შერმადინ ჭკუასელი (დ. 6 მაისი, 1904, საჭამიასერი, ჩოხატაურის რაიონი — გ. 30 ივნისი, 1978) — ქართველი მომღერალი, გურული ხალხური სიმღერების შემსრულებელი.

შერმადინ ჭკუასელი
ბიოგრაფია
დაბ. თარიღი 6 მაისი, 1904[1]
დაბ. ადგილი საჭამიასერი, ჩოხატაურის რაიონი
გარდ. თარიღი 30 ივნისი, 1978 (74 წლის)
ჟანრ(ებ)ი ფოლკლორი
საქმიანობა მომღერალი
ინსტრუმენტ(ებ)ი ვოკალი

ბიოგრაფიარედაქტირება

მამამისი, კონსტანტინე ჭკუასელი ღარიბი გლეხი იყო. შერმადინს 7 დედმამიშვილი ჰყავდა. მისი პაპა გრიგოლ ჭკუასელი, ლადო აღნიაშვილის გუნდში მღეროდა. 17 წლის იყო, როცა სოფელში გუნდი ჩამოაყალიბა და კონცერტებს მართავდა. ხელმძღვანელობდა ქვემო ხეთის საკოლმეურნეო გუნდს. 1934 წელს საცხოვრებლად გადადის წითელმთაში, ეცნობა ვარლამ სიმონიშვილს და ხდება მისი მოსწავლე. 1931 წლიდან ხელმძღვანელობდა მერიის, წითელმთის, კონჭკათის, შემოქმედის საკოლმეურნეო გუნდებს.

1942 წელს, დიდი სამამულო ომის დროს, არმიაში გაწვეულმა ჭკუასელმა ჩამოყალიბა ჯარისკაცთა გუნდი. 1963 წლიდან შერმადინი ანსამბლ „დილას“ შემადგენლობაშია. შერმადინ ჭკუასელი გარდაიცვალა 1978 წლის 30 ივნისს. მისი შვილი ჯემალ ჭკუასელი საქართველოს სიმღერისა და ცეკვის სახელმწიფო ანსამბლ „ერისიონს“ ხელმძღვანელობს.

რესურსები ინტერნეტშირედაქტირება

სქოლიორედაქტირება

  1. შერმადინ ჭკუასელი. old.radio1.ge (21 იანვარი, 2015). ციტირების თარიღი: 13 ივნისი, 2019.[მკვდარი ბმული]