შალვა ნათელაშვილი
შალვა ნათელაშვილი (დ. 17 თებერვალი, 1958, ფასანაური) — ქართველი პოლიტიკოსი, ლეიბორისტული პარტიის ლიდერი 1995 წლიდან.
| შალვა ნათელაშვილი | |
|---|---|
_(31705405498)_(cropped).jpg) | |
| დაბადების თარიღი | 17 თებერვალი, 1958 |
| დაბადების ადგილი | ფასანაური, საქართველო |
| მოქალაქეობა |
 საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| რელიგია | მართლმადიდებლები |
| პარტია | საქართველოს ლეიბორისტული პარტია |
| საქმიანობა | პოლიტიკოსი |
| მამა | ამბროსი ნათელაშვილი |
| დედა | დარეჯან წიკლაური |
| მეუღლე/ები | ბელა ალანია |
| შვილ(ებ)ი |
დარეჯან ნათელაშვილი ბექა ნათელაშვილი |
ბიოგრაფია
რედაქტირება1981 წელს დაამთავრა თბილისის სახელმწიფო უნივერსიტეტის იურიდიული ფაკულტეტი, შემდეგ კი საბჭოთა კავშირის საგარეო საქმეთა სამინისტროს დიპლომატიურ აკადემიაში განაგრძო სწავლა. იმავე წელს მუშაობა დაიწყო თბილისის მთაწმინდის რაიონის პროკურატურაში, სადაც მუშაობდა 1992 წლამდე. 1992-1995 წლებში იყო საქართველოს მე-3 მოწვევის პარლამენტის წევრი (დუშეთის მაჟორიტარი).
ამ პერიოდში ის საქართველოს ახალი კონსტიტუციის შემქმნელთა ჯგუფში იყო. 1995 წელს მან ჩამოაყალიბა ლეიბორისტული პარტია, რომელიც თანდათან მნიშვნელოვან პოლიტიკურ პარტიად გარდაიქმნა. 1995-1999 წლებში იყო საქართველოს მე-4 მოწვევის პარლამენტის წევრი (დუშეთის მაჟორიტარი), საარჩევნო ბლოკი: „საქართველოს ლეიბორისტული პარტია“. ნათელაშვილის მტკიცებით, ედუარდ შევარდნაძემ და მისმა პროტეჟეებმა — მიხეილ სააკაშვილმა და ზურაბ ჟვანიამ — მას პარლამენტში მოსვლის საშუალება არ მისცეს 1999 წელს არჩევნების გაყალბების გზით.
ლეიბორისტული პარტიის უდიდესი წარმატება დღემდე იყო 2002 წლის ადგილობრივი თვითმმართველობის ორგანოების არჩევნებში გამარჯვება, სადაც ნათელაშვილის პარტიამ თბილისის საქალაქო საკრებულოში ადგილების უმრავლესობა მიიღო. თუმცა ნათელაშვილმა მოულოდნელი განცხადება გააკეთა და კულისებსმიღმა მიღწეული გარიგებით საკრებულოს თავმჯდომარეობა მიხეილ სააკაშვილს დაუთმო.
ხმათა 12,5%-ის მოპოვება 2003 წლის საპარლამენტო არჩევნებში ლეიბორისტების კიდევ ერთი გამარჯვება გახდა, თუმცა ეს არჩევნები გაყალბებულად გამოცხადდა და, შესაბამისად, შედეგები გაუქმდა. პარტიამ ვერ შეძლო ადგილების მოპოვება ხელმეორედ გამართულ არჩევნებში.
2007 წლის სექტემბერში ნათელაშვილის პარტია კოალიციაში შევიდა ცხრა სხვა ოპოზიციურ ჯგუფთან ერთად, რომელიც ანსტისამთავრობო დემონსტრაციებს ატარებდა. ამავე წლის 7 ნოემბრის მოვლენების შემდეგ ნათელაშვილს შპიონაჟისა და მთავრობის დამხობის მოწყობის მცდელობის ბრალდებები წაუყენეს. თუმცა გადადგომამდე მიხეილ სააკაშვილმა განაცხადა 10 ნოემბერს, რომ ნათელაშვილი დაპატიმრებული არ იქნებოდა და ის შეძლებდა საპრეზიდენტო არჩევნებში კამპანიის თავისუფლად ჩატარებას. მომდევნო დღესვე გენერალურმა პროკურორმა შეარბილა მისთვის წაყენებული ბრალდებები და განაცხადა, რომ ნათელაშვილი მხოლოდ დაკითხვისთვის იყო დაბარებული შპიონაჟის საქმეზე მოწმის სახით. ნათელაშვილი რამდენიმე დღეში გამოჩნდა ისევ და ღიად განაცხადა საპრეზიდენტო კამპანიის დაწყების შესახებ, რითაც ასევე გამოეთიშა ოპოზიციურ კოალიციას, რომელმაც ერთობლივ კანდიდატად ლევან გაჩეჩილაძე დაასახელა.
