გვადიანა
გვადიანა (ესპ. Guadiana, პორტ. Guadiana) — მდინარე ესპანეთსა და პორტუგალიაში, სიგრძე 742 კილომეტრი, აუზის ფართობი 67 ათასი კმ2. სათავე აქვს ლა-მანჩის პლატოზე, მიედინება ახალი კასტილიის ზეგანზე, ღრმა ხეობაში, შემდეგ ესტრემადურის დაბლობზე, კვეთს ალენტეჟუს ვაკეს და გადის სანაპირო ვაკეზე. ესტუარით ერთვის კადისის ყურეს (ატლანტის ოკეანე). საზრდოობს წვიმის წყლით. წყალდიდობა იცის ზამთარში და გაზაფხულზე, წყალმცირობა - ზაფხულში. გვადიანაზეა დიდი წყალსაცავი სიხარა. გამოყენებულია სარწყავად, სანაოსნოდ (საზღვაო გემები პორტუგალიის ქალაქ პომარანამდე ადიან). შესართავშია პორტუგალიის ნავსადგური ვილა-რეალ-დი-სანტუ-ანტონიუ.
| გვადიანა | |
|---|---|
 მდინარე გვადიანა სერპას მუნიციპალიტეტთან (პორტუგალია) | |
| ქვეყანა | ესპანეთი, პორტუგალია |
| ქალაქები |
ბადახოსი (ესპანეთი), ვილა-რეალ-დი-სანტუ-ანტონიუ (პორტუგალია) |
| სათავე | ლა-მანჩის პლატო ესპანეთი |
| სიგრძე | 742 კმ |
| აუზის ფართობი | 67 კმ² |
 გვადიანა ვიკისაწყობში | |
რესურსები ინტერნეტში
რედაქტირება- Guadiana Online დაარქივებული 2018-08-18 საიტზე Wayback Machine.
- United Nations Environment Programme description დაარქივებული 2005-03-10 საიტზე Wayback Machine.