წყნეთი

წყნეთი — დაბა თბილისის შემადგენლობაში, ვაკის რაიონში. წყნეთის ცენტრში მდებარეობს მაღაზიები, კაფეები, საცხოვრებელი ბინები და რამდენიმე დასასვენებელი სკვერი.

დაბა
წყნეთი
წყნეთი ზამთარში
ქვეყანა	საქართველო
მუნიციპალიტეტი	თბილისითბილისი
რაიონი	ვაკე
კოორდინატები	41°41′39″ ჩ. გ. 44°41′39″ ა. გ.
ცენტრის სიმაღლე	950 მ
მოსახლეობა	7 166 კაცი (2014)
სატელეფონო კოდი	+995 32
წყნეთი ვიკისაწყობში

გეოგრაფია

მდებარეობს თბილისის ცენტრიდან 8 კმ-ზე, თრიალეთის ქედის აღმოსავლეთ კალთაზე, მდინარე ვერის ხეობაში,. ზღვის დონიდან 950 მ-ზე, მანგლისის საავტომობილო გზაზე. წყნეთი ადგილობრივი მნიშვნელობის მთის კლიმატური კურორტია. სამკურნალო ფაქტორია მთის ჰავა. სამედიცინო ჩვენება: ლიმფადენიტი, ქრონიკული ბრონქიტი, მშრალი პლევრიტი, რაქიტი, მეორეული სისხლნაკლებობა. სეზონი მაისი-ნოემბერი. აქ იცის თბილი ზაფხული (ივლისის საშუალო ტემპერატურა 20 გრადუსი), და რბილი ზამთარი.

ისტორია

წყნეთის მიდამოებში მიკვლეულია გვიანდელი ბრინჯაოს ხანის კერამიკული ნაკეთობები და სამარხები. იგი ძველთაგანვე ცნობილია როგორც სააგარაკო ადგილი. ინტენსიური სააგარაკო განაშენიანება ქვემო წყნეთში დაიწყო XIX ს-ის II ნახევარში, ზემო წყნეთში - XX ს-ში. შემორჩენილია XVII-XIX სს სამი მცირე ეკლესია. დაბის სტატუსი მიიღო 1967 წელს. საბჭოთა პერიოდში მოქმედებდა სამკერვალო ფაბრიკა, კინოთეატრი, ბავშვთა სანატორიუმი.

დემოგრაფია

აღწერის წელი	მოსახლეობა	კაცი	ქალი
1989	3 664	--	--
2002	8 187	--	--
2014	7 166	--	--

ლიტერატურა

• უშვერიძე გ. გვასალია ჯ., ქართული საბჭოთა ენციკლოპედია, ტ. 11, გვ. 372, თბ., 1987 წელი.