მოგვიანებით ნათელაშვილმა განაცხადა კოალიციიდან გასვლის შესახებ: „მე ვერავის ვენდობი გარდა საკუთარი თავისა, როცა საქმე საქართველოს პრეზიდენტის პოსტს ეხება“. ნათელაშვილის საარჩევნო კამპანია ეყრდნობოდა მისი პარტიის ძლიერ სოციალისტურ მიმართულებებს და მხარს უჭერდა უფასო ჯანდაცვას, განათლებასა და სოციალ მომსახურებას. ლეიბორისტული პარტია მოუწოდებს სტრატეგიულად მნიშვნელოვანი ობიექტების ნაციონალიზაციისკენ. თუმცა, ზოგადად, პარტია პრივატიზაციის წინააღმდეგი არ არის.
2008-2012 წლებში იყო საქართველოს მე-7 მოწვევის პარლამენტის წევრი პარტიული სიით, საარჩევნო ბლოკი: „საქართველოს ლეიბორისტული პარტია“ (პარლამენტში არ შევიდა)
ნათელაშვილი ამომრჩევლებს შეჰპირდა უფასო გაზსა და ელექტროენერგიას სამი წლის განმავლობაში, მისი გამარჯვების შემთხვევაში. მისი თქმით, ამ საფასურს დაფარავდნენ მსხვლი გადამხდელები (ანუ, საწარმოები), თუმცა ამისთვის მათ საგადასახადო შეღავათები მიეცემოდათ. ის ასევე შეჰპირდა მოსახლეობას საბჭოთა კავშირის დაშლით დაკარგული საბანკო ანაბრების თანხების ანაზღაურებას. ნათელაშვილი ასევე მხარს უჭერს კონსტიტუციურ მონარქიას. ნათელაშვილმა მიიღო ხმათა 6,49 %. დაახლოებით ისეთივე შედეგი მიიღეს ლეიბორისტებმა 2008 წლის საპარლამენტო არჩევნებში. 2012 წლის საპარლამენტო არჩევნებში ლეიბორისტულმა პარტიამ მიიღო ხმათა 1,24 % და ვერ მოიპოვა ვერცერთი მანდატი. შემდეგ წელს, საპრეზიდენტო არჩევნებში ნათელაშვილი გავიდა მეოთხე ადგილზე, მიიღო ხმათა 2,88 %.
2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „საქართველოს ლეიბორისტული პარტია“.[1] 2022 წლის 15 თებერვალს შალვა ნათელაშვილს შეუწყვიტეს სადეპუტატო უფლებამოსილება არასაპატიო მიზეზით სხდომების ნახევარზე მეტის გაცდენის გამო.[2]
რესურსები ინტერნეტში
რედაქტირება- შალვა ნათელაშვილი — საქართველოს ბიოგრაფიული ლექსიკონი
- შალვა ნათელაშვილი — საქართველოს პარლამენტის ოფიციალური საიტი (საქართველოს პარლამენტის მესამე მოწვევა)
- შალვა ნათელაშვილი — საქართველოს პარლამენტის ოფიციალური საიტი (საქართველოს პარლამენტის მეოთხე მოწვევა)
- შალვა ნათელაშვილი — საქართველოს პარლამენტის ოფიციალური საიტი (საქართველოს პარლამენტის მეშვიდე მოწვევა)
- შალვა ნათელაშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
- ნათელაშვილის ბიოგრაფია დაარქივებული 2016-03-04 საიტზე Wayback Machine.
სქოლიო
რედაქტირება- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 6 დეკემბერი, 2020.
- ↑ პარლამენტმა კახა კუჭავას, ბადრი ჯაფარიძეს, შალვა ნათელაშვილსა და ელენე ხოშტარიას სადეპუტატო უფლებამოსილება შეუწყვიტა