Duke (ალბომი)

Duke — ინგლისური პროგრესული როკ-ჯგუფ ჯენესისის მეათე სტუდიური ალბომი, რომელიც გამოვიდა 1980 წელს.

Duke
სტუდიური ალბომი - ჯენესისი
გამოცემის თარიღი	28 მარტი, 1980
ჩაიწერა	ოქტომბერი-დეკემბერი, 1979
ჟანრი	პოპ-როკი სიმფონიური როკი
ხანგრძლივობა	55:06
ლეიბლი	Charisma/Virgin (ბრიტანეთი) Atlantic Records (აშშ)
პროდიუსერი	ჯენესისი
ჯენესისი – ქრონოლოგია
...And Then There Were Three... (1978) Duke (1980) Abacab (1981)
სინგლები ალბომიდან Duke
„Turn It On Again“ გამოვიდა: 8 მარტი, 1980 (1980-03-08) „Duchess“ გამოვიდა: 9 მაისი, 1980 (1980-05-09) „Misunderstanding“ გამოვიდა: 10 მაისი, 1980 (1980-05-10)

პროფესიონალური შეფასებები
ქულები
წყარო	რეიტინგი
Allmusic
Blender
Rolling Stone	(შეფასების გარეშე)
Q

ჩაწერა

Duke-ში შერწყმულია ჯენესისისთვის დამახასიათებელი პროგრესული როკისა და 1980-იანების მუსიკალური ტენდენციების ელემენტები.

Duke გამოვიდა იმ პერიოდში, როდესაც ტონი ბენქსი და მაიკ რეზერფორდი უკვე მუშაობდნენ საკუთარ სოლო ალბომებზე. ფილ კოლინზი ცხოვრობდა ვანკუვერში და ისვენებდა ცოლისგან, რომელსაც იმ პერიოდში დაშორდა. იგი აგრეთვე მუშაობდა სოლო მასალაზე, მაგრამ ამ მასალის მცირე ნაწილი, სიმღერები „Misunderstanding“ და „Please Don't Ask“ გამოიყენა Duke-ში.

ალბომის გამოცემის შემდეგ სიმღერა „Turn It On Again“ იქცა ჯგუფის მეორე ბრიტანულ ჰიტად, რომელიც ათეულში მოხვდა. „Misunderstanding“ ამ პერიოდში აქტიურად იყიდებოდა აშშ-ში და მოხვდა სიმღერების საუკეთესო 20-ეულში.

ალბომის გარეკანზე, თითოეულ სიმღერასთან გამოყენებულია ლაიონელ კეჰლინის ილუსტრაციები.

მიმოხილვა

Duke-ს, როგორც წესი, თვლიან გარდამტეხ პერიოდად ჯენესისის შემოქმედებაში, რადგანაც სამეული შორდებოდა პროგრესული როკის გავლენას და გადადიოდა სინთეზატორებსა და ელექტრონულ პერკუსიაზე ორიენტირებულ სიმღერებზე. Duke-ში ასევე შეტანილია იმ დროისთვის სამივე წევრის მიერ დაწერილი სოლო-კომპოზიციები.

ალბომში მეორდება რამდენიმე მუსიკალური თემა. მთლიანად ეს დისკი შეიძლება ჩაითვალოს კონცეფტუალურ ნამუშევრად, მით უმეტეს, რომ ზოგიერთი სიმღერა ერთმანეთზე მიბმულია. ისევე, როგორც ბევრი მუსიკალური ციკლი, ეს ალბომიც იხსნება და იხურება ერთი მუსიკალური თემით. მეორე მხრივ, მუსიკას მრავალფეროვან ჟღერადობას ანიჭებს კოლინზის მიერ ელექტრონული ინსტრუმენტებით დაინტერესება. ბენქსი ამ დროისთვის აქტიურად იყენებს ელექტრონულ სინთეზატორს Yamaha CP-80, რეზერფორდი კი აღარ იყენებს გიტარის გამრუდებულ ჟღერადობას.

კოლინზის ვოკალური შესრულების მანერა ამ მომენტისთვის რადიკალურად შეცვლილია. ამასთან, იგი უკვე ჩამოყალიბებულია, როგორც ვოკალისტი და პოპულარობის ტალღაზე ზუსტად ერთი წლის შემდეგ ჩაწერს საკუთარ სტუდიურ ალბომს Face Value. მისი ვოკალი Duke-ზე უფრო ხმაურიანია, ვიდრე წინა ალბომებზე, სიმღერა „Turn It On Again“ კი ამისი მაგალითია.

