ღალიძგა
მდინარე საქართველოში, აფხაზეთის ავტონომიურ რესპუბლიკაში
ღალიძგა (მეგრ. ღალიშ ძგა — „ღელის ნაპირი“) — მდინარე საქართველოში, აფხაზეთის ავტონომიური რესპუბლიკის ოჩამჩირის მუნიციპალიტეტში. სათავე აქვს კოდორის ქედის სამხრეთ კალთაზე, მწვერვალ ხოჯალის მახლობლად. სიგრძე — 53 კმ, აუზის ფართობი — 483 კმ². ზემო დინებაში მთის მდინარეა კარგად გამოხატული სწრაფი დინებით, ქვემო წელში კი დაბლობზე გამოდის და შავ ზღვას ერთვის ქალაქ ოჩამჩირეს სამხრეთით. საზრდოობს წვიმისა და მიწისქვეშა წყლით. წყალდიდობა იცის გაზაფხულზე, წყალმცირობა — ზამთარში. ახასიათებს ხშირი წყალმოვარდნა. საშუალო წლიური ხარჯი ქალაქ ოჩამჩირესთან — 25,1 მ³/წმ. მთავარი შენაკადებია მდინარე ღეჯირი.
| ღალიძგა | |
|---|---|
 მდინარე ღალიძგა ტყვარჩელთან | |
| ქვეყანა |
 საქართველო |
| ტერიტორიული ერთეულები | ოჩამჩირის მუნიციპალიტეტი (აფხაზეთის ავტონომიური რესპუბლიკა) |
| ქალაქები | ტყვარჩელი, ოჩამჩირე |
| სათავე |
კოდორის ქედი 42°58′55″ ჩ. გ. 41°51′43″ ა. გ. / 42.982056° ჩ. გ. 41.862194° ა. გ. |
| სათავის მდებარეობა | მწვერვალი ხოჯალი |
| შესართავი |
შავი ზღვა 42°41′50″ ჩ. გ. 41°28′01″ ა. გ. / 42.697333° ჩ. გ. 41.467194° ა. გ. |
| სიგრძე | 53 კმ |
| აუზის ფართობი | 483 კმ² |
| წყლის ხარჯი (საშ.) | 25,1 მ³/წმ |
     — სათავე,  — შესართავი | |
ჩამოუდის ქალაქებს ტყვარჩელსა და ოჩამჩირეს. XVIII საუკუნის წყაროებში მოხსენიებულია როგორც სამურზაყანოს დასავლეთი საზღვარი.
ლიტერატურა რედაქტირება
- ქართული საბჭოთა ენციკლოპედია, ტ. 10, თბ., 1986. — გვ. 582.