მძიმე მეტალი
მძიმე მეტალი (ასევე მძიმე მეტალი, ინგლ. heavy metal, ხშირად მოხსენიებული როგორც უბრალოდ მეტალი) — როკ-მუსიკის ერთ-ერთ ჟანრს წარმოადგენს[1], რომელმაც ჩამოყალიბებული სახე 1970-იან წლებში მიიღო ძირითადად გართიანებულ სამეფოში და აშშ-ში. მისი შექმნა უკავშირდება აღნიშნული პერიოდის როკ-ჯგუფებს, რომლებიც 1967—1974 წლებში ბლუზ-როკისა და ფსიქოდელიური როკის ნაზავ მუსიკას უკრავდნენ, მკვეთრად გამოხატული მასიური ხმით, გაძლიერებული დისტორშენით, გახანგრძლივებული გიტარის სოლოებით, მკვეთრად გამოხატული დრამების პარტიებით, ხმის საერთო სიმაღლით.
| მძიმე მეტალი | |
|---|---|
| ჟანრობრივი წარმომავლობა | ბლუზ-როკი, ფსიქოდელიური როკი |
| კულტურული წარმომავლობა | გვიანი 1960-იანი წლები, აშშ და გაერთიანებული სამეფო |
| დამახასიათებელი ინსტრუმენტები | ელექტრო გიტარა • ბას გიტარა • დრამები • ვოკალი • კლავიშები |
| ქვეჟანრები | |
| ბლეკ-მეტალი • კლასიკური მეტალი • დეზ მეტალი • დუმ მეტალი • გლემ მეტალი • გოთური მეტალი • გრუვ მეტალი • პაუერ მეტალი • სპიდ მეტალი • სტოუნერ მეტალი • თრეშ მეტალი | |
| აღრეული ჟანრები | |
| ალტერნატიული მეტალი • ავანგარდული მეტალი • ქრისტიანული მეტალი • კრასტ პანკი • დროუნ მეტალი • ექსტრემალური მეტალი • ფოლკ მეტალი • ფანკ მეტალი • გრაინდკორი • ინდუსტრიული მეტალი • მეტალკორი • ნეო-კლასიკური მეტალი • ნიუ მეტალი • პოსტ-მეტალი • პროგრესული მეტალი • რეპ მეტალი • სლაჯ მეტალი • სიმფონიური მეტალი • ვიკინგური მეტალი | |
| რეგიონული განშტოებები | |
| ავსტრალია • რკინიგზის არე • ბრაზილია • ბრიტანეთი • გერმანია • გეტებორგი • ნიუ ორლეანი • აშშ | |
პირველი მძიმე მეტალ ჯგუფები, როგორებცაა Black Sabbath, ლედ ზეპელინი და Deep Purple ფართო აუდიტორიას ხიბლავდა. შუა სამოცდაათიანებში ჟანრის ჩამოყალიბებაში დიდი წვლილი მიუძღვით ისეთ ჯგუფებს, როგორებცაა: Judas Priest, Motörhead, Iron Maiden და სხვა. 1980-იან წლებში გლემ მეტალი გახდა წამყვანი კომერციული ძალა Mötley Crüe-სა და ბევრი სხვა ჯგუფისთვის. მიწისქვეშეთი კი იქმნებოდა უფრო ექსტრემალური, აგრესიული მიმდინარეობები: თრეშ მეტალი გახდა მეინსტრიმული მუსიკა ძირითადად ჯგუფ მეტალიკას ძალისხმევით, მაგრამ სხვა მიმდინარეობები - დეზ მეტალი და ბლეკ-მეტალი კვლავ სუბკულტურულ ფენომენად რჩებოდა. შუა 90-იანებიდან პოპულარურმა მიმდინარეობებმა, როგორებიცაა ნიუ მეტალი, რომელიც ხშირად შეიცავს ელემენტებს გრანჟიდან და ჰიპ-ჰოპიდან, და მეტალკორი, რომელშიც შეზავებულია ექსტრემალური მეტალი და მძიმეკორ პანკი, კიდევ უფრო გააფართოვეს მძიმე მეტალის განსაზღვრება.
ლიტერატურა
რედაქტირება- Du Noyer, Paul (რედ.) (2003). The Illustrated Encyclopedia of Music. Flame Tree. ISBN 1-904041-70-1
- Weinstein, Deena (1991). Heavy Metal: A Cultural Sociology. Lexington. ISBN 0-669-21837-5. შესწორებული გამოცემა: (2000). Heavy Metal: The Music and its Culture. Da Capo. ISBN 0-306-80970-2
სქოლიო
რედაქტირება- ↑ Du Noyer (2003), გვ. 96; Weinstein (2000), გვ. 11–13.
