ბჟინევი (ჭიათურის მუნიციპალიტეტი)

ბჟინევი — სოფელი ჭიათურის მუნიციპალიტეტში (ითხვისის თემი). მდებარეობს ჭიათურის პლატოზე, მდინარეების ყვირილისა და ფრონის შუამდინარეთში. მდინარე ყვირილის მარცხენა მხარეს. ზღვის დონიდან 800 მეტრი, ჭიათურიდან 18 კილომეტრი, ქუთაისიდან – 84 კმ,. თბილისიდან – 194 კმ. შემორჩენილია დიდველის ციხე.

სოფელი
ბჟინევი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	ჭიათურის მუნიციპალიტეტი
თემი	ითხვისი
კოორდინატები	42°17′35″ ჩ. გ. 43°22′33″ ა. გ.
ცენტრის სიმაღლე	800 მ
მოსახლეობა	518 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995

ისტორია

ბჟინევი დატანილია XVIII საუკუნეში შედგენილ ვახუშტი ბატონიშვილის რუკაზე. აქვეა მონიშნული აბდუშელიშვილების ციხე-დარბაზი. სოფელს იცნობს XVIII საუკუნის გერმანელი მოგზაური იოჰან გიულდენშტედტი.

დემოგრაფია

2014 წლის აღწერის მონაცემებით სოფელში ცხოვრობს 518 ადამიანი.

აღწერის წელი	მოსახლეობა	კაცი	ქალი
1989	562
2002	671	339	332
2014	518	275	243

ღირსშესანიშნაობები

ისტორიული ძეგლებიდან აღსანიშნავია ბჟინევის (დიდველის) ციხე. ის მდებარეობს სოფლის განაპირას, აღმოსავლეთ ნაწილში და შედიოდა XIII-XIV საუკუნეების ციხესიმაგრის კომპლექსში, რომელიც 1991 წლის 29 აპრილის მიწისძვრამ თითქმის მთლიანად დაანგრია. სოფელში დგას შუა საუკუნეების ეკლესიაც. სოფელში არის საზოგადო მოღვაწის – იპოლიტე ვართაგავას მემორიალური სახლი და საგვარეულო მარანი.

ლიტერატურა

• ენციკლოპედია „საქართველო“, ტ. 1, თბ., 1997. — გვ. 477.
• დვალაშვილი გ., ხანდოლიშვილი ლ. და სხვები, ჭიათურის მუნიციპალიტეტი, თბ., 2017, გვ. 45

რესურსები ინტერნეტში

• ინფორმაცია ბჟინევის შესახებ