ფენომენალური სტატისტიკა!.. // lelo.ge
- ↑ "მეცმა" ქართველთან კონტრაქტი გააფორმა - მიქაუტაძე ლოთარინგიაში სამი წელი ითამაშებს.
- ↑ Sweden vs Georgia. WC Qualification
- ↑ Trophées UNFP. Le Messin Georges Mikautadze élu meilleur joueur de Ligue 2
- ↑ ხვიჩა კვარაცხელია საქართველოს 2022/23 წლების სეზონის საუკეთესო ფეხბურთელად დასახელდა