ბაღლები

ბაღლები (ყოფილი კიროვი) — სოფელი საქართველოში, გურიის მხარის ლანჩხუთის მუნიციპალიტეტში, ჯურუყვეთის თემში (სოფლები: ბაღლები, ეწერი, ჯურუყვეთი). მდებარეობს გურიის დაბლობზე, ზღვის დონიდან 80 მ, ლანჩხუთიდან 10 კმ., ოზურგეთი-ლანჩხუთის საავტომობილო გზაზე. სოფელში მოდის ჰიდროკარბონატული ნატრიუმიანი წყალი. სოფელში ფუნქციონირებს ჯურუყვეთის N1 საჯარო სკოლა. სოფლის სახელწოდება მეგრული ენიდან მოდის და ნიშნავს ბაღებს.

სოფელი
ბაღლები
ქვეყანა	საქართველო
მხარე	გურიის მხარეგურიის მხარე
მუნიციპალიტეტი	ლანჩხუთის მუნიციპალიტეტი
თემი	ჯურუყვეთი
კოორდინატები	42°03′00″ ჩ. გ. 41°57′45″ ა. გ.
ადრეული სახელები	კიროვი
ცენტრის სიმაღლე	80 მ
მოსახლეობა	367 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
ბაღლები ვიკისაწყობში

ეკლესია

სოფელში იდგა მაცხოვრის სახელობის ძველი მომცრო ეკლესია. ეკლესია მოხატული იყო და შესასვლელში ჰქონდა წარწერა. ეკლესია ნაგები იყო ქვით. სამხრეთ შესასვლელის მარცხნივ გამოსახული იყო ახალგაზრდა კაცი, ბეშქენ ვარდანისძე, რომელიც XIV საუკუნის მოღვაწე იყო და ტაძარიც სავარაუდოდ მან ააშენა. წარწერაზე გაირჩეოდა ბეშქენის, მეუღლე მარიამისა და ვაჟი მიქაელის სახელები. დასავლეთ შესასვლელში მოთავსებული წარწერიდან ირკვეოდა, რომ მხატვარი ვინმე მანუელი იყო. ბეშქენ და მიქაელ გურიელები იხსენიებიან ჯუმათის ეკლესიის წმინდა გიორგის ოქროს ხატის წარწერაში.

ამჟამად. ძეგლი ძლიერაა დაზიანებული. გადახურვა და დასავლეთ კედლის მნიშვნელოვანი ნაწილი დანგრეულია. იატაკი ამოვსებულია მიწით. აქა-იქ მიმობნეულია კედლებიდან ჩამოცვენილი ქვები. ძეგლი მთლიანად გაძარცულია საპირე ქვებისაგან. ფასადები დაფარულია მცენარეულობით. იკითხება მხოლოდ სამხრეთი კედლის მცირე ფრაგმენტი, დანარჩენი მიწით არის დაფარული. გალავანი დანგრეულია და მცენარეულობით არის დაფარული და მისი ფრაგმენტები ეკლესიის ირგვლივ იკითხება.

მოსახლეობა

აღწერის წელი	მოსახლეობა	კაცი	ქალი
1908	1061
1911	854
2002	488
2014	367

გალერეა

• 
  სოფლის ცენტრი
• 
  ეკლესიის ნანგრევები

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 533.