ამ ალბომში, ისე როგორც არც ერთ სხვა დისკში, წარმოდგენილია სოლო-კომპოზიციების მთელი ნაკადი. კოლინზის ავტორობას ეკუთვნის „Misunderstanding“ და „Please Don't Ask“. ბენქსმა ალბომს შესწირა ორკესტრირებული, ლირიკული სიბნელითა და კომპოზიციური კომპლექსურობით სავსე „Heathaze“, და „Cul de Sac“, ხოლო რეზერფორდმა - „Man of Our Times“ და „Alone Tonight“. მიუხედავად ამისა, „Duchess“ და „Behind the Lines“ ჯგუფის წევრების კოლექტიური მუშაობის სიმბოლოა.

ალბომზე შეიმჩნევა სიმღერების ციკლი, რომელიც არ მიჰყვება ალბომის სიუჟეტს - მასში შეიძლება ჩაითვალოს „Behind the Lines“, „Duchess“, „Guide Vocal“, „Turn It On Again“, „Duke's Travels“ და „Duke's End“. თავდაპირველად ეს კომპოზიციები უნდა შესულიყო ალბომის ერთ მხარეზე, მაგრამ გარკვეული მიზეზების გამო, იდეა აღარ გამოიყენეს.

საკონცერტო ტურნეზე სრულდებოდა ალბომის თითქმის ყველა სიმღერა, ხოლო შემდგომ ტურნეებზე ჯგუფი მათ ასრულებდა სიმღერების კრებულების სახით.

სიმღერების სია

მხარე 1
#	სახელწოდება	ავტორ(ებ)ი	ხანგრძლივობა
1.	„Behind the Lines“	ტონი ბენქსი, ფილ კოლინზი, მაიკ რეზერფორდი	5:31
2.	„Duchess“	ბენქსი, კოლინზი, რეზერფორდი	6:26
3.	„Guide Vocal“	ბენქსი	1:35
4.	„Man of Our Times“	რეზერფორდი	5:34
5.	„Misunderstanding“	კოლინზი	3:13
6.	„Heathaze“	ბენქსი	5:01

მხარე 2
#	სახელწოდება	ავტორ(ებ)ი	ხანგრძლივობა
1.	„Turn It On Again“	ბენქსი, კოლინზი, რეზერფორდი	3:50
2.	„Alone Tonight“	რეზერფორდი	3:56
3.	„Cul-de-sac“	ბენქსი	5:05
4.	„Please Don't Ask“	კოლინზი	4:01
5.	„Duke's Travels“	ბენქსი, კოლინზი, რეზერფორდი	8:40
6.	„Duke's End“	ბენქსი, კოლინზი, რეზერფორდი	2:08

B-მხარეები
#	სახელწოდება	ავტორ(ებ)ი	ხანგრძლივობა
1.	„Open Door“	რეზერფორდი	3:56
2.	„Evidence of Autumn“	ბენქსი	4:58

„Open Door“ შეტანილია სინგლში „Duchess“. „Evidence of Autumn“ შეტანილია სინგლში „Misunderstanding“.

ტურნე

ალბომის შემდგომი ტურნეს მსვლელობისას სრულდებოდა შემდეგი სიმღერები:

1. Deep In the Motherlode
2. Dancing with the Moonlight Knight (შესავალი)/Carpet Crawlers
3. Squonk
4. One for the Vine
5. Behind the Lines/Duchess/Guide Vocal
6. Turn It On Again
7. Duke's Travels/Duke's End
8. Lady Lies
9. Ripples
10. Misunderstanding (სრულდებოდა მხოლოდ აშშ ტურნეზე)
11. In the Cage/Slippermen/Afterglow
12. Dance on a Volcano/Drum duet/Los Endos
13. I Know What I Like

სქოლიო

წინამორბედი: Tears and Laughter (ჯონი მეთისი)

ბრიტანული #1 ალბომები 5 აპრილი 1980 – 18 აპრილი 1980

შემდეგი: Greatest Hits (როუზ როისი)