ბაუნტის კუნძულები
ბაუნტის კუნძულები (ინგლ. Bounty Islands) — 13 დაუსახლებელი, გრანიტით აგებული მომცრო კუნძულებისა და მრავალრიცხოვანი კლდეებისაგან შემდგარი არქიპელაგი წყნარი ოკეანის სამხრეთ ნაწილში, ახალი ზელანდიის შემადგენლობაში. განლაგებულია სამხრეთ კუნძულისგან 670 კმ-ით სამხრეთ-აღმოსავლეთით, ჩატემის კუნძულებისგან კი 530 კმ-ით სამხრეთ-დასავლეთით. შეტანილია იუნესკოს მსოფლიო მემკვიდრეობის ძეგლთა სიაში.[1]
| მშობ. სახელი: ინგლ. Bounty Islands | |
|---|---|
 | |
| გეოგრაფია | |
| მდებარეობა | წყნარი ოკეანე |
| კოორდინატები | 47°45′ ს. გ. 179°03′ ა. გ. / 47.750° ს. გ. 179.050° ა. გ. |
| კუნძულთა რაოდენობა | 13 |
| მთავარი კუნძული | დეპოტი |
| ფართობი | 1,35 კმ² |
| უმაღლესი წერტილი | 90 მ |
 ახალი ზელანდია | |
| დემოგრაფია | |
| მოსახლეობა | დაუსახლებელი (2010) |
ეს კუნძულთა ჯგუფი ადმინისტრაციულად ეკუთვნის ახალი ზელანდიის გარე კუნძულებს. ისინი არ არიან რომელიმე რეგიონის ან ოლქის ნაწილი, მაგრამ იმყოფებიან სპეციალური ორგანოს — ინგლ. Area Outside Territorial Authority უშუალო მმართველობის ქვეშ.
გეოგრაფია
რედაქტირება
კუნძულები მდებარეობენ 179° 02' — 179° 07' ს. გ. და 47° 40' — 47° 45' ა. გ. შორის.
კუნძულების მთლიანი ფართობი შეადგენს 1,35 კმ²-ს. არქიპელაგის ყველაზე მაღალი წერტილია — 90 მეტრი ზღვის დონედან.
13 კუნძულის შემადგენლობა:
- ძირითადი ჯგუფი (47°45′ ს. გ. 179°02′ ა. გ. / 47.750° ს. გ. 179.033° ა. გ.):
- კუნძული დეპოტი (Depot) (ყველაზე დიდი კუნძული)
- კუნძული ლიონი (Lion)
- კუნძული პინგვინი (Penguin)
- კუნძული პროკლემეიშენი (Proclamation)
- კუნძული რანფერლი (Ranfurly)
- კუნძული რუატარა (Ruatara)
- კუნძული სპაიდერი (Spider)
- კუნძული ტუნელი (Tunnel)
- კლდე დოგი (Dog Rock)
- კლდე სილი (Seal Rock)
- კლდე სკუა (Skua Rock)
- ცენტრალური ჯგუფი (47°45′45″ ს. გ. 179°02′40″ ა. გ. / 47.76250° ს. გ. 179.04444° ა. გ.):
- კუნძული კეისტლი (Castle)
- კუნძული ფანელი (Funnel) (ძირითადი კუნძული)
- კუნძული პრაიონი (Prion)
- აღმოსავლეთის ჯგუფი (47°46′ ს. გ. 179°04′ ა. გ. / 47.767° ს. გ. 179.067° ა. გ.):
- კუნძული მოლი კეპი (Molly Cap) (ძირითადი კუნძული)
- კუნძული კონი (Con Island)
- კლდე ჩრდილოეთის (North Rock)
კუნძულებზე ბინადრობენ პინგვინების, ალბატროსების და სელაპების დიდი პოპულაცია. ამ მიზეზით არქიპელაგი XIX — XX საუკუნის დასაწყისში პოპულარული იყო მონადირეებს შორის.
კუნძულების კლიმატი მკაცრი და თანაბარ ქარიანია. ყველაზე ცივი თვის ტემპერატურა (აგვისტო) — +5,5 °C, ყველაზე თბილი — იანვარი-თებერვალი — +11 °C. ბაუნტის კუნძულები ხშირად წარმოუდგენიათ ტროპიკულ კუნძულებად, პიტკერნის კუნძულების (5,5 ათასი კმ ჩრდილო-აღმოსავლეთით) გამო, სადაც გადავიდა იმავე დასახელების გემის აჯანყებულთა ეკიპაჟი, ასევე ქოქოსიანი შოკოლადის — «ბაუნტის» სარეკლამო რგოლების გამო.
ისტორია
რედაქტირებაბაუნტის კუნძულები 1788 წლის სექტემბერში კაპიტანმა უილიამ ბლაიმ აღმოაჩინა და სახელი გემ HMS Bounty-ის პატივსაცემად უწოდა, ბაუნტის ცნობილ აჯანყებამდე რამდენიმე თვით ადრე.
მოსახლეობა
რედაქტირებაკუნძულები დაუსახლებელია, მუდმივი მოსახლეობა არ არსებობს, დროებით მცხოვრები სამეცნიერო ექსპედიციის თანამშრომლების გარდა.