Black Sabbath

Black Sabbath — პირველი ინგლისური მძიმე-მეტალ ჯგუფი, რომელიც ჩამოყალიბდა ბირმინგემში, 1968 წელს. მისი ამჟამინდელი წევრები არიან ოზი ოსბორნი (ვოკალი), ტონი აიომი (გიტარა) და გიზერ ბატლერი (ბას გიტარა). წლების განმავლობაში ჯგუფის შემადგენლობის ცვლილებებს ჰქონდა ადგილი. თავდაპირველად Black Sabbath არსებობდა ჯგუფის „Earth“ სახით, რომელიც ბლუზ-როკს უკრავდა. მაგრამ დროთა განმავლობაში კოლექტივის ტექსტებს ოკულტური ტექსტების გავლენა დაეტყო, ხოლო გიტარებმა შესამჩნევი უხეში ჟღერადობა შეიძინეს. Black Sabbath-ად გარდაქმნილი შემადგენლობა 1970-იან წლებში დიდი პოპულარობით სარგებლობდა. დღეისათვის იგი ითვლება მძიმე მეტალის ერთ-ერთ დამაარსებლად.

Black Sabbath
ჯგუფი 1970 წელს
ბიოგრაფია
წარმოშობა	ესტონი, ბირმინგემი, ინგლისი
ჟანრ(ებ)ი	მძიმე მეტალი
აქტიური	1968–2006, 2011–დღემდე
ლეიბლ(ებ)ი	Vertigo, Warner Bros., I.R.S.
ასოციაციები	Heaven & Hell GZR დიო
წევრები	ოზი ოსბორნი ტონი აიომი გიზერ ბატლერი
ყოფილი წევრები	იხილეთ შემადგენლობა
ჯილდოები	როკ-ენ-როლის დიდების დარბაზი, გრემის ჯილდო, გრემის ჯილდო და გრემის ჯილდო ცხოვრებისეული დამსახურებისთვის
საიტი	www.blacksabbath.com
Black Sabbath ვიკისაწყობში

1979 წლიდან ოზი ოსბორნი წასული იყო Black Sabbath-ის შემადგენლობიდან. იგი შეცვალა რონი ჯეიმზ დიომ, ჯგუფ „რეინბოუს“ ვოკალისტმა. წლების განმავლობაში მთავარ ვოკალებს ასევე ასრულებდნენ იენ გილანი, გლენ ჰიუზი და ტონი მარტინი. 1997 წელს კვლავ შეიკრიბა ორიგინალური შემადგენლობა (ოსბორნთან ერთად) და ტურნეს შემდეგ გამოსცა საკონცერტო ალბომი Reunion, ხოლო მასში შეტანილი „Iron Man“, რომელიც პირველად ალბომზე Paranoid გამოჩნდა, გახდა „გრემის“ მფლობელი.

უკანასკნელ პერიოდში, დიოს გარდაცვალებამდე, ჯგუფის წევრები ბატლერი და დიო დაკავებულები იყვნენ პროექტით Heaven & Hell. 2011 წლის 11 ნოემბერს, ჰოლივუდში, კლუბში Whisky a Go Go შედგა ჯგუფის ორიგინალურ წევრთა პრეს-კონფერენცია. Black Sabbath-მა გააჟღერა ოფიციალური ინფორმაცია გაერთიანების შესახებ. მოგვიანებით ცნობილი გახდა, რომ ტონი აიომი მკურნალობდა ლიმფომას, ხოლო ბილ უორდმა (დასარტყმელი საკრავები) უარი თქვა ტურნეში მონაწილეობაზე არახელსაყრელი კონტრაქტის გამო. Black Sabbath-ის მე-19 სტუდიური ალბომი 13, ჩაწერილი სამი წევრის მიერ, გამოვიდა 2013 წლის ივნისში.

დისკოგრაფია

სტუდიური ალბომები

• Black Sabbath (1970)
• Paranoid (1970)
• Master of Reality (1971)
• Vol. 4 (1972)
• Sabbath Bloody Sabbath (1973)
• Sabotage (1975)
• Technical Ecstasy (1976)
• Never Say Die! (1978)
• Heaven and Hell (1980)
• Mob Rules (1981)
• Born Again (1983)
• Seventh Star (1986)
• The Eternal Idol (1987)
• Headless Cross (1989)
• Tyr (1990)
• Dehumanizer (1992)
• Cross Purposes (1994)
• Forbidden (1995)
• 13 (2013)

შემადგენლობა

უკანასკნელი

• ტონი აიომი – წამყვანი გიტარა (1969–2006, 2011–2017)
• ოზი ოსბორნი – წამყვანი ვოკალი (1969–1977, 1978–1979, 1985, 1997–2006, 2011–2017)
• გიზერ ბატლერი – ბას-გიტარა (1969–1985, 1987, 1990–1994, 1997–2006, 2011–2017)

საკონცერტო პერსონალი

• ადამ უეიკმენი – კლავიშებიანი საკრავები, დამატებითი გიტარები (2004–2006, 2012–2017)
• ტომი კლაფეტოსი – დასარტყმელი საკრავები (2012–2017)

რესურსები ინტერნეტში

ვიკისაწყობში არის გვერდი თემაზე:

Black Sabbath

• ოფიციალური საიტი