კაზუარი

კაზუარი (ლათ. Casuarius) — ფრინველთა გვარი კაზუარისებრთა ოჯახისა. მოიცავს სამ თანამედროვე და ერთ ამომწყდარ სახეობას. გავრცელებულნი არიან ჩრდილო-აღმოსავლეთ ავსტრალიასა და ახალ გვინეაში. არამფრენი, დიდი ტანის ფრინველებია. მათი სხეულის სიმაღლე 1,5–1,8 მ, წონა კი 60 კგ აღწევს. ავსტრალიაზე ყველაზე დიდები არიან ფრინველთა შორის, მსოფლიოში კი მხოლოდ სირაქლემებს ჩამოუვარდებიან. იკვებებიან სოკოებით, მუცელფეხიანებით, მწერებით, ბაყაყებით, გველებითა და სხვა მცირე ცხოველებით. დედალი ბუდეში დებს 3–8 კვერცხს. ისინი მომწვანო-ცისფერი ფერისაა, სიგრძეში 9–14 სმ, წონაში 650 გ. ინკუბაცია 49–56 დღე-ღამე გრძელდება. ველურ ბუნებაში ცოცხლობენ 12–19, ხოლო ტყვეობაში 40 წლამდე. მათთვის ბუნებრივ მტერს წარმოადგენს დინგო.

ქორდიანები
კაზუარი-მურუკი (Casuarius bennetti)
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ფრინველები რიგი:  კაზუარისნაირნი ოჯახი:  კაზუარისებრნი გვარი:  კაზუარი
ლათინური სახელი
Casuarius (Brisson, 1760)
სისტემატიკა ვიკისახეობებში სურათები ვიკისაწყობში ITIS   174387 NCBI   8786 EOL   111033 FW   39287

სახეობები

• Casuarius casuarius — სამხრეთული კაზუარი
• Casuarius unappendiculatus — ჩრდილოური კაზუარი, ან ნარინჯისფერყელა კაზუარი
• Casuarius bennetti — კაზუარი-მურუკი, ან ჯუჯა კაზუარი
• † Casuarius lydekkeri

ლიტერატურა

• Климов, Василий. Отшельник из джунглей // Вокруг света, 2001, № 6 (2729).
• Наумов С. П. Зоология позвоночных. — М.: Просвещение, 1982. — 464 с.
• Фауна мира. Птицы / В. М. Галушин, Н. Н. Дроздов, В. Д. Ильичёв, В. Е. Фомин; Под общей ред. В. Е. Соколова. — М.: Агропромиздат, 1991. — 312 с. — ISBN 5-10-001229-3.
• Crome F., Moore L. The cassowary’s casque // Emu, 88 (2), 1988. — P. 123—124.