ქრისტიან-დემოკრატიული მოძრაობა
ქრისტიან-დემოკრატიული მოძრაობა — მემარჯვენე ცენტრისტული პოლიტიკური პარტია საქართველოში.
| ქრისტიან-დემოკრატიული მოძრაობა | |
|---|---|
 | |
| ხელმძღვანელობა | |
| ლიდერი | გოჩა ჯოჯუა |
| ისტორია | |
| დაფუძნდა | თებერვალი, 2008 |
| პოზიციები | |
| იდეოლოგია | ქრისტიან-დემოკრატია |
| საერთაშორისო კავშირები | |
| საერთაშორისო აკრედიტაცია | IDU-ს სრული წევრი [1] |
ისტორიარედაქტირება
პარტია დააფუძნეს ტელეკომპანია „იმედის“ ყოფილმა ჟურნალისტებმა 2008 წლის თებერვალში. პარტიამ კარგი შედეგი აჩვენა პირველივე არჩევნებში. 2008 წლის საპარლამეტო არჩევნებში ისინი გავიდნენ მესამე ადგილზე, მიიღეს ხმათა 8,66 % და 6 მანდატი პარლამენტში.
პარტია მონაწილეობდა 2010 წლის თვითმართველობის არჩევნებში. ამ არჩევნებში პარტია უკვე მეორე ადგილზე გავიდა ხმათა 10,3 %-ით. პარტიის შედეგები უკეთესი იყო რეგიონებში, ვიდრე თბილისში. 2010 წლის საკრებულოში პარტია სამი მანდატით იყო წარმოდგენილი — ჯაბა სამუშია, ზაზა გაბუნია და კახა ბროკიშვილი, რომელმაც ინგა გრიგოლია შეცვალა. 2013 წელს ჯაბა სამუშიამ ზაზა გაბუნიასთან ერთად „ქრისტიან-დემოკრატები“ დატოვა და საკრებულოში „ქართული ოცნების“ ფრაქციას შეუერთდა.[2]
2012 წლის საპარლამენტო არჩევნებში პარტია, მართალია, გავიდა მესამე ადგილზე, მაგრამ მიიღო ხმათა 2,05% და დარჩა პარლამენტს მიღმა. 2013 წლის საპრეზიდენტო არჩევნებში პარტიის ლიდერმა, გიორგი თარგამაძემ, მიიღო ხმათა 1,06% და გავიდა მეხუთე ადგილზე. ამის შემდეგ, 2014 წლის მარტში გიორგი თარგამაძე წავიდა პოლიტიკიდან.[3] პარტიის ლიდერი გიორგი ახვლედიანი გახდა „დემოკრატიული მოძრაობის“ ერთ-ერთი ლიდერი.
შედეგები არჩევნებშირედაქტირება
| წელი | არჩევნები | მიღებული პროცენტი | შენიშვნა |
|---|---|---|---|
| 2008 | საპარლამენტო | 8.58% | მოიპოვა მანდატები |
| 2010 | ადგილობრივი | 10.7% | |
| 2012 | საპარლამენტო | 2.05% | ვერ გადალახა ბარიერი |
| 2013 | საპრეზიდენტო | 1.06% | |
| 2018 | საპრეზიდენტო | 0.12% |
სქოლიორედაქტირება
- ↑ ქ.დ.მ. IDU -ს სრული წევრი გახდა
- ↑ „თსუ-ის რექტორის მოვალეობის შემსრულებლად ჯაბა სამუშია აირჩიეს“. პუბლიკა. 20 ოქტომბერი, 2022. ციტირების თარიღი: 21 აპრილი, 2023. შეამოწმეთ თარიღის პარამეტრი
|access-date=და|date=-ში (დახმარება) - ↑ გიორგი თარგამაძე პოლიტიკურ საქმიანობას წყვეტს