ბადახოსი
ბადახოსი (ესპ. Badajoz; ესპანური წარმოთქმა: [baðaˈxoθ]) — ქალაქი სამხრეთ-დასავლეთ ესპანეთში, ბადახოსის პროვინციის ადმინისტრაციული ცენტრი. მოქცეულია ავტონომიური გაერთიანების ესტრემადურის შემადგენლობაში. მდებარეობს პორტუგალიის სახელმწიფო საზღვართან, მდინარე გვადიანის ნაპირზე, ზღვის დონიდან 185 მ სიმაღლეზე. 2011 წლის მოსახლეობის აღწერის მიხედვით ქალაქში ცხოვრობდა 151,565 ადამიანი. წარმოადგენს სატრანზიტო პუნქტს პორტუგალიის საზღვართან. აღმოცენდა როგორც პატარა რომაული ქალაქი. VII საუკუნეში ტერიტორია მავრებმა დაიპყრეს და შედეგად გახდა მავრების სამეფოს ნაწილი — ბადახოსის ტაიფა. ბადახოსში დაბადებულია ესპანელი ფერმწერი ლუის დე მორალესი და კონკისტადორი პედრო დე ალვარადო. ქალაქშია XIII საუკუნის გოთიკური ტაძარი. განვითარებულია ტყავის მრეწველობა. არის აეროპორტი.
| ქალაქი | |||||
|---|---|---|---|---|---|
|
ბადახოსი ესპ. Badajoz | |||||
 | |||||
| |||||
| ქვეყანა |
 ესპანეთი | ||||
| კოორდინატები | 38°52′44″ ჩ. გ. 6°58′01″ დ. გ. / 38.87889° ჩ. გ. 6.96694° დ. გ. | ||||
| მმართველი | Francisco Javier Fragoso Martínez | ||||
| დაარსდა | 1834 | ||||
| ფართობი | 1470 კმ² | ||||
| ცენტრის სიმაღლე | 185 მ | ||||
| მოსახლეობა | 152,270 კაცი (2012) | ||||
| სასაათო სარტყელი | UTC+1 | ||||
| სატელეფონო კოდი | 924 | ||||
| საფოსტო ინდექსი | 06001–06012 | ||||
| საავტომობილო კოდი | BA | ||||
| ოფიციალური საიტი | aytobadajoz.es/es/ayto/portada | ||||
  | |||||
რესურსები ინტერნეტში რედაქტირება
- ბადახოსი — სტატია ენციკლოპედია ბრიტანიკიდან (ინგლისური)